Cantares 7:4 - Tayta Diosninchi Isquirbichishan

⁴ Cuncayquega llushwaypa llushwaycan cuyayllapaj arusha törrinömi. Ñawiquinami caycan ishcay yacu ishtanqui Hesbón siudächo caycajno, Bat-Rabim puncupa ñaupancho caycajno. Sengayquinami caycan Damascuman ricaraycaj törri Libanucho caycajno camaraj.

Cantares 7:4 Referans Kwoze

Cantares 4:4

Cuncayquega cuyayllapaj caycan David rurachishan cuyayllapaj törrinörämi. Chay törrichöga waranganpami jinyu suldärucunapa chapacuna escüdun waguiraycan.

Salmos 144:12

Wamräcuna wiñaycuchun wertacho caj lantacuna wiñajnöraj. Warmi wamräcunapis caycuchun cuyayllapaj pilancu palasyuta camarächejno.

Hebreos 5:14

Chucru micuymi ichanga rucu runacunapäna caycan. Rucu runacunaga musyannami maygan alli cashanta maygan mana alli cashantapis. Chayno caj runaga tantiyannami Tayta Dios munashanno cawayta.

Isaías 54:4

Ama manchacuychu. Manami pengaychöga canquipächu. Manami ashllishunquipäpischu. Ni manami imapitapis pengacunquipächu. Wawaynaj jipash car pengacushayquitapis gongaycunquipämi. Manami yarpanquipänachu biyüda captiqui manacajman churashushayquitapis.

Cantares 6:5

Amana ricapämaynachu ari. Ricapämashpayquega pengacachimanquimi. Ajchayquicunapis cabra-mallwacuna Galaad jircacunapa pañar purejnörämi caycan.

Cantares 4:1

Cuyaynë, fiyupa cuyayllapämi canqui. Rasunpami cuyayllapaj canqui. Shucutacushayqui rurincho ñawiquicunaga caycan ishcay palumanömi. Ajchayquicunapis aypalla cabra-mallwacuna Galaad jircacunapa pañar purejnörämi caycan.

Cantares 1:10

Cärayquega arëtiquicunawan cuyayllapaj achicyayparaj-achicyaycan. Cuncayquipis perlas wallgacunawan cuyayllapaj camaraycan.

Salmos 45:8

Alli caj perfümi alli asyashannömi röpayquipis alli asyaycan. Cuyayllapaj marfilwan adurnasha palasyuyquichömi cushicachishunqui arpacunata tucapäshushpayqui.

2 Crónicas 8:6

Allchachiran Baalat siudäta micuy churacuna waquin siudäcunatawan. Allchachiran pillyananpaj caj carrëtacunata y cawallucunata wichgananpaj curralcunata. Jerusalencho, Libanucho, mandashan cajchöga intërucho rurachiyta munashan cajta llapanta rurachiran.

1 Reyes 22:39

Acab ima rurashancunapis, llapan willapancunapis, palasyuta marfilpita adurnachishan, siudäcunata aruchishanpis isquirbiraycan Israelcunapa raynincunapa acta librunchömi.

1 Reyes 10:22

Raypa Tarsis büquincuna cada quimsa watacho juc cutillami chayamoj Hirampa büquincunawan iwal. Apamoj gorita, guellayta, marfilta, mönucunata, päbu riyalcunatapis.

1 Reyes 10:18

Marfilpitapis rurachiran sillunninta. Intëru jananpa goriwan chapyachiran.

1 Reyes 9:19

Allchachiran micuycunata churanan siudäcunata, pillyapaj carrëtacuna churaränan cuartilta, suldärucuna muntacunanpaj cawallucuna wichgaränanta, Jerusalencho rurachiyta munashan cajtaga llapanta, Libanuchöpis pay mandashan cajchöga intërucho.

1 Reyes 7:2

Rimëruga «Líbano Munti» jutiyoj wasita aruchiran. Larguynin caran chuscu chunca pichga (45) metrun, anchuyninna ishcay chunca ishcay metru medyan (22.5), altuyninna chunca quimsa metru medyan (13.5). Chuscu ayway sedru tushacuna tuncaraycaran sedru tiranticunata.

2 Samuel 8:6

Nircurmi Davidga suldäruncunata churaran Damasco siudäta mandananpaj. Chaura Siria runacunaga Davidpa munayninchöna caycaran. Impuestutapis pägaranna. Chaynömi Tayta Diosga Davidta yanaparan maypa aywashanchöpis binsinanpaj.

Génesis 15:2

Chayno niptin Abramga niran: «Tayta Dios, ¿imapänataj imäcuna mas aypalla cananpäpis yanapämanqui? Nogapaga manami wamrä canchu ni jucnayllapis. Wañucuptëga llapan ima-aycäwanpis quëdanga Damasco runa uywaycashä Eliezerchari.

Cantares 4:5

Ishcan chuchuyquicunaga caycan millish lluychucuna liryu waytacunapa chaupincho micuycajnöraj.