Efesios 5:18 - Tayta Diosninchi Isquirbichishan

¹⁸ Ama upyaychu. Machashacunaga pirdicashami goyan. Chaypa ruquenga Espíritu Santu munashanno cushisha caway.

Efesios 5:18 Referans Kwoze

Proverbios 20:1

Machacurcorga runacuna alli chölu-tucunmi. Upyacarcärerga quiquin-purami rimanacun. Machashaga manami pipis yarpayninchöchu.

Romanos 13:13

Jesucristuman yäracuycarga juchata amana rurashunnachu. Amana fistan-fistan puriynachu ni upyarpis goyaynachu. Ama majayquita jananpaynachu, japalla caycarpis ama jucwan-jucwan cacuychu. Ama gayapänacuynachu ni chiquinacuynachu.

Lucas 1:15

Tayta Dios munashanno rurashpanmi Tayta Diostapis cushicachengapaj. Bïnuta ni ima machächicojtapis mana upojmi cangapaj. Manaraj yurishanpita-pachami Espíritu Santupa munayninwanna caycangapaj.

Isaías 5:22

Ay imanöraj canqui waran-waran upyallar cacojcuna, machächicojcunata rurayllapaj callpayojcuna.

1 Corintios 5:11

Chaypa ruquenga niycä «Jesucristuman yäracö» niycar ollgupis warmipis jucwan-jucwan puricojcunawan, imapäpis yargajcunawan, ïdulucunaman yäracojcunawan, washa-rimacunawan, burrächucunawan, suwacunawan mana gotucänayquipämi. Chayno runacunawanga micunallayquipäpis ama gotucaychu.

Hechos 11:24

Bernabëga Tayta Diosmanmi yäracoj. Alli runami caran. Espíritu Santupa munaynincho caran. Chaymi Antioquiacho achcaj runacuna Jesusman yäracuran.

1 Tesalonicenses 5:7

Chacajcho cajcunami puñuconga. Chacajcho cajcunami upyallar cacun.

Lucas 12:45

Chay uyway capas yarpanga ‹patrunnëga manarämi cutimongarächu› nir. Chayno yarpar munaynincho caycaj runacunata maganga. Micur upyar goyäconga.

Lucas 11:13

May-jina fiyu caycarpis gamcunaga wamrayquicunata alli cajllatami goycunqui. Gamcuna fiyu caycarpis chayno carcaycaptiquega llapanpaj munayniyoj Papäninchi mañacojcunataga Espíritu Santutami gonga.»

1 Corintios 6:10

suwacojcuna, charaycar mastaraj munajcuna, burrächucuna, washa rimacuna, runa-masinta engañajcuna. Manami mayganpis chayno juchata rurajcunaga Diospa ñaupanman chayangachu.

Tito 1:6

Mayur ermänuta churanayquipäga pï-maypitapis alli ricasha canman. Juc warmiyojlla canman. Wamrancunapis Tayta Diosninchïman yäracur allillata ruraj canman. Mamanta taytanta wiyacoj canman.

Lucas 21:34

«Mana yarpashayqui örami cutimushaj. Cutimur cuydä tarinäwan llutanta ruraycajta, machasha caycajta, ima-aycayojpis canayquipaj yarpachacuycajllata.

Isaías 55:1

Tayta Dios cayno nin: «Llapayqui yacunaycajcunaga yacuta upunayquipaj shamuy. Rïguta rantinayquipaj guellayta mana tarejcunaga dibaldi micunayquipaj shamuy. Bïnutapis lëchitapis mana pägayllapa tarinayquipaj shamuy.

Deuteronomio 21:20

Chayachirna paycunata nenga: ‹Cay wamrä manami wiyacamanchu, ni cäsumanpischu. Llutan ruraycunaman, upyallaman churacashami caycan› nir.

1 Corintios 11:21

Micunayquipaj upunayquipaj shuntacarshi waquinniquega alli micuyta apaycur micurcaycanqui. Waquinniquishi yargaycanqui. Waquinniquinashi machasha jitarpaycanqui.

Cantares 1:4

¡Pushacamay ari! ¡Raynillä, wasiquiman pushacamay ari! Gamwanga cushishami goyäshunpaj. Chaychönami yarpäshun cuyacuyniqui bïnupita mas alli cashanta. ¡Rasuntachari jipashcunaga cuyashunqui!

Génesis 9:21

Chaypita juc junajcho Noëga bïnuta rurarcur upur machacäcuran. Nircur toldun rurincho röpaynaj galalla jitaraycaran.

Mateo 23:25

«¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunataga pusillucunapa lätucunapa janallanta mayllar rurin imano captinpis mana imapis gocushunquichu. Chayno runapa ricay-ñawincho limyu-tucuptiquipis yarpayniquicunaga ganrami caycan. Chaymi yargaj caycanqui. Suwacuyllapa rïcuyayta munarcaycanqui.

Isaías 25:6

Sión lömachömi munayniyoj Tayta Dios aypalla micuyta camarenga llapan nasyun runacunapaj. Chaychöga caycanga mishquej micuycuna, mas alli caj bïnupis.

Salmos 69:12

Nogapäga shimillarämi rimapäcunpis. Burrächucunanami pengacachimashpan birsupäman.

Mateo 24:49

Chayno yarparmi uyway-masincunata maganga. Upyaj-masincunawan micur upyar carcaycanga.

Cantares 7:9

Parlacuyniquega mishquej alli bïnunömi. Chayga caycan mishquej bïnu shimi-wirpanchïpa, quirunchïpa mishquilla chayar päsarejnömi.

Levítico 10:9

«Gampis ni wamrayquicunapis Tincuna Tolduman yaycunayquipaj caycarga ama upunquichu bïnuta, ni ima machächicojcunatapis. Chayno upucurcur yaycorga wañunquimanmi. Chay nishäcunaga imaycamapis laymi canga gamcunapaj gamcunapita mirajcunapäpis.

Juan 2:10

«Llapan runapis rimëruga alli bïnu cajtami upun. Achcatana upusha captinnaga jorgamun shegui caj bïnullatana. Gammi ichanga canancamapis mas alli caj bïnutami churarächishcanqui.»