Eclesiastés 11:10 - Tayta Diosninchi Isquirbichishan

¹⁰ Imapäpis ama yarpachacuychu. Ichanga llutancunata ama ruraychu. Rasunpaga jipash-mösu caypis yangallami.

Eclesiastés 11:10 Referans Kwoze

2 Corintios 7:1

Cuyay ermänucuna, Tayta Diosninchi chayno niycämashaga juchata ama rurashunnachu. Payta rispitar manchapacushpanchïna goyäshun. Almay-cuerpu juchata mana ruraypa payllapäna cawashun ari.

2 Timoteo 2:22

Waquin mösucuna mana allita yarpar llutanta rurashannöga ama ruraychu. Chaypa ruquenga Jesucristo munashanno goyaj ermänucunano allillata ruranqui. Tayta Diosninchïman yäracunqui. Pï-maywanpis cuyanacunqui. Pï-maywanpis alli ricanacunqui.

Eclesiastés 12:1

Jipash-mösu cashayquicama Tayta Diosta yarpay. Ima sasacunapis manaraj chayashushayquicama camashoj Tayta Diosta wiyacuy. Shamoj watacunachöga cayno ninquipaj: «Cawarpis manami imatapis jorgönachu» nir.

Eclesiastés 1:14

Chaymi tantiyacushcä llapanpis cay pachacho rurashanchëga manacajllapaj cashanta. Wayrata chariyta munajnöllami caycanchi.

Eclesiastés 1:2

Noga yachachichöga në: ¡Llapanpis yangallami! ¡Yangallami!

Salmos 39:5

Nogataga cawaycächimanqui wallca diyallami. Nogapa cawaynëga gampaj manami aycäpischu. Pï-maypis cawan jämayta cachaynöllami. Selah

Job 20:11

Timpullanchöraj caycar wañonga.

Job 13:26

Castigamaptiquimi llaquicur wagar goyaycä. Mösu car jucha rurashäcunapita ñacaycächimanqui.

Salmos 25:7

Jucha rurashäcunata ichanga ama yarpaycuychu. Mösu car mana allita rurashäta gongaycuyna. Tayta Dios, fiyupa cuyapäcoj alli car yarpaycamay ari.

Proverbios 22:15

Wamra-mösucunaga wichaypa uraypami yarpan. Chaypis astiptenga wiyacur tantiyacunmi.

Job 11:12

Imay junajmi runata bürru wachanga, chay junajrämi mana tantiyacoj runapis tantiyaconga.

Salmos 39:6

«Llapan runacunapis cawan llantuyno päsacojllami. Yangallami imatapis shuntacusha gotucusha. Manami musyanchu riquësancunawan pï quëdananpaj cashantapis.