Eclesiastés 5:10 - Tayta Diosninchi Isquirbichishan

¹⁰ Guellayta cuyäga mastami charayta munan. Rïcucunapis manami «aypallata charä» ninchu. Chaypis yangallami caycan.

Eclesiastés 5:10 Referans Kwoze

1 Timoteo 6:10

Fiyupa guellayta cuyaywanmi llapan jucha ruraycunapis shamun. Waquin ermänucunapis riquësacunapaj yargaj caywanmi Tayta Diospita witicurisha. Chaynöpami fiyupa ñacayman chayasha.

Mateo 6:24

«Chaymi, pipis mana ishcay patrunta sirbinmanchu. Jucajta wiyarga jucninta manami cäsunnachu. Jucajta cuyar jucnintaga manami cuyanganachu. Chaynömi ima-aycanpäpis yarpararga Tayta Diosta sirbiyta mana camäpacunchu.

Lucas 12:15

Runacunatana niran: «Imapäpis yargäga ama canquichu. Alli goyänayquicunapäga manami rïcurächu canayqui.»

Mateo 6:19

«Cay pachachöga rïcu canallayquipaj ama yarpachacuychu. Cay pachacho shuntashayquitaga puyupis ushangami; ismurpis ushacanmi. Suwacunapis apacongami.

Eclesiastés 4:8

Japallan runa arun mana jamaypa, amïgun, ni wamrancuna, ni wauguincunapis mana caycaptin. Chay runa ima-aycatapis masta mastami munaycan. Nircur chay runa yarpachacun «Chay-jina ¿pipäraj arö? ¿Imanirtaj gustashätaga mana rurächu?» nir. Chay-jina ñacashanpis yanga-yupayllami.

Eclesiastés 4:4

Juctapis ricashcämi. Jucta llalliyta munarmi runaga fiyupa arun; nigusyutapis alli arun. Ichanga chaypis yangallami, wayrata chariyta munashanchïnöllami.

Salmos 62:10

Mana allita rurashayquicunamanga ama yäracuychu. ¡Runapa ima-aycantapis guechushpayqui ama alabacuychu! Rïcuyashpayqui guellayniquimanga ama yäracuychu.

Eclesiastés 2:26

Paymi yachayta gomanchi, tantiyachimanchi, cushicachimanchi alli ricashan cajtaga. Juchata rurajcunatami ichanga ñacar ima-aycatapis fiyupa cuestajcunata shuntananpaj cachaycun. Nircur chay runacunaga shuntashancunata cachapaycun Tayta Dios alli ñawinpa ricashan caj runacunapäna. Chaypis yangallami, wayrata chariyta munashanchïnöllami.

Salmos 52:7

«Masqui ricay, Tayta Diosman mana yäracoj runata, rïcu cayllanman yäracushpan mana allita rurajta.»

Eclesiastés 2:11

Nircur yarpachacurä fiyupa ñacar aruchishäcunapaj. Chaymi sumaj yarpachacurir musyashcä llapanpis yangallapaj cashanta, wayrata chariyta munashanchïnölla cashanta. Cay bïdacho imata rurashanchïpis manami imapäpis bälinchu.

Eclesiastés 4:16

Aypalla runacuna rispitar alli ricasha captinpis mas guepatanaga «manami allichu mandasha» nenganami. Chaypis caycan yangallami, wayrata chariyta munashanchïnöllami.

Eclesiastés 3:19

Rasunpaga runacunapapis animalcunapapis jucnayllami distïnun. Animalcunapis runacunapis chaynöllami wañun. Cawachicoj jämaypis llapanpaj chaynöllami caycan. Runacunaga manami animalcunapita maschu. Llapanpis yangallami caycan.

Eclesiastés 6:7

Runaga waran-waran arun micunallanpämi. Chaypis manami imaypis yamanchu.

Eclesiastés 1:17

Llapan shongöpami yachaj canäpaj estudyashcä. Llutan ruraycuna imano cashantapis estudyashcä. Ichanga chaycunapis caycan wayrata chariyta munashanchïnöllami.

Salmos 52:1

Munayniyoj fiyu runa, ¿imanirtaj cushicunqui mana allita rurashpayqui? Chayno captiquipis Tayta Dios cuyacoj cashanga imaypis manami ushacangachu.

Eclesiastés 1:8

Llapanpis fiyupami uticächicun. Runaga imanöpa tantiyachiytapis manami puydinmanchu. Chaypis runaga mana yamacaypami ricaycan; mana yamacaypami wiyaycan.

Eclesiastés 2:10

Imatapis munashä ricashä cajtaga llapantami charashcä. Imatapis shongö munashan cajtaga llapantami rurashcä. Afanacur rurashäpita cushicushcä. Chayllami casha pägö.

Eclesiastés 5:9

Chayno captinpis cumun runacunapaj raynin captinmi mas alli.