3 Mana tantiyacoj upaga llapan rurashanchöpis tantiyachicun manacajpaj yarpashantami.
Mana tantiyacoj upacunaga imata yachacuytapis manami munanchu. Chaypa ruquenga yachashallanwanmi alabacun.
Alli yarpayniyojcunaga sumaj tantiyaycurmi imatapis ruran. Mana tantiyacojcunami ichanga upa cayninta musyachin.
Cananga mana tallupaptiquinami juchallata rurajcunaga imanir jucha ruraycunata cachaycushayquitapis mana tantiyanchu. Chaymi washayquita riman.
Musyashanchïnöpis fiyupa yarpachacojcunaga nuspapäcunmi. Alläpa parlashpanpis mana tantiyacoj upa runanönami riman.
Mana tantiyacojcunaga shimillanpitami rimanacuyman chayan. Quiquinpa shiminpitami asticanpis.