Cantares 2:12 - Tayta Diosninchi Isquirbichishan

¹² Intëru jircachömi waytacunapis pashtacaramusha. Cantananchi wichan chayamushanami. Tiyashanchïpaga wiyacaycannami palumacuna cantashanpis.

Cantares 2:12 Referans Kwoze

Isaías 55:12

Gamcunaga cushishami aywacunquipaj. Allillami cuticunquipaj. Gamcunata ricashushpayqui puntacunapis puytush lömacunapis cushicuypitami cantangapaj. Jircacunacho caj yöracunapis llapanmi macshongapaj.

Colosenses 3:16

Tayta Jesucristupa yachachicuyninta imaypis ama gongaychu ari. Chaymi willapänacur, tantiyachinacur jucniqui-jucniquipis shacyächinacunqui Tayta Dios yachayta goshushayquino. Agradësicur Tayta Diosninchïta alabanqui salmucunawan, imnucunawan, cörucunawan.

Jeremías 8:7

Äbicunapis musyanmi imay wichan yapay cutimunanpaj cashanta, imay wichan juc-läman witinan cashantapis. Gamcunami ichanga laynëcuna imano niycashantapis mana musyanquichu.

Salmos 89:15

Cushishami cawanga alabashojcunaga, gampa ñaupayquicho purejcunaga.

Cantares 6:11

Nuwal yöracunalla caycashan muntipa aywashcä. Aywashcä yacu aywaj ragra cantun pampa berdiraycajta ricapaj. Übas chichiycajta, granada waytaraycajta ricayta munashpämi urashcä.

Cantares 6:2

Cuyaynëga aywasha wertanmanmi. Payga aywasha cuyayllapaj alli asyaycaj wayta wertanmanmi. Chaymanmi aywasha uyshancunata michicoj, rösa waytacunata pallaj.

Génesis 15:9

Chaura Tayta Dios niran: «Cayman apapämay juc ternërata, juc cabrata, juc uyshata quimsa watayojta-cama. Apapämay juc palumatapis juc pushapa wampatapis.»

Salmos 74:19

¡Nogacunataga pasaypa ama gongaycamaychu! Nogacunaga carcaycä chacwa-mallwanöpis pishi töpayllami. ¡Micucoj animalcunamanga ama cachaycamaychu!

Cantares 2:11

Tamya quillacunaga päsashanami. Tamyaga mananami cannachu.