Apocalipsis 21:1 - Tayta Diosninchi Isquirbichishan

¹ Chaypitanami ricarä mushoj pachata, mushoj syëluta. Ñaupa caj pachapis, ñaupa caj syëlupis illgashana caran. Lamarpis mana carannachu.

Apocalipsis 21:1 Referans Kwoze

2 Pedro 3:13

Noganchïtami ichanga aunimashanchïno Tayta Diosninchi shuyaraycächimanchi mushoj syëluta, mushoj pachatapis. Chaychöga Tayta Diosninchi munashannöllanami llapanpis allilla cangapaj.

Isaías 66:22

Mastapis Tayta Diosga nin: «Mushoj syëlutawan mushoj pachata camanäpaj caycajcuna imaycamapis mana ushacaj cashannömi gamcunapita mirajcunapis canga. Jutiquipis imaycamapis yarpasha canga.

Apocalipsis 21:5

Quiquin silluncho jamaraycajnami nimuran: «Llapantapis nogaga mushojmanmi ticrachë. Cay nishäcunaga rasun cajmi. Chaymi nishäcunataga isquirbiy.»

2 Pedro 3:10

Ichanga suwa illajpita shamushannömi Tayta Jesucristupis illajpita chayamonga. Pay cutimuptinmi intipis, quillapis, llapan goyllarcunapis cay pachapis, manchariypaj wararaylla nina rataycajwan ushacanga. Cay pachaga llapanninwanmi rupaycällar ushacanga.

Apocalipsis 20:11

Chaypita ricarä jatuncaray yuraj achicyaycachaycaj sillunta. Chaychömi Tayta Dios jamaraycaran. Chay örami syëlupis cay pachapis illgacäcuran. Mananami mas ricacarannachu.

Isaías 27:1

Chay junajmi Tayta Diosga manchariypaj, jatuncaray sablinwan castiganga Leviatán waräcuyta. Culebrano pillguypa-pillgur aywaycaj Leviatantami castiganga. Lamarcho caycaj waräcuytapis wañuchengami.

Daniel 7:3

Chayno ricapaycaptëmi illajpita manchariypaj chuscu waräcuycuna lamarpita llojshimuran. Chay waräcuycunaga cada-ünun juc-niraj juc-niraj caran.

Apocalipsis 13:1

Chaypitana ricarä lamarpita ganchis umayoj, chunca wagrayoj waräcuy llojshiycämojta. Cada wagranchömi corönata jatiraycaran. Cada umancunachönami Tayta Diospa contran isquirbiraycaran.

Isaías 57:20

Fiyu runacunami ichanga carcaycan lamar pullchajyar mana chawajno. Wayra pullchajyächiptin mitutawan ganracunata lamar jitarimushannömi caycan.

Isaías 51:11

Tayta Dios salbar jorgamushan cajcunaga cutimongami. Cantashpanmi Sionman chayanga. Chaychöga imaycamapis cushishallami goyangapaj. Paycunapäga cushicuywan alli goyayllanami cangapaj. Nanaypis llaquicuypis manami canganachu.

Romanos 8:21

Tayta Dios jorgunantami shuyaraycan. Chaymi wamrancunata Tayta Dios shuntashan junäga llapan camashancunatapis mushojmanna ticrachenga.

Apocalipsis 6:14

Syëlupis papil cauchucäcojnömi pitucäcuran. Jircacuna, lamar chaupin tishgucunapis juc-läman witiran.