Amós 8:13 - Tayta Diosninchi Isquirbichishan

¹³ Chay junäga yacunaypita chiyacäcongapärämi cuyayllapaj camaraj jipashcuna, jinyu mösucunapis.

Amós 8:13 Referans Kwoze

Oseas 2:3

Mana chayno ruraptenga quiquëmi pengaypaj garapachashaj. Yurishantano galallatami cachaycushaj. Chunyajmanmi ticrarachishaj. Chayno rurar yacunaypitami wañuchishaj.

Lamentaciones 2:21

«Wamracunapis, auquincunapis cällicunachömi wañusha mashtarpaycan. Mösucunapis, jipashcunapis cuchuypami wañusha. Rabyasha caycashayqui örami wañuchishcanqui. Mana cuyapaypami wañuchishcanqui.

Lamentaciones 1:18

Jerusalén nin: «Tayta Diosga rasun cajtami rurasha pay nimashanta mana wiyacushäpita. Marcacuna wiyamay-llapa. Ricamay-llapa imano nanächicuycajtapis. Nogapitaga mösucunata jipashcunatapis prësumi apacusha.

Zacarías 9:17

¡Chaura ima alli, ima cuyayllapäraj canga chay nasyonga! Rïgupis, bïnupis aypalla captinmi ollgupis warmipis wamracuna cuyayllapaj alli wiñanga.

Lamentaciones 2:10

Cuyayllapaj Sión siudächo caj rispitädu auquincunapis upällallami pampacho jamarpaycan. Llaquicurmi umancunaman allpata wiñacurcaycan, gachga röpacunata jaticurcaycan. Jerusalén jipashcunaga pengay-tucushpanmi uysurpaycan.

Jeremías 48:18

«Dibón siudä runacuna alli-tucur rispitäducho jamaraycashayquipita llojshircur chucru chaqui pampamanna jamacuy. Illgächicöga gamcuna cajchönami caycan. Sumaj curalasha pergayquicunatapis maynami illgächisha.

Isaías 40:30

Mösucunapis uticar bëtanrämi. Mas sinchi callpayojcunapis tacacar tuninrämi.

Salmos 63:1

¡Tayta Dios, gammi canqui Diosnë! Gamtami fiyupa ashiycä. Gamwan iwal caytami munä. Gampa buluntäniquitami llapan shongöpa rurayta munä. Gamwan caytaga munaycä chaqui jirca yacuta munaycajnörämi.

Deuteronomio 32:25

Wamrancunatapis cällicunachömi tucsirgärenga. Wasincunachöpis fiyupa manchariymi canga. Wañongapämi mösupis jipashpis, auquinpis, itipis.

Isaías 9:17

Chaypitami Tayta Diosga mösucunata mana cuyapashachu. Wacchacunata ni biyüdacunatapis mana cuyapashachu. Chayno mana cuyapashachu llapanpis mana yäracojlla, mana allita rurajcunalla cashanpita, llapanpis manacajcunallata parlashanpitami. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Oseas 2:5

Mamanga jucwan-jucwanmi cacusha. Alli warmi cashantapis pirdichisha cayno nishpanmi: ‹Aywashaj cuyashäcunata ashej. Paycunaga goman micuyta, yacuta, millwata, lïnuta, perfümitapis, upyanäpaj cajcunatapis› nir.