Deuteronomio 32:2 - Tayta Diosninchi Isquirbichishan

² Yachachicuynëga tamyanömi runacunaman chayanga. Willapashäga shullaynömi, jachaman chirapa chayajnömi, tajtacho shullay caycajnömi canga.

Deuteronomio 32:2 Referans Kwoze

Salmos 72:6

¡Payga cachun cay pachaman tamyar guewacunata pargojno!

Miqueas 5:7

Chaura Jacobpita miraj quëdajcunaga intëru nasyuncunachömi caycangapaj. Shullayta Tayta Dios guewaman cada tuta chayachimushannömi caycanga. Chaycunataga manami runachu chayachimun. Chaypa ruquenga Diosllami chayachimun.

Oseas 6:4

Tayta Dios nin: «¿Imataraj gamta ruraycömanpis Efraín? ¿Imataraj gamta ruraycömanpis Judá? Gamcuna cuyamashayquega caycan tutapa pucutaraycar warämojno, tutapa shullay warämur intiwan rätu illgacäcojnömi.

2 Samuel 23:4

canga pacha waraptin rama-rama achicyaycajno, tamyariptin guewacunata wiñachinanpaj lliuyaraycaptin tutapa inti ratamojno.›

Hebreos 6:7

Gamcunaga chacranömi caycanqui. Tamya alli chayashan chacraga duyñunpaj allimi wayun. Chay chacraga Tayta Diospa bindisyunnintami chasquin.

Zacarías 10:1

Tayta Diosta mañacuy-llapa micuy wiñaycashan wichan tamyachimunanpaj. Chaura illguyta illgöchej Tayta Diosmi intëruman tamyachimonga. Llapan runatami micuyta tarichenga. Chacracunachöpis lantacuna canga.

Oseas 14:5

Israelcunapäga cashaj tamyariptin shullay quëdashanömi. Paycunanami caycanga liryucuna waytajno. Paycunaga canga Líbano jircacho yöracuna sumaj sapichasha caycajnömi.

Salmos 65:10

Cay pachacho caj ragracunaman gammi yacuta juntachinqui. Chacrapa llapan curpancunatapis ñuchuchinqui. Allpacunatapis tamyawan ömichinqui. Bindisyunniquiwanmi llapanpis alli wayun.

Proverbios 4:2

Nogaga allimi yachachishcä. Chay yachachishäcunataga ama gongaychu.

Amós 7:16

Chaymi, canan gamga sumaj wiyamay willanäpaj Tayta Dios nimashanta. Gamga caynömi niycanqui: ‹Ama willacuychu Israelpa contranga. Isaacpita mirar aywajcunapäga ama imatapis parlaychu› nir.

Miqueas 5:6

Chaura paycunami pushamäshun Asiria runacuna cajman, Nimrodcho tiyajcunata binsiycur mandananchïpaj. Paycunami salbamäshunpaj Asiria runacuna nasyunninchïman yaycamuptinpis.