Cantares 7:8 - Tayta Diosninchi Isquirbichishan

⁸ Nogaga palma yöramanmi wichayta yarpaycä, wayuynin warcuraycajcunata duyñu-tucurcunäpaj. Chaura chuchuyquicunaga cangapaj sartanpa-sartanpa übas wayuraycajnömi. Jämayniquinami mansänano asyanga.

Cantares 7:8 Referans Kwoze

2 Corintios 2:14

Tayta Diosta agradësicö. Paymi imaypis yanapaycäman Jesucristuwan llapanchöpis alli llojshinäpaj. Nogacuna willacuptëmi may-chaychöpis musyarcaycan alli willacuyninta. Chay willacuyga may-chaymanpis chayaycan insinsupa alli asyayninnörämi.

Jeremías 32:41

Alli goyänanpaj paycunata yanapashpämi cushicushaj. Llapan shongöwan cuyashpämi paycunata cay nasyunman tiyachishaj.

Cantares 4:16

Wichaypa aywaj wayra, sumaj wayrämuy. Uraypa aywaj wayra, shamuy cayman. Wertäman wayrämushpayqui cuyayllapaj asyayninta cuyaynë cajman mashtacächiy. Chayrämi cuyaynëga wertanman shamonga. Chaycho frütacunapa mishquej wayuyninta miconga.

Cantares 2:5

Payta cuyayllawanmi wañucuriytapis munaycäna. Päsaspita pastilcunata garamay ari. Mansänacunatapis garamay ari.

Cantares 2:3

Munti chaupincho mansäna yöra wayuraycajnömi cuyaynëga waquin runacunapa chaupincho caycan. Llantuyninman jamaycorga fiyupami cushicö. Wayuyninpis fiyupa mishquejmi.

Cantares 1:3

Perfümiquipa asyaynin maysi musquicuyllami. Quiquiquimi chay perfüminöga caycanqui. ¡Chaymi jipashcunapis cuyashunqui!

Cantares 7:7

Palma yöra ichiraycajno cuyayllapämi canqui. Chuchuyquicunanami chay yörapa wayuynin warcurpaycajno.

Joel 1:12

Übascunapis chaquicäcushami. Ïguscunapis manami wayushachu. Granadacunapis, palmacunapis, mansänacunapis, jircacho caj yöracunapis ushajpämi chaquisha. Chaynöpami runacunapis mana cushicunnachu.