Cantares 4:3 - Tayta Diosninchi Isquirbichishan

³ Shimi wirpayquicunapis puca jïlunörämi caycan. Parlacuyniquega maysi wiyacuyllami. Shucutarashayqui rurincho cärayquicunaga caycan granadata pullanpa partirishanömi.

Cantares 4:3 Referans Kwoze

Cantares 6:7

Granadata pullanpa partirishanömi shucutayqui rurincho cärayquega caycan.

Cantares 5:16

Rimacuyninpis maysi wiyacuyllami. Payga maysi cuyacuyllami. Jerusalén jipashcuna, chaynömi cuyashä runaga, chaynömi yanasäga.

Josué 2:18

Cay marcaman Israelcuna yaycamuptenga gam cay bentänaman cay puca wascata warcunqui. Gam famillyacuna chaypäga papäniqui, mamayqui, turiquicuna, ñañayquicuna, llapaniqui shuntacanqui.

Hebreos 9:19

Llapan runacuna shuntacasha caycaptin Moisesga imanöpis laycuna nishanta ushajpaj liguiparan. Liguipayta ushaycorga töru-mallwacunapa yawarninwan chïbucunapa yawarnin yacuwan tacusha caycajman guerupa puntancho puca millwa watasha caycajta jatirpur liguishan laycunata chajchuran. Llapan runacuna caycashan cajmanpis chajchuran.

Colosenses 4:6

Willaparga alli shimillayquipa parlapanqui. Chaynöpis camaricushalla carcaycanqui pipis tapushuptiqui alli shimillayquipa tantiyachinayquipaj.

Efesios 4:29

Ganracunataga ama rimanquichu. Chaypa ruquenga wiyajcunapis shacyäcunanpaj alli cajllata rimanqui.

Lucas 4:22

Chaycho caycaj runacunaga Jesuspaj alli parlarcaycaran. Imano willapashancunapitapis almirasha carcaycaran. Chaymi ninacurcaycaran «Tagayga ¿manachu Josëpa wamran?» nir.

Mateo 12:35

Allita yarparga allillatami parlan. Shonguncho mana allita yarparmi ichanga mana allita parlan.

Ezequiel 16:63

Llapanpita perdunaptë gamga yarpärinquipämi fiyupa mana allicunata rurashayquita. Chayrämi fiyupa pengacunquipaj. Chaypitanaga manami alli-tucunquipänachu. Noga Tayta Diosmi chayno në.› »

Cantares 7:9

Parlacuyniquega mishquej alli bïnunömi. Chayga caycan mishquej bïnu shimi-wirpanchïpa, quirunchïpa mishquilla chayar päsarejnömi.

Cantares 5:13

Cärancunaga shanshaypa-shanshaycan wertacunacho alli asyaj waytacuna caycajnömi. Shimi wirpancunapis caycan rösa wayta pashtaraycajnömi, chay jananpa mïrra perfümi jutuycajnöraj.

Cantares 4:11

Cuyaynë, shimi wirpayquega mishquinörämi. Muchacuyniquipis lëchiwan mishqui caycajnörämi. Röpayquipis Libanucho caycaj muntipa asyayninnörämi cuyayllapaj asyan.

Proverbios 31:26

Sumaj yarpachacurcurmi alli tantiyaj cayninwan parlan. Sumaj tantiyachir alli shimillanwanmi yachachin.

Proverbios 10:13

Yachajcuna parlashanchöga fiyupa yachaycunallatami wiyanchi. Mana tantiyacojcunami ichanga mana wiyacushanpita wirucanga.

Salmos 119:13

Nogaga willacushämi imano jusganayquipäpis nishayquitaga.

Salmos 45:2

Gamga llapan runacunapitapis mas cuyayllapämi canqui. Maysi wiyacuylla allillami parlanqui. Chaymi Tayta Diosga imaycamapis bindisyunta goycäshunqui.

Salmos 37:30

Tayta Diosman yäracoj runaga sumaj yarpachacurcurmi riman. Alli runaga alli cajllatami parlan.

Esdras 9:6

nirä: «Tayta Diosnillä, Tayta Diosnillä fiyupami pengacuycä. Manami musyächu imano ruwacuytapis. Fiyupa mana allita rurashäcunaga maychicashi cacunpis. Juchata rurashäcunapis yamacächishunquinami.

Números 19:6

Cüra Eleazarga wäcapa aychan rupaycajman sedruta, chajchucuna jachata, puca tëlata jitapayconga.

Números 4:8

Llapanta churaycur jananpana pitonga puca tëlawan. Jananpana pitonga cuyayllapaj garacunawan. Nircurnami wintunanpaj caj ishcay guerucunata churanga.

Levítico 14:6

Chay pucyu yacu yawarniyoj caycajman ushmachenga cawaycaj äbita, sedru gueruta, puca tëlata, chajchucuna jachata.

Levítico 14:4

limyuyänanpaj apachimonga ishcay limyu äbi cawaycajta, sedru gueruta, puca tëlata, chajchucuna jachata.

Génesis 32:10

Cayno cuyapämänayquipaj, cayno alli ricamänayquipaj nogaga manami imatapis rurashcächu. Cay Jordán mayutaga bastunnë aptashallami päsarä. Cananga charashäcunata ishcay röpamanrämi raquishcä.

Cantares 1:5

Jerusalén jipashcuna yanalla carpis cuyayllapämi cä. Cedar runacunapa tolduncunano oguimi cä. Salomonpa cuartuncho chaparaj tëlacunano cuyayllapämi cä.