Apocalipsis 21:22 - Tayta Diosninchi Isquirbichishan

²² Chay siudächöga Templuta manami ricarächu. Templu cananpa ruquenga munayniyoj Tayta Dios y Cashni uyshami Templu caycaran.

Apocalipsis 21:22 Referans Kwoze

Juan 4:23

Espíritu Santu munashanno llapan shongunwan Tayta Diosta adurananpaj caj öra chayamushanami. Chayno adurananchïtami Tayta Diosga munan.

2 Crónicas 2:6

Rasunpaga ¿piräshi Diospa Templunta aruchinman? Janaj syëlupis may-may jatun caycar manami aypanchu Tayta Diospäga. ¿Pitaj nogaga cä Diospa Templunta aruchipänäpäga? Insinsuta paypa jutincho saumachinalläpächari aruchishäpis.

1 Reyes 8:27

«Ichanga ¿rasunpachuraj Tayta Dios cay pachacho gam tiyanquiman? Janaj syëlupis may-may jatun caycar manami aypanchu gampäga. Chaura rurachipashä Temploga aypaycunmanrächu.

Apocalipsis 1:8

Unaypita-pacha cawaj, cananpis caycaj y shamunanpaj caycaj Tayta Diosmi nin: «Nogaga gallaycunanpita ushanancamami caycä» nir.

Apocalipsis 16:7

Chaynöpis wiyarä syëlucho caj altarpita cayno nimojta: «¡Llapanpaj munayniyoj Tayta Dios rasun cajpita allimi jusgashcanqui!»

Apocalipsis 5:6

Chaura ricarä juc Cashni uysha mandajpa jamacunan sillunpa ñaupancho, chuscu anjil-nirajcunapa, ishcay chunca chuscu (24) mayurcunapa ñaupancho ichiraycajta. Payga wañushanpitami cawarimusha caran. Ganchis wagrayoj ganchis ñawiyojmi caycaran. Chay ganchis ñawincunaga caycan Tayta Dios cay pachaman cachamushan ganchis espiritucunami.

Colosenses 2:9

Jesucristo cay pachacho cawashpanpis quiquinmi Diosninchi caran.

Juan 4:21

Chaura Jesús niran: «Cananpitaga manami tagay puntachörächu, ni Jerusalenchöräpischu Diosta aduranquipaj.

Isaías 66:1

Tayta Dios cayno nin: «Syëluga jamanämi. Mundu allpanami chaquë lluchcaränan. Chayno caycaptëga ¿maychöraj wasita aruchipämanman? ¿Maychöraj jamaycunäpaj rurachipämanman?

Apocalipsis 15:3

Cantaycaran Tayta Diospa sirbejnin Moisés cantashanta, Cashni uysha cantashanta: «Llapanpaj munayniyoj Tayta Dios, Gam rurashayquicunaga fiyupa allimi. Llapanpa mandajnin Tayta Dios, Gamga imaypis alli cajllatami ruranqui.

Apocalipsis 11:17

«Munayniyoj Tayta Dios, gamtami agradësicö. Gamga unaypita-pacha cawajmi canqui, cananpis caycaj, [shamunanpaj caycajmi] caycanqui. Llapanta munayniquichömi chararaycanqui. Cananga gamnami mandayta gallaycushcanqui.

Apocalipsis 4:8

Chuscunpis sojta älayoj-camami caran. Intëru cuerpunchömi ñawincunapis caran. Chay anjil-nirajcunaga chacaypa junajpapis nircaycaran: «Santo, Santo, Santumi munayniyoj Tayta Diosga. Payga unaypita-pacha cawaj, cananpis caycaj y shamunanpaj caycajmi.»

Colosenses 1:19

Tayta Diosninchëga quiquinmi camacächiran payno Jesucristupis cananpaj.

Juan 10:30

Chaymi nogaga në Papänëwan noga jucnaylla cashäta.»

2 Crónicas 6:18

«Ichanga ¿rasunpachuraj Tayta Dios tiyanquiman cay pachacho? Janaj syëlupis may-may jatun caycar manami gampäga aypanchu. Chaura imanöparaj aypaycunman noga aruchipashä Temploga.

Apocalipsis 19:15

Llapan nasyuncunata castigananpämi afilasha sabli shiminpita llojshimuran. Chaywanmi llutanta ruraj runacunata fiyupa rabyar mana cuyapaypa castiganga. Übasta gapchishannömi runacunata castiganga llapanpaj munayniyoj Tayta Diosta rabyachishanpita.

Apocalipsis 16:14

Chay quimsan dyablucunaga milagrucunatapis ruraran. May-chaypapis aywar nasyun mandajcunata suldäruntinta shuntaran Tayta Dios cay pachata jusganan junaj pillyananpaj.

Mateo 24:2

Niptin Jesús niran: «¿Caycunaga cuyayllapaj caycan au? Ichanga willashayqui. Imayllaga llapan ricaycashayqui ushacangapämi. Manami ni juc rumillapis canan pergaraycashannöga pergarangapänachu.»

Apocalipsis 7:15

Chaymi Tayta Diospa ñaupancho paycunaga carcaycan. Pagaspa junajpapis Templuncho alabaycan. Sillunnincho jamaraycaj Tayta Diosmi paycunataga imaypis cuydanga.

Apocalipsis 7:17

Tayta Diospa ñaupancho munayniyoj Cashni uyshami paycunataga uyshacunatano ricanga. Imaypis mana yacunänanpaj Paymi cawachicoj chuya yacuman pushanga. Tayta Diospa ñaupanchöga imaypis manami waganganachu.»

Apocalipsis 14:4

Paycunaga piwanpis mana cacojno limyumi caran. Imano ñacarpis Cashni uysha munashannöllami cawaran. Paycunaga micuy rimir yurimuptin apashan ofrendanöpis juchayoj runacunapita salbasha caycaran Tayta Diospaj y Cashni uyshapämi.

Juan 13:32

Chayno nogapita alabasha-canan caycaptenga Tayta Diospis llapantami musyachenga noga Destinädu Runaga fiyupa munayniyoj cashäta. Chayno cananpäga manapis aycällatanami camacächenga.