Daniel 2:12 - Tayta Diosninchi Isquirbichishan

¹² Chayno nejta wiyaycur rayga fiyupa rabyacurcuran. Nircur intëru Babiloniacho tiyaj musyaj-yachaj runacunata wañuchinanpaj niran.

Daniel 2:12 Referans Kwoze

Daniel 3:13

Chayno niptin Nabucodonosorga fiyupa rabyacurcuran. Nircur niran payman Sadracta, Mesacta, Abed-negota apapänanpaj. Ñaupanman chayachiptin

Mateo 2:16

Chay goyllar estudyajcuna Herodes cajpa manana cutiptin fiyupa rabyaran «engañamasha» nir. Chaymi yuparan goyllar imaypita yurishantapis willashanta. Nircur suldäruncunata cacharan Belencho cajta, altu jircancunacho cajtapis llapan ollgu wamracunata wañuchinanpaj. Ollgu cajtaga ushajpämi wañuchiran itipita ishcay watayojcama.

Daniel 3:19

Chayno nishanta wiyaycur Nabucodonosorga quimsan mösucunapaj fiyupa rabyacurcuran. Cäranpis rabyayllawan pucayacäcuranraj. Chaymi jurnu wayllachejcunata niran imaypis wayllachinyashanpita ganchis cutipa mastaraj wayllachinanpaj.

Salmos 76:10

Gam rabyacurcuptiquega mas ollgojnin runapis upällacur rispitarmi alabashunqui.

Daniel 2:5

Chaura rayga niran: «Nogaga jucnömi yarpaycä: Imata suyñushätapis mana willamaptiqui, imapaj cashantapis mana willamashpayquega gamcuna cuchur-ushashami canquipaj, wasiquicunapis ushajpaj illgächishami canga.

Proverbios 29:22

Imallapitapis juclla rabyacäcoj runaga pï-maywanpis jucllami rimanacun. Chayno cashpanmi llutancunata ruran.

Proverbios 20:2

Ray ollgorga liyunno manchacuypämi. Chayno caycajtaga wañuyta ashillarmi pipis achäquita ashipan.

Proverbios 19:12

Ray ollgorga liyunno manchacuypämi. Ray cushisha captenga guewaman shullay chayajnömi.

Proverbios 16:14

Ray ollgucurcuptenga wañuchichinanpaj cashan musyacannami. Yachajcunami ichanga rayta ollguycajtapis alliyächin.

Job 5:2

Musyanchïmi mana tantiyaj upacunaga rabyallawan wañushanta. Yargajcunaga munapaycällarmi wañuymanpis chayan.

Mateo 5:22

«Chaypis nogaga caynömi në: Pimi runa-masinta rabyapan, chay cäga jusgashami canga. Runa-masinta gayapajtaga jatun autoridächömi jusganga. Fiyupa rabyar runa-masinta ‹maldisyunädu› nejtaga Tayta Dios castigar infiernumanmi jitarponga.

Daniel 2:24

Chayno alabarcur Danielga aywaran Ariocwan parlaj. Arioctami rayga mandasha caran Babiloniacho caj musyaj-yachajcunata llapanta wañuchinanpaj. Daniel niran: «Ama wañuchiychu musyaj-yachaj runacunataga. Ray cajman nogata pushamay. Nogami willashaj imapaj suyñun cashantapis.»

Daniel 5:19

Munayniyoj cayman churaptinmi llapan runa manchacoj. Juc-lä jäpa runacunapis manchacoj. Papäniquega munar, pitapis wañurachej. Waquintaga perdunaj. Waquin runataga mandaj cayman churaj. Waquintana manacajman churaj.