7 Ichanga chuscun caran juc-niraj juc-niraj: jucmi caran liyun-niraj; jucmi caran töru-niraj; jucpa cäranmi runapa-niraj caran; jucmi caran päriycaj anca-niraj.
Chay querubín anjilcunapaga cada-ünunpa caran chuscu cärancuna. Rimir caj cäran caycaran querubín anjilpano. Chaypita caj cäran caycaran runapano. Chaypita caj cäran caycaran liyunpano. Ushanan caj cäran caycaran ancapano.
Chay chuscu älayojcunapaga cärancuna caycaran caynömi: Ñaupaman ricaraj caj caycaran runapa cäranno. Derëchu caj-läman ricaraj cajna caycaran liyunpa cäranno. Ichoj caj-läman ricaraj cajna caycaran törupa cäranno. Guepa caj-läman ricaraj cajna caycaran ancapa cäranno.
Paycunapaga cada-ünunpa caran chuscu cärancuna, chuscu älancunapis. Älancunapa rurincunachöna ricacaycaran runapa maquinno.
Sillun ñaupanpana intërupa lamar yacu-niraj bidryuno achicyaraycaran. Chaynöpis chay sillunta tumaparaycaran chuscoj anjil-nirajcuna. Paycunapaga intëru cuerpuncho ñawincuna caran.
Rimir caj waräcuyga liyun-niraj caran. Ichanga ancapa-niraj älanpis caran. Ricapaycaptillämi älancunapis rachicäcuran. Chauraga runa ichirajno guepa caj chaquillanwanna ichicurcuran. Yarpayninpis runapanöna ticracuriran.
Paycunapaga älan rurincho caycaran runapa maquinno maquincuna. Chuscunpapis cärancuna y älancuna caycaran.
Tayta Diosman yäracojcunami ichanga alli callpallancho caycangapaj. Chaymi anca buylaycajno aywangapaj. Cörrirpis manami uticangapächu. Caruta aywarpis manami bëtangapächu.
Tayta Diosmi cachamongapaj juc-lä nasyun runacunata. Ancanöpis illajpitami chayamongapaj. Rimaynintapis manami tantiyanquipächu.
Ancano may janajcama wichaptiquipis, goyllarcuna caycashancho tiyanayquita ruraptiquipis chaypita garpamushayquipämi.
Juc nasyuncho mana alli goyayllana captenga mandajcunapis achcami yurin. Alli yachaj yarpaysapa mandajmi ichanga llapanta alli mandan. Chauraga runacunapis allilla goyan.
«Saultawan Jonatantaga runacuna amatarmi cuyaran. Paycunaga manami raquicashachu cawarpis ni wañurpis. ¡Ancacunapitapis masmi cörrej! ¡Liyuncunapitapis mas sinchimi caj!
Judá, gamga canqui juc manta liyun cäsata charircur cutimojno; micunanpaj pampaman lätacuycojno. Chayno caycaptiquega ¿piraj gamta rabyachishunquiman?
Ermänucuna chaycunapaj wamracunano pishi yarpayga ama caychu. Rucu runacunano yarpachacuy. Mana allicunata ruraypaj ichanga itino canquiman.
Liyun cäsata charinanpaj llupucuycojnömi caycan. Pipis rimapayta manchacunmi. ¡Israelcuna, gamta bindisyunta goshojcunataga Tayta Diospis bindisyuntami gonga! ¡Maldisyunta goshojcunatami ichanga maldisyunanga!»
Chay runacunaga liyunno manchacuypämi caycan. Liyun imatapis micunanpaj chariycur yawarninta upur-raj jamashannömi Israelcunapis contrancunata binsiycur-raj jaman.»
Röllucho ishcay caj lagaraycaj sërata Cashni uysha jorguriptinmi ñaupancho caycaj chuscoj anjil-nirajcunapita jucna gayacuran: «¡Shamuy!» nir.
Röllucho quimsa caj lagaraycaj sërata Cashni uysha jorguriptinmi ñaupancho caycaj chuscu anjil-nirajcunapita jucna gayacuran: «¡Shamuy!» nir. Niptin ricärishächo ricarä yana cawalluta. Chay cawalluta muntarajna balansan aptasha caycaran.
Röllucho chuscu caj lagaraycaj sërata Cashni uysha jorguriptinmi ñaupancho caycaj chuscu anjil-nirajcunapita jucna gayacuran: «¡Shamuy!» nir.