Amós 5:6 - Tayta Diosninchi Isquirbichishan

⁶ Tayta Dios munashanno rurarga cawanquimi-llapa. Mana wiyacuptiquimi ichanga ushacächicojcunata Pay cachamonga Israelcuna tiyarcaycashanman. Chaura Betelchöga manami pipis cangachu mana allicunapita salbananpaj.

Amós 5:6 Referans Kwoze

Isaías 55:6

Canan timpu cashancama Tayta Diosta ashiy. Manaraj carucho cashancama gayacuy.

Amós 5:14

Alli cajta ruray, ama mana alli cajtaga. Chauraga cawanquipämi. Chayrämi rasunpa canga gamcuna cayno nishayquega: «Munayniyoj Tayta Diosmi nogacunacho caycan» nir.

Amós 5:4

Tayta Diosga Israelcunata caynömi nin: «Nogaman shacamuy-llapa. Chauraga cawanquipämi.

Ezequiel 33:11

Ichanga noga Tayta Diosmi jurashpä në: Nogaga manami munächu jucha ruraj runa wañunanta. Chaypa ruquenga munä mana allita ruraycashanta cachaycur allina cawanantami. Israelcuna mana allita rurarcaycashayquitaga cachaycuyna. ¿Imanirtaj wañuyta ashircaycanqui?

Zacarías 10:6

«Nogami callpayojyächishaj Judäpita mirar aywaj runacunataga. Josëpita mirar aywajcunatapis salbashaj. Yapaymi cutichimur nasyunninman pushamushaj. Chaynöga rurashaj paycunata cuyapashpämi. Chaura paycunaga cangapaj noga imaypis mana cachaycushänömi. Nogami caycä mañacamashanta wiyaj Tayta Diosnin.

Amós 6:6

Jatusaj cöpacunawan bïnuta upyarcaycanqui. Cuerpuyquicunamanpis allinnin perfümicunataraj pichucuycanqui. Nasyunniqui mana alliman chayaycashanpäga manami imapis gocushunquichu.

Ezequiel 37:19

gamna ninqui: ‹Tayta Diosga caynömi nin: Efraín waquin Israel trïbucunawan chararaycashan bastunta shuntashaj. Chaytana Judäpa bastunnintawan jucllachar juc bastunllamanna ticrachishaj.›

Jeremías 7:20

Chaymi fiyupa rabyasha caycashä päsananpaj caycho tiyarcaycaj runacunata castigaj-aywä. Castïgu chayanga llapan uywancunaman, llapan yöracunaman, llapan micuynincunamanpis. Chaynöpami rabyashäga cangapaj nina ratarir mana upejno.»

Jeremías 4:4

Jerusalén runacuna, Judá runacuna cuerpullayquichöga ama señalacuychu. Chaypa ruquenga rumi shonguyquitapis camariy conträtuta rurar parlashanchïta cumlinayquipaj. Chayno mana ruraptiquega illajpitami fiyupa rabyacurcushaj. Rabyacurcuptëga manami pipis allchacächimangapächu. Nina ratariptin pipis upichiyta mana camäpacushannömi ricacushaj.

Isaías 1:31

Callpayoj runaga ricacongapaj ogshanöllami. Imata arushancunapis canga lliptano yangallami. Chaynömi runaga arushanwan iwal rupanga. Chay ninata upichinanpäga manami pipis cangapächu.

1 Reyes 11:28

Jeroboamga caran callpayoj bïbu runa. Imatapis alli rurajta ricarmi Salomonga churaran José castacunapa mandajnin cananpaj.

2 Samuel 19:20

Quiquëpis juchayoj cashätaga musyaycämi. Josëpa caj castancunapitaga nogami rimir-puntatapis shamushcä gamwan tincunäpaj.»

Josué 18:5

Chay ricapacoj aywaj runacunami chacrataga raquenga ganchis partiman. Ichanga ama raquengachu sur caj-lächo Judá trïbu chasquishan chacrata ni norte caj-lächo Josëpita miraj trïbucuna chasquishan chacratapis.

Deuteronomio 4:24

Tayta Diosga payllata sirbinanchïta, adurananchïtami munan. ¡Mana wiyacojcunataga nina rupar ushacurcojnömi usharenga!

Éxodo 22:6

«Pipis shatata cañaycuptin nina aywar ëracho rïgu goturaycajta ushaycuptin, u cusichananpaj caycajta ushaycuptenga nina sindej runami päganga aycatapis rupashanpita.

Salmos 27:8

Shongömi shacyächiman «Tayta Diosman yäracuy» nir. Chaymi nogaga gamllaman yäracamö.

Isaías 55:3

Noga cajman shamuy. Nircorga willapashäta wiyacuy. Nishäcunata wiyamay. Chauraga cawanquipämi. Gamcunawanmi conträtuta rurashun imaycamapis alli goyänanchïpaj. Chaynöpami ray Davidta cuyar aunishäta cumlishaj.

Amós 3:14

Juchanpita Israelcunata jusganä junäga Betelcho caycaj altarcunata ushajpämi illgächej-aywä. Altarpa isquïnancho caj wagrancunapis paquicarmi pampaman shicwanga.

Sofonías 2:3

Cay pachacho umildi cajcuna, pay nishanta wiyacojcuna, llapaniqui Tayta Dios munashanno ruray. Rasun cajllata rurashpayqui umildilla goyay. Chayno goyashpayquega capaschari salbacunquimanpis Tayta Dios rabyar jusganan junäga.

Deuteronomio 32:22

Cananga nina ratarejnörämi fiyupa rabyacurcushcä. Rabyashäga chayanga pacha rurincamami. Allpatapis micuytapis manami wayuchishächu. Jircacunatapis rupachirmi ushashaj.

2 Crónicas 34:25

Gamcunaga nogata gongaycamashcanquimi. Nircurnami «diosnë» nishanpa ñaupancunacho insinsutapis saumachisha. Chayno rurarmi fiyupa rabyachimasha. Chaypitami cay particho tiyajcunapaj fiyupa rabyacurcushcä. Rabyashäga manami päsangachu.

Salmos 69:33

Tayta Diosga wiyanmi pobricuna mañacushanta. Manami cachaycunchu prësu caycajcunataga.

Jeremías 38:20

Jeremías niran: «Tayta ray, paycunapa maquinmanga manami cachaycushunquipächu. Tayta Dios gampaj nimashanta willashätaga wiyacuy ari tayta. Willashäno rurashpayquega manami wañunquipächu.

Ezequiel 21:3

Cayno niy: ‹Tayta Dios caynömi nin: Gamcunapaga contrayquimi ricacö. Sablëta jorgurir llapantami wañuchishaj alli cajcunatapis juchasapacunatapis.