Eclesiastés 6:12 - Tayta Diosninchi Isquirbichishan

¹² Rasunpaga, ¿pillaga musyanchuraj runapaj ima mas alli cashantapis? Runaga yangallami cawan. Llantuynöllami päsacun. Chaura runata ¿piraj willanman wañushanpitana ima cananpaj cashantapis?

Eclesiastés 6:12 Referans Kwoze

Santiago 4:14

Gamcuna manami musyanquichu waracuna imaman chayanayquitapis. Runaga ushacajllami. Goshtaynöllami yurircur manapis aycällatana illgacäcun.

Eclesiastés 3:22

Manami pipis willacuyta puydinchu shamoj watacunacho imano cananpaj cashantapis. Chaymi runapäga mas alli caycan arushancunawan imatapis allita rurar cushisha goyäcuptin. Chayno goyänanpämi cawan.

Job 14:2

Payga wayta pashtarcur wañuytacäcojnöllami. Cawanpis llantuy päsacojnöllami.

Salmos 144:4

Runaga juc jämayta cachaycuynöllami. Llantuy päsajnöllami aywacuycanpis.

Eclesiastés 8:7

Runaga manami musyanchu ima päsananpaj cashantapis. Ni pipis manami willanchu ni ima imay päsananpaj cashantapis.

Job 8:9

Noganchëga ganyanllarämi yurishcanchïpis. Manami imatapis musyanchïchu. Llantuy päsarejnöllami päsarinchïpis.

1 Crónicas 29:15

Gampa ñaupayquicho nogacuna cä caminanti jäpa runanöllami. Chaynöllami casha unay caj awilöcunapis. Nogacunaga cay pachacho cawä rätullami. Manami pipapis bïdanga rantishachu.

Eclesiastés 12:13

Chayllatanami rimashcä. Mananami mas yachachinäpaj cannachu. Tayta Diosta rispitar mandamintuncunata cumliy. Runacunaga chaypämi cay pachacho cawan.

Eclesiastés 9:6

Wañuycuptinmi ushacan cuyacoj cashan, chiqui cashanpis, ima munashanpis. Ushacarnaga cay pachacho manami imatapis rurannachu.

Eclesiastés 2:3

Chaypitaga upyaytana camarä. Tucuyta ruraytana munarä. Chaycunataga llapantapis alli yarpaynëchömi rurarä musyanalläpaj. Pasaypaga manami pirdicarächu. Cay pachacho wallca wata cawashan wichan runa imanöpa alli cawashantapis musyayta munarä.

Salmos 109:23

Llantuy illgacäcojnömi ruracaycä. Chüpacatanömi wayrapis apaycäman.

Salmos 102:11

Llantuy päsacojnöllami watäcunapis päsacuycan. Guewa wañuytajnömi wañuycä.

Salmos 17:15

Nogami ichanga fiyupa cushicushäpaj juchaynaj car gamta ricar ñaupayquicho goyarna. Riccharcamur gampa ñaupayquicho ricacushpämi fiyupa cushicushaj.

Salmos 4:6

Achcajmi nircaycan: «¿Piraj alli cawayta tarichimäshun?» nir. ¡Tayta Dios, alli ñawillayquipa nogacunaman ricäramuy ari!

Job 14:21

Wamrancuna alliman chayaptinpis wañucoj runaga manami musyannachu. Wamrancuna mana alliman chayaptinpis wañucoj runaga manami tantiyannachu.

Miqueas 6:8

Runa, Tayta Diosga maynami nisha-cashunqui, alli cajllata, pay munashan cajllata ruranayquipaj. Payga munan: Alli cajllata ruranayquitami, pï-maytapis cuyanayquitami, imata Tayta Dios nishushayquitapis wiyacur cumlinayquitami.

Salmos 89:47

Tayta Dios, yarpäriy ari noga päsacojlla cashäta. Runacunaga yupasha watallami cawä.

Salmos 47:4

Acrashan runacuna captinchïmi Tayta Diosga cuyamanchi. Chaymi aunimashanchi chacratapis goycamashcanchi. Chay chacrachömi Jacobpa caj famillyancunaga cushisha goyanchi. Selah

Salmos 16:5

Tayta Dios, gammi erensyä canqui; sumaj bindisyunta gomanqui. Nogaga gampa munayniquichömi caycä.

Eclesiastés 2:24

Ichanga Tayta Dios munan cushisha cawananchïtami. Paymi llapantapis camacächisha. Pay mana camacächiptenga ¿piraj micunman, piraj cushisha cawanmanpis? Chaymi runaga micunman, upunman. Arur tarishancunatapis gustunta rurar ushanman. Tantiyacuptë llapantapis Tayta Diosmi camacächisha.

Eclesiastés 6:11

Maychöpis achcata parlashanchöga mana cumbënejcunallatami riman. Chayno parlarga mananami ni ima allitapis jorgunchïchu.

Eclesiastés 7:15

Yangallapaj cawar cay bïdachöga caynötami ricashcä: Alli runacuna cuyapäcoj cashpanpis rätu wañun. Fiyu runacunanami fiyu caycashpanpis mas unaycama cawan.

Eclesiastés 9:9

Cuyanacushayqui warmiwan cushisha goyay. Cay pachachöga päsajllami caycan Tayta Dios goshushayqui bïdayquega. Cay pachacho fiyupa ñacar arushayquipitaga cushisha alli goyashallayquimi päguyqui.

Eclesiastés 10:14

Chay runacunaga mana ushaypami parlan. Shamoj watacunacho imapis päsananpaj cajta pipis mana musyaycaptenga ¿piraj ninman imapis päsananpaj cajta?