Amós 8:14 - Tayta Diosninchi Isquirbichishan

¹⁴ Mana allimanmi chayangapaj Samariacho caj ïdulupa jutincho jurajcuna, Danpa Diosninpa jutincho jurajcuna, Beersebapa diosnincunapa jutincho jurajcuna. Paycunaga imaypis manami alliman chayangapänachu.»

Amós 8:14 Referans Kwoze

Amós 5:5

Ama aywaychu Betelcho caycaj capillamanga. Ama aywaychu Gilgalcho caycaj capillamanga. Chayno, amana päsaynachu Beersebacho caycaj capillamanpis. Gilgalcho tiyajcunataga simrimi prësu apanga. Betelnami ushajpaj ragällan quëdangapaj.»

Deuteronomio 9:21

Nircur rurashayqui töru-mallwataga ninaman jitapaycurä. Agullarirna puntapita yacu urämojman garpurirä.

Hechos 9:2

Ordinta jorguran Damasco siudächo sinagogacunaman yaycuycur Jesusman yäracojcunata warmita ollgutapis prësu chariycur Jerusalenman apananpaj.

Hechos 24:14

Ichanga willashayqui: Manami juc sectachu cä. Nogaga cawä Nazaretpita caj Jesús yachachishannömi. Unay awilöcuna sirbishan Diostami sirbiycä. Diospa laynincunaman, profëtacuna isquirbishanmanpis riguëmi.

Hechos 19:23

Chay wichanmi Jesusman yäracojcunataga runacuna chiquicarcäriran.

Hechos 19:9

Jesusman yäracuyta mana munaj cajmi ichanga llapanpa ñaupancho Jesucristuman yäracojcunata manacajman churaj. Chaura Pabloga llapan yäracojcunawan shuyni aywacuran Tirano jutiyojpa escuela wasinman. Chaychöna waran-waran Jesucristupa willacuyninpita willapaj.

Hechos 18:25

Apolosga Tayta Jesuspaj sumajmi musyaran. Chaymi runacunataga cushisha sumaj willapaj Tayta Jesuspita. Bautisacuypitami ichanga Bautisaj Juan yachachishallantaraj yacharan.

Sofonías 1:5

Wasin jananman wichaycur syëlucho caycaj goyllarcunata adurajtapis illgarachishämi. Gongurpacushpan nogapa jutëcho jurarcur ‹dios Milcompa jutincho› nir jurajcunatapis illgächishämi.

Amós 5:2

Israelga runa yatänillaraj caycarmi mana alliman chayasha. Chaypita alli cashanmanga mananami cutenganachu. Quiquinpa marcallanchömi mashtarpaycar quëdasha. Pipis manami canchu mashtarpaycajta jatarachinanpäga.

Oseas 13:16

Tayta Diosninpa contran ricacushanpitami Samaria runacunaga castigasha canga. Sabliwan tucsiypami wañonga. Wamrancunatapis pampaman pajshirgärenga. Gueshyaj caycaj warmicunapa pachantapis gashargärengami.

Oseas 13:2

Cananpis jinallami juchata rurarcaycan. Guellaynincunata chullurcachir ïdulucunata rurachicurcun. Chay ïdulucunataga guellay tacajmi yachashanman-tupu rurapan. Nircorga nin: «Paypaj garayniquita churay-llapa» nir. Chaura runacunaga jundiypa rurashan töruta rispitashpan muchan.

Oseas 10:5

Samaria runacunaga chulluchiypa rurashan törutami Bet-avén siudächo aduran. Ichanga chay törupaj fiyupami llaquicongapaj runacunapis, cüracunapis. Chaynöga llaquiconga chay törunta apacuptinmi.

Oseas 4:15

«Israelcuna, ïdulucunata aduraptiquipis Judäcunaga ama juchata rurachunnachu ari. Gamcuna ama aywaychu Gilgalman ni Bet-avenmanpis. Ama ‹Tayta Diospa jutincho jurä› niypischu.

Jeremías 51:64

Jitarpur ninqui: ‹Cay jitarpushä röllu tallpucajnömi Babiloniapis illganga. Nircur Tayta Dios castigananpaj caycashanpitaga manami yapay imaypis cashanmanno cutenganachu› nir.» Caycamallami caycan Jeremías rimashancunaga.

Jeremías 25:27

Upuchej aywanäpaj cachamashpan Tayta Diosga nimaran: «Jeremías, chay runacunata niy machänancama, tuninancama, gumitanancama chay cöpapita upunanpaj. Chaynöga ruracanga paycunacho guërra cananpaj camacächiptëmi.

Isaías 43:17

Conträcunaga aypalla munayniyoj suldärucunawanmi gatimaran. Llapanta usharinanpaj carrëtancunawan, cawalluncunawanmi shamuran. Chay gaticachämajcunataga llapantami tunichishcä. Chaypitaga mananami jatarishanachu. Achqui rataycashanpita upicäcojtanöpis illajpitami illgächishcä.

Proverbios 29:1

Piñacuycaptinpis tantiyacuyta mana munajcunaga manapis aycällatanami ushacanga. Jampipis manami canganachu.

Salmos 140:10

Paycunaman shicwamuchun shansha. Paycunataga uchcucunaman wiñarpärichun imaypis manana llojshimunanpaj.

Salmos 36:12

Masqui ricay chay fiyu runacunata. Cananga mana allimanmi chayasha carcaycan. Chaypitaga mananami llojshenganachu.

2 Crónicas 36:16

Tayta Diospa willacuyninta willapaptinpis pasaypa manacajman churar asiparan. Profëtacunatapis asiparan. Chaymi Tayta Diosga acrashan runacunapaj fiyupa rabyacurcuran. Chaymi runacunaga Tayta Diosman yäracunanpaj manana imata ruraytapis camäpacurannachu.

2 Reyes 10:29

Ichanga Jehüpis juchata ruraran. Nabatpa wamran Jeroboam Israelcunata juchata rurachishantano juchata rurachiran. Paypis rispitashpan aduraycaran gori törucuna Betelcho, Dancho caycajta.

1 Reyes 16:24

Semer jutiyoj runapita Samaria jircata rantiran sojta chunca sojtan (66) quïlu guellaywan. Chay rantishancho intërunpa curalasha siudäta aruchiran. Jutinta churaparan «Samaria» nishpan unay caj duyñunpa Semer jutin cashanpita.

1 Reyes 14:16

Tayta Diosga Israelcunata cachayconga Jeroboam juchata rurar Israelcunatapis yachachir juchaman chayachishanpitami.»

1 Reyes 12:32

Nircurpis Jeroboamga niranraj cada wata fistata rurananpaj. Chay fistataga ruraj pusaj caj quillachöga chunca pichga (15) junajnincho, imanömi Judächo fistata ruraj, chayno. Altarchöpis quiquin raymi rupachiran pishtashan uywacunata. Chaytaga ruraran Betelcho goripita rurachishan besëracunapa ñaupancho uywata pishtarcur rupachir. Chay örami churaran cüracunatapis mana bälej ïdulucunapa capillan rurachishancunacho ima ruraycunatapis rurananpaj.

Deuteronomio 33:11

Tayta Dios, paycuna sumaj sirbishunayquipaj yanapaycullay. Paycuna rurashanga shonguyquipäno caycullächun. Chiquejcuna yarpashanta ichanga manacajman churaycullay. Amana contran jatarichunnachu.»

Isaías 24:20

Machasha runa tuniycachaycajnömi ricaconga. Tuniyta munaycaj chucllanömi alayri cuyuycanga. Cay pachacho tiyajcuna juchata rurashanga fiyupami lasaycan. Chaymi cay pachaga tunishpan imaypis mana jatarenganachu.

Miqueas 1:5

Chayno canga Jacobpita miraj Israelcuna mana wiyacoj cashanpitami, juchata rurashanpitami. ¿Maychötaj caycan Jacobpita miraj Israelcuna jucha rurashanga? ¡Jucha rurashanga Samariachömi caycan! ¿Maychötaj caycan Judäpita mirajcuna jucha rurashanga? ¡Jucha rurashanga Jerusalenchömi caycan!»

Proverbios 24:16

Mana alliman ganchis cuti chayarpis alli runaga allichömi llojshenga. Fiyu runacunami ichanga mana alliman chayar chayllachöna ushacanga.

Amós 5:1

Canan rimaycämushäta sumaj wiyacuy Israelcuna. Gamcunapaj fiyupa llaquicur parlaycämushäta wiyaycäriy ari.