Daniel 2:29 - Tayta Diosninchi Isquirbichishan

²⁹ Tayta ray, gamga cämayquicho puñunayquipäna caycarayqui. Chaychömi yarpachacurayqui shamoj watacunacho imano cananpaj cashantapis. Chaymi mana pipis musyashanta musyaj Dios suyñuyniquicho ricachisha-cashunqui shamoj watacunacho imano cananpaj cashantapis.

Daniel 2:29 Referans Kwoze

Daniel 2:28

Janaj pachacho caycaj Diosmi ichanga ima cananpaj cashantapis musyachimanchi. Paymi musyachisha-cashunqui shamoj watacunacho ima cananpaj cashantapis. Tayta, cananga willashayqui suyñur ricashayqui imano cashantapis. Chayno willashayqui imapaj cashantapis:

Amós 4:13

Rasunpa chaynömi ruranga. Tayta Diosga caycan puntacunatapis camajmi, wayratapis yurichimojmi. Paymi runacunata musyachin imata pay yarpaycashantapis. Paymi achicyajtapis ticrachin chacayman. Paymi purin cay pachachöga intërupa. Paypaga jutinpis munayniyoj Tayta Diosmi.

Daniel 2:47

Nircur Danielta niran: «Gamcunapa Diosniquimi ichanga llapan dioscunapitapis mas munayniyoj. Paymi raycunapa mandajnin, mana pipis musyashancunata musyachicoj. Chaymi gamtapis musyachishurayqui pipis mana musyashan suyñöta.»

Daniel 2:22

Paymi maycho pacaraycajtapis musyachicun pipis mana musyashanta. Chacaycho caycajtapis rican. Paypäga llapanpis achicyajmi caycan.

Ezequiel 38:10

« ‹Noga Tayta Diosmi në: Gog, chay wichanmi gam mana allicunata rurayta yarpanquipaj.

Génesis 41:25

Chayno willapaycuptin Josëga faraonta cayno niran: «Ishcan suyñushayquipis juc suyñunöllami caycan. Gamtaga Diosmi ricachisha-cashunqui pay imano rurananpaj caycashantapis.

Daniel 2:23

Unay awilöcunapa Tayta Diosnin, gamtami agradësicö, alabä. Gammi yanapämashcanqui musyaj-yachaj canäpaj; callpatapis gomashcanqui. Mañacushätapis canan ribilamashcanqui. Ray suyñushantapis musyachimashcanqui» nir.

Daniel 2:45

Chayno cananpämi ricashcanqui mana pipis tangariycaptin quiquillan cuchpämoj rumitaga. Chay rumimi ñuchojpaj goycusha fyërruta, runsita, mituta, guellayta, goritapis. Munayniyoj Diosmi gamta musyachisha-cashunqui shamoj watacunacho imano cananpaj cashantapis. Chay suyñushayquega rasunpa cananpämi. Suyñushayqui ima ninan cashantapis rasuntami willashcä.»