Eclesiastés 9:12 - Tayta Diosninchi Isquirbichishan

¹² Chaynömi runapis manami musyanchu imay öra wañunanpaj cashantapis. Pescäducuna redapa bolsanman camacänanta mana musyashannömi, äbicunapis trampaman wichgacänanta mana musyashannömi runapis disigrasyaman chayananta mana musyanchu.

Eclesiastés 9:12 Referans Kwoze

1 Tesalonicenses 5:3

Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.

Proverbios 29:6

Fiyu runaga quiquinpa juchallanpitami imamanpis chayan. Alli runami ichanga cushisha alli goyäcun.

2 Timoteo 2:26

Chayno cawarga Satanaspa maquincho caycashanpita gueshpir Tayta Diosninchïpa maquinchönami goyanga.

2 Corintios 6:2

Payga palabranchöpis caynömi nin: «Ruwacamashayqui örami wiyashcä. Salbanäta nistashayqui örami yanaparä.» Chaymi gamcuna salbacuyta munaj cäga canan junaj Tayta Diosta mañacuy salbashunayquipaj.

Proverbios 6:15

Chaypitami illajpita ñacayman chayapayconga. Mana yarpashapitami tucuy-niraj mana allicunaman chayanga. Juc ñipiyllachömi ushacanga.

2 Pedro 2:12

Llutan yachachicojcunaga animalcunano mana tantiyacoj carmi imatapis llutanta ruran. Animalcunano pishtacänallanpämi yurisha. Paycunaga mana allita ruraycashallanchömi ushacangapis.

1 Pedro 2:12

Tayta Diosman mana yäracojcunapa chaupincho cawarpis cuyay-munaypaj caway. Canan wichan «llutantami ruraycan» nimashapis, lebantamashapis Taytanchi Jesucristo cutimushan junajrämi musyanga allita rurashanchïta. Chayrämi Tayta Diosta alabanga.

Lucas 12:39

Ichanga cayta sumaj musyanquiman: Imay öra suwa yaycunantapis wasiyoj musyarga wasinta täpanmanmi. Ricchaycällarmi waranman suwa yaycunanta.

Lucas 12:20

Chayno yarpachacuycaptinshi Tayta Dios niran: ‹¡Yarpayniynaj upa runa! ¡Canan chacaymi wañunquipaj! Llapan ñacar churashayquega ¿pipäraj quëdanga?› nir.

Isaías 30:13

Chaypitami gamcunaga juchayoj canqui. Juchayquega altu perga shillisha caycajnömi caycan. Perga shillicar mana yarpashapita amicäcojnömi canga.

Eclesiastés 8:11

Fiyu runata juchanpita mana castigaptenga runacuna sïguirmi jucha rurayllapaj yarparcaycanga.

Salmos 11:6

Tayta Diosga fiyu runacunaman tamyachimonga shanshata, nina rataycajta, asufrita. Chaynömi acaj fiyu wayratapis wayrächimonga ruparinanpaj. ¡Tayta Diosmi castiganga!

Eclesiastés 3:19

Rasunpaga runacunapapis animalcunapapis jucnayllami distïnun. Animalcunapis runacunapis chaynöllami wañun. Cawachicoj jämaypis llapanpaj chaynöllami caycan. Runacunaga manami animalcunapita maschu. Llapanpis yangallami caycan.

Eclesiastés 9:13

Cay pachachöga juctapis ricashcämi. Chayga fiyupami yarpachacachimasha.

Isaías 24:18

Casadurpita gueshpej cäga yagangapaj uchcumanmi. Uchcupita llojshirir gueshpej cajnami togllacho watacasha quëdanga. Fiyupa löcu tamyami tamyamongapaj. Cay pachata tucnarämojcunapis chucchongarämi.

Oseas 9:8

Diosga profëtanta churasha Efraín runacunata ricananpämi. Chaypis gamcunaga chay willacoj mana alliman chayananpaj trampata churaparcaycanqui. Intëru Israelchöpis chiquircaycanqui.

Proverbios 24:22

Fiyucunaga illajpitami usharaycangapaj. Manami pipis musyanchu Tayta Diospis, ni raypis imano castiganantapis.

Eclesiastés 8:8

Manami pipis duyñuchu bïdanwanga. Chaynöpami masta mana cawanchu. Chayno manami pipis musyanchu imanöpa ni imay wañunanpaj cashantapis. Wañuypitaga manami pipis gueshpinchu. Fiyucunatapis mana allita rurashancunaga manami salbangachu.

Ezequiel 32:3

«Tayta Diosga caynömi nin: «Chaychica runapa chaupincho caycajtapis redäta gamman jitamorga charishayquimi.

Oseas 7:12

Aywaptinmi ichanga redäta jitashaj paycunapa jananman. Janajpita äbicuna shicwajnömi shicwanga. Mana allita rurashancunapitami castigashaj.