Apocalipsis 20:13 - Tayta Diosninchi Isquirbichishan

¹³ Lamarcho wañojcuna, pamparajcuna, may-chaycho wañojcunapis cawarimuran. Llapantami Tayta Dios jusgaran rurashanman-tupu.

Apocalipsis 20:13 Referans Kwoze

Apocalipsis 6:8

Niptin ricärishächo ricarä bäyu cawalluta. Chay cawalluta muntarajpa jutinmi caran «Murti». Paypa guepantanami «Pantiyun» shamuran. Paycunami llojshiran runacunata guërrawan wañuchinacachinanpaj, muchuywan gueshyawan wañunanpaj. Y micucoj animalcuna wañuchinanpaj. Paycunaga munayniyoj caycaran pullanpita pullannin caj runacunata wañuchinanpämi.

Oseas 13:14

Chayno caycarpis ¿wañunayquipita salbanätachuraj munarcaycanqui? ¿Wañunayquipita salbashayquichuraj? Wañuy ¿maytaj wañuchicoj gueshyayqui? Sepultüra ¿maytaj ushacächicoj munayniqui? Shamuyna ari. Canan mananami cuyapäshänachu cay runacunataga.»

Apocalipsis 20:14

Chaypitanami wañojcuna caycashan wanwanyaycaj y murtipis nina gochaman gaycusha caran. Chayga guepa caj wañuymi caycan.

Apocalipsis 20:12

Sillun ñaupanchönami ricarä wañushanpita llapan runacuna cawarircamur ichirpaycajta. Chaymi librucunata Tayta Dios quicharan. Juc libruchömi apuntaraycaran Tayta Diospa ñaupancho imaycamapis cawananpaj cajcunapa jutincuna. Waquin librucunachönami apuntaraycaran runacuna cawaycashan-wichan allita u mana allita rurashancunapis. Chaymi Tayta Diosga runacunata jusgaran imanöpis librucho isquirbiraycashanno.

Isaías 26:19

Gamman yäracamoj runacunaga cawarimongami. Allpacho pamparaycajcunami cawarimonga. Nircorga cushicuyllawanmi gaparpangaraj. Llapan guewacunata shullay wiñachir yagarichimushannömi llapan wañushacunatapis cawarachimunquipaj.

Apocalipsis 1:18

Nogaga imaypis cawaycämi. Wañuchimashanpita cawarimushcä imaycamapis cawanäpämi. Nogami charaycä wañushacunapa almancuna caycashan lläbita.

Mateo 11:23

Capernaúm runacuna, ¿gamcunaga Tayta Diospa ñaupanman chayanayquipaj cashantachu yarpaycanqui? Chaypa ruquenga chacaj pachamanmi Tayta Dios gaycurishunquipaj. Gamcunacho rurashä milagrucunata Sodomacho ruraptëga runacuna juchancunata cachariptin canancamami chay siudä caycanman caran.

Mateo 16:27

Noga Destinädu Runaga anjilnëcunawanmi shamushaj Taytäpa munayninwan. Chaychömi llapan runacuna rurashanman-tupu premyunta chasquenga.

1 Corintios 15:26

Llapanta binsiycurnami wañuytapis binsenga.

Apocalipsis 2:23

Paycunapa wamrancunatana gueshyachishaj wañuyman chayananpaj. Chayrämi yäracamajcunaga musyanga llapan runapa yarpayninta, shongunta noga musyashäta. Nogaga imanöpis rurashanpitami cada runata cutichishaj.

Apocalipsis 21:4

Wagay manami canganachu. Wañuy manami canganachu. Nanächicuypis, llaquicuypis manami canganachu. Unay caj cawaycunaga llapannami ushacanga.»