Eclesiastés 12:5 - Tayta Diosninchi Isquirbichishan

⁵ Janajpa wichashpayqui fiyupami mancharinquipaj. Nänicunachöpis tuninayquipita manchacunquipämi. Almendro jacha waytajnömi ajchayquipis soguyanga. Buylaj chüpacacuna japayllapa purejnömi puriyta ñacanquipaj. Majayqui captinpis manami munapanquipänachu. Runaga para-simri mana cutimojmi aywacun. Wañuptenga cällicunachönami paypaj wagan.

Eclesiastés 12:5 Referans Kwoze

Job 17:13

Nogataga wañuyllami shuyaraycäman. Yanauyaycaj chacayllanami wasëpis canga.

Job 30:23

Musyaycänami wañuchiyta munaycämashayquitaga. Musyaycämi wañojcuna caycashanman chayachimänayquitaga.

Proverbios 16:31

Allillata rurajcunaga chachayänancamami cawan. Sogu caynenga corönanömi cushicachin.

Salmos 71:18

Ama cachaycamaychu ari auquinna captëpis soguna captëpis. Nogaga mastarämi willacunä caycan munayniyoj cashayquita canan caycaj runacunata, paycunapa wamrantapis.

Job 15:10

¡Nogacunachöga caycanmi chacha auquin runacunapis! ¡Caycanmi papäniquipita mas unayta cawajcuna, llapanta musyajcunapis!

Levítico 19:32

«Chachacunataga rispitanqui, saludanqui. Chayno rurarga nogatami rispitaycämanqui. Noga Tayta Diosniquimi chayno në.

Hebreos 9:27

Chayno juc cutillami pï-maypis wañun. Chaypitaga cawarimonga imano goyashanpitapis jusgasha canallanpänami.

Jeremías 1:11

Chayno nimarmi Tayta Diosga tapumaran: «Jeremías ¿imatataj ricaycanqui?» nir. Chaura noga nirä: «Ñawin wiñamoj almendro yörapa rämantami.»

Isaías 46:4

Auquinyaptiquicunapis nogaga chaynöllami caycäshäpaj. Pasaypa soguna caycaptiquipis chaynöllami yanapaycäshayquipaj. Gamcunataga nogami rurashcä. Chaymi gamcunataga maquëcho charar ricaycäshayquipaj. Nogami yanapashpä imapitapis salbashayquipaj.

Eclesiastés 9:10

Imatapis ruranayquipaj caycashayquicunataga llapan shonguyquipa juclla ruray. Wañucurnaga mananami imatapis ruranquipänachu ni yarpachacunquipänapischu. Manami imatapis musyanquipänachu. Ni yachaj cashayquipis manami canganachu.

Proverbios 20:29

Timpu callpallancho cashpan mösucunaga cushicunmi. Ajchan soguna captinmi auquincunatapis rispitan.

Génesis 44:31

mana ricashpan papänëga wañucäcongami. Chauraga nogacunami juchayoj cashaj auquin papänë llaquicuyllawan wañunanpaj.

Génesis 44:29

Cay wamrätapis ñaupäpita pushacuptiquega payta imapis päsaptin gamcunami juchayoj canquipaj noga llaquicuyllawan wañunäpäpis› nir.

Génesis 42:38

Chaura Jacobga niran: «Gamcunawanga wamrä manami aywangachu. Wauguin Josëpis wañushana. Pay japallannami quëdasha. Aywaycashancho imapis päsaptenga gamcunami juchayoj canquipaj noga llaquicuyllawan wañunäpaj.»

Jeremías 9:16

Taytancuna ni quiquincunapis mana rejsishan nasyuncunamanmi gargushaj. Paycunata gaticachächishaj sabliyojcunawan. Chauraga ni jucnayllapis manami cawaycäga quëdanganachu.»