Apocalipsis 3:18 - Tayta Diosninchi Isquirbichishan

¹⁸ Rasunpa rïcuno cayta munarga gori püruta nogapita rantiy. Galalla cayta mana munarga yuraj röpata nogapita rantiy. Gaprano cayta mana munarga nogapita jampita rantiy. Chaynöpami rïcuno canquipaj, alli röpashano canquipaj. Y gaprano cashayquipa ruquenga allina tantiyacunquipaj.

Apocalipsis 3:18 Referans Kwoze

Apocalipsis 16:15

Jesucristo niran: «Tantiyacuy. Mana yarpashayqui örami suwanöpis illajpita shamushaj. Cushishami canga allita ruraycar mayaj-mayajlla shuyarämajcunaga. Camaricöni caycajta gamcunata tariptë runacunapa ñaupancho garapächulla car pengacushayquinömi Tayta Diospa ñaupancho jusgashushayqui öra pasaypa pengacunquipaj.»

1 Pedro 1:7

Ichanga tucuy ñacaycunata päsar ichipaptinchïrämi Tayta Diosninchïman yäracushanchi musyacan. Gori alli cashanta musyanapäga ninawanrämi chulluchinchi. Chaynömi gamcunapis ñacar-raj Tayta Diosman mas yäracunqui. Gamcuna yäracushayquega goripita masmi bälin. Chaymi imano ñacarpis llapan shonguyquipa yäracuptiquega Jesucristo cutimushpan alli cawayman churashunquipaj.

Isaías 55:1

Tayta Dios cayno nin: «Llapayqui yacunaycajcunaga yacuta upunayquipaj shamuy. Rïguta rantinayquipaj guellayta mana tarejcunaga dibaldi micunayquipaj shamuy. Bïnutapis lëchitapis mana pägayllapa tarinayquipaj shamuy.

Apocalipsis 19:8

Chay jipashtami lïnupita achicyaycachaycaj fïnu röpata jaticunanpaj camaripasha.» (Chay fïnu lïnu röpaga Tayta Diosman yäracojcuna allicunata rurashancunami caycan.)

Malaquías 3:3

Payga gorita, guellayta ninacho limyuyächejno Leví runacunata limyuyächinanpämi jamayconga. Chaypitarämi paycunaga Tayta Diospaj ofrendanta churangapaj imanöpis rurananpaj caycashanno.

Apocalipsis 7:13

Chaymi ishcay chunca chuscu (24) mayur runacunapita jucga tapumaran: «¿Picunataj yuraj röpan jatisha caycäga? ¿Maypitataj shamusha?» nir.

Mateo 13:44

«Tayta Diospa maquincho goyänanpaj willacuyga tincun chacracho guellay pamparajmanmi. Juc runashi chacrapa purir tarisha aypalla guellay pamparaycajta. Chay guellayta tariycurshi jinallanman yapay pampaycuran. Nircurshi cushisha aywar llapan ima-aycantapis ranticuycuran. Chay ranticushan guellaywannashi ranticurcuran guellay pamparashan chacrata.

Daniel 12:2

Chay junäga wañushacuna pamparaycajcunapis achcajmi cawarimonga, waquinnami imaycamapis syëlucho goyänanpaj, waquinnami imaycamapis pengaypaj y manchacuypaj cananpaj.

Salmos 32:8

Tayta Diosga caynömi nin: «Gamtaga manami gongashayquichu. Nogami tantiyachishayquipaj. Nogami willapäshayquipaj. Imano goyänayquipäpis yachachishayquipaj.

Santiago 2:5

Ermänucuna sumaj yarpachacuy: Tayta Diosninchëga pobricunata acrasha llapan shongunpa payman yäracunanpämi, janaj pachacho alli cawayta tarichinanpämi. Chayno yäracur Tayta Diosta cuyajcunaga mana ushacaj alli cawaytami tarenga.

Miqueas 1:11

Safircho tiyajcuna nasyunniquipita juc-lämanmi prësu aywanquipaj galalla, fiyupa pengacur. Zaanáncho tiyajcuna, yanapäshunayquipaj manami pipis yargamongapächu. Beteselcho tiyajcuna, wagaptiquipis manami pipis cuyapäshunquipächu.

Salmos 73:24

Willapämashpayquimi sumaj yachachimashcanqui. Nircurnaga allimi chasquimanquipaj.

Apocalipsis 3:17

«Rïcu cashayquiman yäracurmi gamcunaga ‹imapis mana pishëmanchu› niycanqui. Chaypis manami cuentata gocunquichu cuyapaypaj waccha, pobri, gapra, garapächulla caycashayquita.

Apocalipsis 2:9

«Nogaga ricaycämi ñacashayquicunata. Pobri cashayquitapis musyämi. Pobri carpis rasunpaga rïcunömi caycanqui. Israel-tucojcuna washayquita rimashantapis ricaycämi. Paycunaga ‹Dios acrashan runacunami cä› niycarpis rasunpaga Satanás munashantami ruraycan.

2 Corintios 8:9

Taytanchi Jesucristupis cuyapäcoj carmi janaj pachacho rïcu cayninta cachaycuran. Nircurmi cay pachaman shamur pobrinölla goyaran noganchïpis syëluman chayar Tayta Diospa ñaupancho rïcu cananchïpaj.

Isaías 47:3

Galalla caycajtami pï-maypis ricashunquipaj. Pengayniquitapis ricachun ari. Chaynömi sumaj castigashayqui. Chay castïgupitaga manami pipis gueshpengachu.»

Proverbios 23:23

Alli tantiyaj yachaj caytaga imanöpapis yachacuy. Yachaj cayta, tantiyaj cayta imanöpapis ashiy. Chay tarishayquitaga ama imawanpis rucachiychu.

2 Corintios 5:3

Chaycho mushoj cuerputa chasquicorga cashunpaj alli röpashanönami. Manami galallanönachu cashunpaj.

Lucas 12:21

«Chay rïcu runa manacajpaj micuyninta churashannömi quiquillanpaj ima-aycatapis shuntajcunaga. Tayta Diospa ñaupanchöga pasaypa pobrimi cangapaj.»

Nahúm 3:5

Munayniyoj Tayta Dios caynömi nin: «Nogaga gampa contrayquimi caycä. Juc-lä nasyuncuna galallata ricashunayquipämi umayquiyaj justanniquitapis shucuparcushayqui. Chaymi fiyupa pengaycho ricacunquipaj.

Mateo 25:9

Yarpaysapa cajcunaga nisha: ‹Raquipaptëga quiquëcunapäpis manami aypämanganachu. Gamcunaga ranticojcunaman aywaycur rantiramuy.›

Jeremías 13:26

Chaypitami nogapis gamcunata garapachashpä justanniquita umayquiman shucuparcushayqui. Chayno ruraptërämi pengaycho canquipaj.

Eclesiastés 8:2

Imata ruranayquipäpis ray nishushayquitaraj cumliy. Chayno cumlinayquipämi Tayta Diospa jutincho jurashcanqui.

Proverbios 19:20

Willapäshushayquita wiyacuy. Piñacushushayquitapis chasquicuy. Chayno car-rämi yachaj canquipaj.

Proverbios 1:30

Tantiyachiptëpis manami tantiyacushcanquichu. Piñacur willapashäcunatapis manacajmanmi churashcanqui.

Proverbios 1:25

Chaypa ruquenga willapashäcunatapis manami wiyacushcanquichu. Piñacur tantiyachishäcunatapis manami chasquicushcanquichu.

Salmos 107:11

Paycunaga Tayta Dios willapashanta manami wiyacushachu caran. Tayta Dios rurananpaj caycashanta manacajman churaran.

Salmos 16:7

Tayta Diostaga alabashämi imano goyänäpäpis pay tantiyachimashanpita. Shongullächo yarpashäcunatapis chacaycunapami tantiyachiman.

1 Timoteo 6:18

Chay rïcucunata ninqui imaypis alli cajllata rurananpaj, ima-aycanpis cashanpita waquin runacunata yanapänanpaj.

Apocalipsis 4:4

Chay mandajpa jamacunan silluntanami tumaparaycaran ishcay chunca chuscu (24) silluncuna. Chay silluncunamannami yuraj röpasha mayur runacuna jamaycuran. Chay mayur runacunaga gori corönan jatishami caycaran.