Deuteronomio 3:8 - Tayta Diosninchi Isquirbichishan

⁸ «Chaynöpami chay wichan Tayta Dios camacächiran ishcay ray mandashan chacrancuna noganchïpäna cananpaj. Chayga caycaran Jordán mayuman inti yagamunan caj-lächo Amorreo runacunapa tiyanan. Chay chacracunata chariranchi Arnón mayupita-pacha Hermón puntayaj.

Deuteronomio 3:8 Referans Kwoze

Josué 12:1

Jordán mayuta manaraj päsar ishcay raycunata wañurcachir nasyunnincunata Israel runacuna guechuran. Chay raycunaga mandaran Arnón mayupita-pacha Hermón puntacamami. Chay caran Jordán mayu chimpan inti yagamunan caj-läpami.

Josué 13:8

Jordán mayuman inti yagamunan caj-lächo caycaj chacracunata Moisesllanami raquipasha caran Rubén trïbuta, Gad trïbuta, pullan caj Manasés trïbutaga.

1 Reyes 4:19

Uripa wamran Geber prefectu caran Amorreo runacunapa raynin Sehón tiyashan Gad particho, Basanpa raynin Og tiyashancho. Llapan prefectucunapa mandajninpis juc caran.

Salmos 42:6

Chaypis fiyupa llaquishami caycä. Hermón puntapita, Mizar puntapita aywaj Jordán mayupaj yarpashpäpis fiyupa llaquishami caycä.

Salmos 89:12

Mundutaga juc cuchunpita jucaj cuchuncama gammi camashcanqui. Tabor puntawan Hermón puntapis cushishami gamta alabashunqui.

Deuteronomio 4:47

Basán nasyunpa raynin Ogtapis wañuchiran. Amorreo runacunapa ishcay raynincunata chayno wañurcachirmi nasyunnincunaman Israel runacuna tiyacaycäriran. Chay nasyuncunaga Jordán mayupita inti yagamunan caj-lächömi caran.

Deuteronomio 4:48

Chaymi Israelcunapäna caran Arnón mayu janan Aroer siudäpita-pacha Sirión puntayaj. Chay puntapa jucaj jutin caycan Hermón.

1 Crónicas 5:23

Manasés trïbupita pullan caj trïbu mirajcuna tiyacuran Basanpita-pacha Baal-hermoncama. Aypalla cashpan tiyaran Senircho, Hermón jircachöpis.

Salmos 42:7

Chay yacucunapaj yarpaptëpis bötircur-bötircur aywaycaj yacu janäpa päsajnömi llaquicuyga charicarcamasha. Pajcharcur-pajcharcur yacu bunyaylla urajnömi llaquicuyga ñiticarcamasha.