Eclesiastés 1:8 - Tayta Diosninchi Isquirbichishan

⁸ Llapanpis fiyupami uticächicun. Runaga imanöpa tantiyachiytapis manami puydinmanchu. Chaypis runaga mana yamacaypami ricaycan; mana yamacaypami wiyaycan.

Eclesiastés 1:8 Referans Kwoze

Proverbios 27:20

Wañuypis, pantiyun uchcupis manami yamanchu chaychica runa pampacuptinpis. Chaynömi runapis ima ricashancunatapis munapayta mana yamanchu.

Mateo 11:28

«Lasaj yüguta apar ñacaycajcuna yüguyquita cachaycuyna. Nogamanna shamuy. Nogaman shamuptiquega jamaytami tarichishayqui.

Eclesiastés 4:8

Japallan runa arun mana jamaypa, amïgun, ni wamrancuna, ni wauguincunapis mana caycaptin. Chay runa ima-aycatapis masta mastami munaycan. Nircur chay runa yarpachacun «Chay-jina ¿pipäraj arö? ¿Imanirtaj gustashätaga mana rurächu?» nir. Chay-jina ñacashanpis yanga-yupayllami.

Mateo 5:6

«Cushishami cawanga fiyupa yargaycajno yacunaycajnöpis Tayta Dios munashanno alli rurayta munajcunaga. Paycunatami Tayta Dios yanapanga.

Eclesiastés 2:26

Paymi yachayta gomanchi, tantiyachimanchi, cushicachimanchi alli ricashan cajtaga. Juchata rurajcunatami ichanga ñacar ima-aycatapis fiyupa cuestajcunata shuntananpaj cachaycun. Nircur chay runacunaga shuntashancunata cachapaycun Tayta Dios alli ñawinpa ricashan caj runacunapäna. Chaypis yangallami, wayrata chariyta munashanchïnöllami.

Eclesiastés 2:11

Nircur yarpachacurä fiyupa ñacar aruchishäcunapaj. Chaymi sumaj yarpachacurir musyashcä llapanpis yangallapaj cashanta, wayrata chariyta munashanchïnölla cashanta. Cay bïdacho imata rurashanchïpis manami imapäpis bälinchu.

Salmos 63:5

Fiyupami cushicushaj mishquej micuyta micushanöraj. Cushicushpä gamtami alabashayquipis.

Eclesiastés 1:7

Mayucunaga llapan aywar chayaycan lamarllaman. Chaypis lamarga manami imaypis juntamunchu. Mayucunaga cutin llojshimushanman imaypis aywashanno yapay aywananpaj.

Hageo 1:9

Gamcunaga achcata ashirpis wallcallatami tarinqui. Wasiquicunaman churacushayquitapis Nogaga juc pücayllawanmi apacushaj. Chaynöga ¿imanirtaj rurashaj? Chaynöga rurashaj tiyanä Wasi pasaypa juchuchisha captinmi. Chaynöta ricaycarpis gamcunaga yarpachacurcaycanqui quiquiquipa cajcunallapämi.

Eclesiastés 6:7

Runaga waran-waran arun micunallanpämi. Chaypis manami imaypis yamanchu.