Deuteronomio 2:7 - Tayta Diosninchi Isquirbichishan

⁷ «Llapan rurashayquichömi Tayta Diosga bindisyunta gosha-cashunqui. Chuscu chunca (40) watantinnami cay chunyajpa puriptiqui yan'gaycäshunqui. Gamcunata ricaycäshunqui imapis mana päsashunayquipaj. Chaymi mana imapis pishëshurayquichu.

Deuteronomio 2:7 Referans Kwoze

Lucas 22:35

Nircur disïpuluncunata tapuran: «Guellayniynajta, mircapaynajta, llanguiynajta alli willacuyta willacunayquipaj cachaptë ¿imallapis pishëshurayquichu?» nir. Paycuna niran: «Manami imapis pishëmaranchu» nir.

Nehemías 9:21

Chunyajchöpis chuscu chunca watantinmi cawachishcanqui. Imapis manami pishishachu. Röpancunapis manami ushacaranchu. Ni chaquinpis manami shuplluranchu.

Deuteronomio 29:5

Chuscu chunca (40) watami chunyajpa gamcunata pushamushcä. Chay watacunacho manami mayganiquipapis ushacashachu röpayqui ni llanguiquipis.

Salmos 31:7

Cuyamaptiquimi fiyupa cushicö. Gamga ricashcanquimi imano llaquicuycashätapis. Musyanquimi imano ñacaycashätapis.

Job 23:10

Paymi ichanga musyaycan imano goyashätapis. Juchäta ashiptinpis gori limyuyashanömi quëdashaj.

Salmos 90:17

Tayta Dios nogacunata musyaycachimay cuyacoj cashayquita. Aruynëcunamanpis bindisyunniquita churaycuy. Bindisyunniquita churaycuy ari aruynëcunamanga.

Génesis 26:12

Chay wata Isaacga chay particho micuycunata murupacuran. Tayta Dios bindisyunninta churaptinmi shuntaytapis mana atipänancama micuy wayuran.

Génesis 24:35

Paytaga Tayta Diosmi alli bindisyunta gosha. Paypaga aypallami mirasha uysha, wäca, camëllo, bürru. Warmi ollgu uywaynincunapis aypallami. Goripis guellaypis aypallami.

Génesis 12:2

Gampita mirajcunataga noga yanapäshäpaj jatun nasyunpaj aypaj mirananpaj. Gamtapis bindisyunta goshayquimi. Sumaj rejsisha canayquipämi yanapäshayquipaj. Gam-cashami waquin runacunatapis bindisyunta goshaj.

Génesis 39:5

Josëpa munayninman Potifar llapan charashanta cachaycushan junajpita-pacha Tayta Diosga Potifarta imachöpis mas allina yanaparan. Chaymi ima-aycanpis achcayaran. Micuyninpis sumaj wayuran.

Juan 10:27

«Uyshäcunami ichanga wiyacamar gaticarcaman. Nogapis paycuna imano cashantapis musyämi.

Salmos 1:6

Juchaynajcunataga alli nänipa pushar Tayta Diosmi alli cawayman chayachin. Fiyu runacunatami ichanga quiquin purishan nänicho usharenga.

Génesis 30:27

Chayno niptin Labán niran: «Cayllachöna tiyacushun ari. Maynami tantiyacushcä gam caycho captiqui Tayta Dios bindisyunta gomashanta.

Números 14:33

Wamrayquicunanami chuscu chunca (40) wata uywancunata ricallar chunyaj jirca-quinraypa goyanga. Chayno paycuna ñacanga gamcuna mana wiyacamashayquipitami. Puriycällarmi canan rucu cäga llapayqui ushacanquipaj.

Números 14:34

Gamcunaga chuscu chunca (40) junajmi Canaán nasyunta ricapacamurayqui. Chaypitami ñacashpayqui purinquipaj chuscu chunca (40) wata. Chaynöpami cada junaj ricapacur purimushanpita juc wata chunyajpa purinquipaj. Chayrämi musyanquipaj conträ ricacojcunata imano castigashätapis.

Números 32:13

Chayno nirmi Tayta Dios fiyupa rabyacushpan llapan chay runacuna ushacänancama chuscu chunca watantin chunyajpa purichiran.

Deuteronomio 1:19

«Tayta Dios nimashanchïta wiyacurmi Horebpita shacamuranchi Amorreo runacuna tiyashan partiman. Gamcuna musyashayquinöpis Cades-barneaman shamuranchi manchacuypaj chunyaj jircacunapami.

Deuteronomio 1:46

Chaynöpami gamcunaga Cades partillacho unaycama tiyarayqui.

Deuteronomio 2:6

Paycunataga ruwacunqui pishïshushayqui micuyta ranticushunayquipaj. Yacunta upushayquipitapis päganqui» nir›.

Deuteronomio 2:14

«Cades-barneapita llojshimushanchïpita-pacha Zered mayu-mallwata päsamushanchi junajyaj caran quimsa chunca pusaj (38) watana. Chaypänaga noganchïcho guërrapaj sinsusha caj runacuna Tayta Dios nishannömi wañushana caran.

Josué 5:6

Israel runacunaga chuscu chunca (40) watami chunyajpa puriran. Egiptupita llojshicamuptin pillyapaj alli caycajcunapis maynami wañuran. Chay runacunaga Tayta Diosta manami wiyacuranchu. Chaymi Tayta Dios juraran ñaupa caj famillyancunata aunishan nasyunman manana yaycunanpaj. Chay nasyunchöga lëchipis mishquipis yacunöraj aypallami caycan.

Salmos 107:4

Waquenga paycuna chunyaj chaqui jirca agush-agush allpapa pantacasha purircaycaran tiyananpaj siudäman näni aywajta ashir.

Jeremías 2:2

Jerusalenman aywanäpaj, chaycho tiyajcunata noga willapänäpaj. Caynömi Tayta Dios nin: «Nogaga yarpaycämi ñaupa wichan Nogallata wiyacamar cawashayquita. Chayraj majachacasha jipashnömi cuyamarayqui. Micuy mana wayunan chunyaj chaqui jircapapis gatirämarayquimi.

Oseas 13:5

Gamcunataga nogallami yanapaycarä chunyaj jircacho captiqui.

Amós 2:10

Israelcuna, gamcunatami ichanga Egiptupita jorgamurä. Amorreo runacuna tiyashan nasyunta gamcunata goycunäpaj chuscu chunca (40) watatarämi chunyajpa pushamur chayachimurä.

Génesis 39:3

Chaura patrunnin musyaran Josëwan Tayta Dios caycashanta.

Éxodo 16:35

Chaynömi Israelcunaga manäta micuran chuscu chunca (40) watantin Canaán nasyunman chayanancama.

Números 1:1

Egiptupita Israelcuna llojshicamushan caran wata juc quilla juc junajninna. Chay junaj paycunaga chunyaj Sinaí jircacho carcaycaran. Chaychömi Tincuna Tolducho Moisesta Tayta Dios niran:

Números 22:12

Niptinmi Balaamta Tayta Dios niran: «Ama aywaychu chay runacunawanga. Nasyunninman chayaj runacunatapis ama maldisyunaychu. Paycunataga nogami bindisyunta goshcä.»

Deuteronomio 29:4

Canancamapis Tayta Diosga manami tantiyachishunquirächu imapaj chayno rurashantapis. Ricaycarpis mana ricajnömi caycanqui. Wiyaycarpis mana wiyajnömi caycanqui.