Cantares 1:5 - Tayta Diosninchi Isquirbichishan

⁵ Jerusalén jipashcuna yanalla carpis cuyayllapämi cä. Cedar runacunapa tolduncunano oguimi cä. Salomonpa cuartuncho chaparaj tëlacunano cuyayllapämi cä.

Cantares 1:5 Referans Kwoze

2 Corintios 5:21

Jesucristoga manami ima juchatapis ruraranchu. Ichanga noganchïpa juchanchi-raycumi Tayta Diosninchi camacächiran wañunanpaj. Chaynöpami noganchïtaga Jesucristu-raycu Tayta Diosninchi allina ricamanchi.

Lucas 15:22

«Chayno niptinpis papänenga uywaynincunata nisha: ‹Juclla mas alli caj röpata jorgaraycamur wamräta rucapay. Churaraycaj surtïjatawan llanguitapis jatipay.

Cantares 5:16

Rimacuyninpis maysi wiyacuyllami. Payga maysi cuyacuyllami. Jerusalén jipashcuna, chaynömi cuyashä runaga, chaynömi yanasäga.

Cantares 5:8

Jerusalén jipashcuna, gamcunatami ruwacö: cuyaynëta ricashpayquega willaycapamay ari «gampaj llaquicuyllawan gueshyaycan» nir.

Cantares 2:14

Cuyashä paluma, gamga pacacuycanqui gagacunamanmi. Ama pacacuychu ari. Cärayquita ricaycushaj ari. Busniquita wiyarcushaj ari. Gam rimashayquega maysi wiyacuyllami. Gamga maysi ricapäcuyllami canqui.

Cantares 2:7

Munti lluychucuna-raycu, tarushcuna-raycu aunimay ari Jerusalén jipashcuna cuyaynë puñucuycajta mana ricchachinayquipaj. Puñucuchun puñuyta sacsashanyaj.

Salmos 120:5

¡Cuyapaypämi caycä! Gorpanöllami tiyaycä Mesec particho. Cedar particho tiyajcunapa lädunmanmi toldöta ichichishcä.

Romanos 13:14

Chaypa ruquenga Jesucristupa maquincho caway-llapa. Amana yarpachacuynachu shonguyqui munashanta ruranayquipäga.

Lucas 13:34

Chaypita Jesús wagar niran: «Ay imanöraj canqui Jerusalén. Tayta Diosga profëtancunata cachamuran. Paycunatami wañuchishcanqui. Waquintaga sajmar-ushashcanqui. Jerusalén, achca cutimi wamrayquicunata shuntayta munarä wallpa chipshancunata älan rurinman shuntashannöpis. Ichanga manami munashcanquichu.

Mateo 22:11

«Chaypitana mandäga fista caycashan cuartuman yaycusha. Chaychöshi juc runata ricasha. Manashi casaray fistacho jatiränan röpatachu jatiränaj.

Mateo 10:25

Yachacojcuna yachachejninta taripajnöna cashpanga au allimi. Uywaypis patrunninnöna cashpanga au allimi. Nogata ‹Mas mandaj dyablu Beelzebú canqui› niycämashpanga gamcuna disïpulö captiqui mas piyur-rächari nishunquipaj.

Ezequiel 16:14

Cuyayllapaj captiquimi intëru nasyun runacunapis rejsishurayqui. Chay jatipashäwanmi cuyayllapaj camaraj caycarayqui. Noga Tayta Diosmi chayno në.

Isaías 61:10

Tayta Diosnëga salbamashami. Llapanchöpis allichömi jorgamasha. Chayno yanapämashanpitami cushicö. Almäpis fiyupa cushicun. Cananga caycä casarananpaj mösu alli rucacusha caycajnömi, u casarananpaj caycaj jipash camaränanpaj bisticusha caycajnömi.

Isaías 60:7

Cedarcho caj uyshacunatapis gampämi llapanta gatimongapaj. Nebaiotcho caj carnicunanami gampa munayniquicho canga altarcho nogata garamänayquipaj. Chaynami canga nogapa gustöpaj. Chaura nogaga wasëtapis mas cuyayllapaj cananpämi camacächishaj.

Cantares 6:4

Cuyaynë, gamga canqui Tirsa siudänöpis fiyupa cuyayllapämi, Jerusalén siudänöpis maysi cuyacuyllami; pipis mana ichipashan pillyaman aywaycaj suldärucunanömi.

Cantares 4:3

Shimi wirpayquicunapis puca jïlunörämi caycan. Parlacuyniquega maysi wiyacuyllami. Shucutarashayqui rurincho cärayquicunaga caycan granadata pullanpa partirishanömi.

1 Juan 3:1

Sumaj tantiyacushun, Tayta Diosninchëga fiyupami cuyamanchi. «Wamräcunami canqui» nimanchi. Rasunpami wamrancuna canchi. Chaytami juchasapa runacunaga Tayta Diosta mana rejsishpan mana tantiyanchu.

Efesios 5:26

Chayno wañushpanmi bautismuwan y alli willacuyninwan inlisyapa juchancunata perdunasha payllapäna cananpaj.

Gálatas 4:26

Sarami ichanga tincun syëlucho caycaj Jerusalenman. Chaychöga manami laypa munayninchönachu caycan. Noganchëga chaypitanami canchi.

Isaías 53:2

Tayta Diosga munasha mallwa lanta wiñar chaqui allpaman sapichashanno sirbejnin wiñanantami. Payga manami cuyayllapaj buyna-mösupischu caran. Manami ricapänapänöpischu caran.

Cantares 8:4

Aunimay ari Jerusalén jipashcuna cuyaynë puñucuycajta mana ricchachinayquipaj. Puñucuchun puñuyta sacsashanyaj.

Cantares 3:10

Ichirajnincunaga guellaypitami caycan. Jamaraptin wajtanta tucnananmi goripita caycan. Quiquin jamananna murädu tëlawan cuyayllapaj jirasha caycan. Rurinnami caycan Jerusalén warmicuna cuyar fiyupa cuyayllapäta burdashan.

Cantares 3:5

Munti lluychucuna-raycu, tarushcuna-raycu aunimay ari Jerusalén jipashcuna cuyaynë puñucuycajta mana ricchachinayquipaj. Puñucuchun puñuyta sacsashanyaj.

Salmos 149:4

Tayta Diosga cushicunmi acrashan runacuna alabaptin. Umildicunatami yanapan allicho llojshinanpaj.

Salmos 90:17

Tayta Dios nogacunata musyaycachimay cuyacoj cashayquita. Aruynëcunamanpis bindisyunniquita churaycuy. Bindisyunniquita churaycuy ari aruynëcunamanga.

Salmos 45:9

Palasyuyquichöga raycunapa warmi wamrancunami caycan. Jamarashayquipa derëchu caj-läduyquichönami casaranayquipaj caj rayna caycan. Paypa röpanga caycan mas fïnu caj goriwan adurnashami.

Isaías 21:16

Tayta Dios cayno nimaran: «Piyun juc wata conträtuta ushashannöllami cananpita juc watataga Cedar munayniyoj cashanpis ushacanga.

Ezequiel 27:21

Arabia runacunawan Quebarcho mandajcunapis gamcunawan ranticanacoj. Paycuna pägashoj-cashunqui manta uyshacunata, carnicunata, chïbucunatapis.