Amós 3:2 - Tayta Diosninchi Isquirbichishan

² «Munducho aypalla runacuna caycajpitami gamcunallata acrashcä. Acrasha caycaptë mana allita rurashayquipita gamcunataga castigashayquimi.»

Amós 3:2 Referans Kwoze

Deuteronomio 7:6

Gamcunaga Tayta Dios acrashan santo runacunami carcaycanqui. Cay pachacho may-chay nasyun runacunapitami gamcunallata shuyni acrasha-cashunqui lijïtimu wamrancuna canayquipaj.

1 Pedro 4:17

Tayta Dios jusgananpaj caj timpu chayamushanami. Tayta Diosga payman yäracoj cajcunatami jusgayta gallaycusha. Diosman yäracojcunapis jusgasha caycaptenga ¿imanöraj canga Tayta Diospa alli willacuyninta mana chasquicojcuna?

Deuteronomio 10:15

Chayno carmi maygan nasyun runacunatapis acrayta puydinman caran. Ichanga gamcunapa unay caj awiluyquicunatami Tayta Diosga cuyar acraran. Nircur gamcunatapis acrashurayqui awiluyquicunapa wamran captiqui. Cananpis cuyashan runacunami carcaycanqui.

Romanos 2:9

Jucha rurajcunaga llapanmi castigasha car fiyupa ñacanga. Rimëru Israel runacuna, nircurna mana Israel runacunapis.

Daniel 9:12

Castigamänayquipaj nishayquinömi rasunpa castigamashcanqui nogacunata, mandajnëcunatapis. Manami imaypis cay pachamanga castïgu chayamushachu canan Jerusalenta castigashayquinöga.

Jeremías 14:10

Israel runacunapaj Tayta Diosga caynömi nin: «Cay nasyun runacunaga yachacashami juc-läman juc-läman chayar puricachaj. Chayno captinmi mana cuyapächu. Cananga jucha rurashancunata llapanpitami jusgashaj.»

Jeremías 13:21

Jerusalén runacuna ¿ima ninquiraj amïguyqui cananpaj quiquiquicuna ashishayqui runacuna mandashuptiqui? Chayrämi gueshyaj warmita nanay chariycaptinnöpis ñacanquipaj.

Jeremías 11:22

munayniyoj Tayta Dios caynömi nin: «Chaypitami Anatot runacunataga noga castigashaj. Mösu cajcunaga guërrachömi wañonga. Wamrancunana warmipis ollgupis yargaypita wañonga.

Jeremías 10:25

Gamta mana yarpäshoj, mana rejsishoj nasyun runacunata castigay rabyashayqui pascacänanpäga. Chay runacunami Jacobpita mirar aywaj runacunata usharisha. Nasyun intërutami pasaypa ushacashata cachaycusha.

Jeremías 9:25

Tayta Diosmi nin: «Juc junaj castigashämi cuerpullancho señalacojcunataga. Castigashaj:

Jeremías 1:15

Norte caj-lä nasyuncunacho tiyajcunata llapantami gayamushaj. Noga Tayta Diosmi cayno në. «Chay runacunaga rayninwan-camami shamongapaj. Jerusalenman yaycuna quiquin puncucunachömi mandananpaj sillunnincunata churacarcärengapaj. Sillunnincunata mandananpaj churacarcärenga curalaraycaj perga wajtancunachömi, Judá nasyuncho caycaj llapan siudäcunachömi.

Isaías 63:19

Chaymi nogacunaga caycä imaypis mana mandashayqui nasyun runacunanöna, imaypis mana alabashoj runacunanöna.

Salmos 147:19

Israel jutiyoj Jacobtapis Paymi musyachiran yarpashancunata, laynincunata, mandamintuncunata.

Deuteronomio 26:18

Tayta Diosnami nishurayqui acrashan runacuna cashayquita. Chaymi aunishushayquinölla quiquin acrashurayqui. Chauraga llapan mandamintuncunata cumliy-llapa.

Génesis 10:32

Cay pachata yacu ñitishanpitaga Noëpita mirajcuna cay pachacho intëruman mashtacaran. Paycunaga achca nasyuncunapaj aypajmi miraran.

Hechos 17:26

«Juc runallata rurashanpitami achca nasyuncunaman mirashcanchi. Paymi distinamashcanchi may nasyuncho tiyananchïpaj, imaycama juc nasyun cananpaj, nasyuncunapa lindancuna may-maypa cananpäpis.

Nahúm 3:4

Nínive, chaynöga päsashurayqui guellaypaj cacoj warmino achca nasyuncunata engañashayquipitami. Cuyayllapaj captiquimi juc-lä nasyuncunapis cuyacurcushurayqui. Chaymi engañayta, brüju rurayta yachacusha.

Oseas 9:9

Gabaacho cashan wichannömi gamcunaga pasaypana pirdicasha carcaycanqui. Tayta Dios ichanga mana alli rurashayquicunata llapanta yarparaycan. Chaymi llapan juchayquicunapita castigashunquipaj.

Oseas 8:13

Paycunaga amatarmi munan uywacunata pishtapämayta. Nircur pishtashan uywacunapa aychantaga micucarcärin. Noga Tayta Diosga manami cushicöchu chayno rurashanpita. Mana allita rurashancunatami yarpäshaj. Juchanpita castigashpämi Egiptuman cutichishaj.

Oseas 2:13

Castigashaj ayca watapis Baal dios-niraj ïdulucunapaj saumachishanpitami. Nogata cachaycamashpanmi wallgacunata, surtïjacunata jaticurcur cuyashancunapa guepanta aywacuran.» Tayta Diosmi chayno nisha.

Deuteronomio 32:9

Chaymi paycunata cuyar acraran yanapänanpaj. Jacobpita mirajcunatami shuntaran paypa maquincho cawananpaj.

1 Corintios 8:3

Rasunpa yachaj runaga Tayta Diostami rasunpa cuyan. Chayno runataga Tayta Diospis rejsir yanapanmi.

Génesis 18:19

Paytaga noga acrashcä wiyacamänanpaj wamrancunata, llapan famillyancunata yachachinanpämi, alli cajllata rasun cajllata rurananpämi. Abraham chayno ruraptenga conträtu rurashäta noga cumlishämi.»

Deuteronomio 4:32

«Sumaj tantiyacuy-llapa. ¿Mayllachöga wiyashachuraj gamcunata parlapäshushayquino nina rataycajpita Tayta Dios parlapashanta, wiyaycarpis mana wañushanta? Unay wichan imano cashantapis tapucachay. Munducho cananpaj runata Tayta Dios rurashanpita-pacha imano cashantapis sumaj musyacachay. ¿Imayllaga cayno cashachuraj?

Ezequiel 5:9

Gamcuna fiyupa melanaypajcunata rurashayquicunapitami castigashayqui imaypis mana castigashäno. Chaynöga yapaypis manami castigashayquipänachu.

Oseas 5:3

Noga rejsëmi Efraín runacunata. Israelcunatapis rejsëmi. Efraín runacunaga jucmannami aywacusha. Chaynöpami Israelcunaga ganrayasha.

Amós 2:4

Tayta Diosga caynömi nin: «Judá nasyun runacunaga aypallatanami mana allita rurasha. Paycunaga manami wiyacushachu yachachicuynëcunata. Laynëcunacho niycashancunatapis manami cäsushachu. Chaypa ruquenga papänincuna adurashan ïdulucunallatami adurasha. Chaypitami castigänillataga mana cachaycushächu.

Amós 3:3

¿Manaraj alli parlacusha carga ishcaj runacuna purinmanchuraj?

Amós 6:1

¡Ay imanöraj canqui Sioncho goyaj autoridäcuna! ¡Ay imanöraj canqui Samariacho tiyaj mandajcuna! Gamcunaga charashayquiman yäracurmi munayniyoj-tucurcushcanqui. Gamcunamanmi Israelcunaga «yanapämay» nir aywarcaycämun.

Miqueas 2:3

Chaypitami chay runacunataga Tayta Dios cayno nin: «Nogapis paycunata imano ruraytapis yarpaycänami. Disigrasyami paycunamanga chayangapaj. Chay ñacaypitaga manami gueshpengapächu. Chauraga manami alli-tucushpan purengapänachu. Chay wichanga cangapaj fiyupa llaquicuyllami.

Éxodo 32:34

Cananga cutiycushpayqui runacunata pushanqui aunishä partiman. Anjilnëmi pushashunqui. Chaypis Israelcuna juchata rurashanpitaga castiganä junaj chayamuptinnami castigashaj.»