Amós 1:6 - Tayta Diosninchi Isquirbichishan

⁶ «Tayta Diosga caynömi nin: «Gaza siudä runacunaga fiyupa aypallatanami mana allita rurasha. Paycunaga juc nasyun intëru runacunatami prësu apacuran. Nircorga Edom nasyunman ranticaycäriran uyway cananpaj. Chayno rurashanpitami castigashaj.

Amós 1:6 Referans Kwoze

Amós 1:11

Tayta Diosga caynömi nin: «Edom nasyuncho tiyajcunaga aypallatanami mana allita rurasha. Paycunaga famillyan Israelcunatami mana cuyapaypa gaticacharan sablinta aptacarcärir. Fiyupa chiquishpanmi chayno ruraran. Chaypitami castigänillataga mana cachaycushächu.

2 Crónicas 28:18

Filistea runacunapis Judäman yaycuycur ima-aycantapis pampa siudäcunapita, Neguevpita guechurcur apacusha caran. Filistea runacunaga quiquincunapäna charicarcäriran: Bet-semes, Ajalón, Gederot, Soco, Timna, Gimzo siudäcunata, läduncho caj marcacunatapis. Chay guechushan siudäcunachöna tiyacaycäriran.

Abdías 1:11

Carupita shamoj contrancuna Israelpa ima-aycantapis siudäpita apacuptin, juc-lä nasyun suldärucuna Jerusalenpa puncuncunata paquir-ushaptin, gamcunaga juc-läman witicurirayqui. Guechushancunata raquipänacunanpaj surtita jitaptin, ima-aycantapis apacuptin, chay guechoj runacunanömi gamcunapis rurarayqui.

Amós 1:9

Tayta Diosga caynömi nin: «Tiro siudächo tiyaj runacunaga aypallatanami mana allita rurasha. Paycunapa juchancunaga caycan juc marca intëru runacunata Edom runacunaman uyway cananpaj ranticushanmi. Manami cumliranchu alli goyänanpaj parlashanta. Chaypitami castigänillataga mana cachaycushächu.

1 Samuel 6:17

Babul alli cacuycajta apamushanpita pichga chupu-nirajta goripita rurarcärir Filistea runacunaga Tayta Diosta goycuran Asdod, Gaza, Ascalón, Gat, Ecrón siudäcunapa jutincho.

Joel 3:6

Judá runacunata, Jerusalencho tiyajcunataga fiyupa carumanmi apashcanqui. Chayno aparcurnami uyway cananpaj ranticushcanqui Griego runacunaman.

Ezequiel 35:5

« ‹Gamga imaypis Israelcunapa contranmi cashcanqui. Juchancunapita castïgucho caycaptinmi jananmanraj paycunawan guërrata rurarayqui.

Zacarías 9:5

Chayno caycajta ricashpan Ascalón siudächo tiyajcunaga fiyupa mancharishpan manami ima ruraytapis camäpacongapänachu. Gaza runacunapis fiyupa llaquicur sic-sicyangarämi. Ecrón runacunapis fiyupami llaquiconga. Llaquiconga Tiro runacuna manana yanapänanpaj captinmi. Gaza siudäga rayniynajmi ricacongapaj. Ascalón siudächöga manami runacuna cangapänachu.

Amós 1:3

«Tayta Diosga caynömi nin: «Damasco siudä runacunaga fiyupa aypallatanami mana allita rurasha. Galaad runacunata alläpanami ñacachisha. Imanömi rïguta ëran fyërru ëracunawan, chaynömi rurasha. Chaypitami castigänillataga mana cachaycushächu.

Jeremías 47:1

Gaza siudäman faraón manaraj magaj yaycuptin Tayta Diosga profëtan Jeremiasta Filistea runacunapaj cayno willaparan:

Hechos 8:26

Chaypitaga Tayta Diospa anjilnin chayaycur Felipita niran: «Felipe, cananga Jerusalenpita Gazaman uraj caminupa ayway.» (Chay caminuga chunyajmi.)

Joel 3:4

«Tiro, Sidón, Filistea parti runacuna ¿imatataj gamcuna nogawan munanqui? ¿Ayñita cutichimaytachu munanqui? ¿Imatapis ruramaytachu yarpanqui? Chayno captenga rurashayquimannömi castigashayqui.

Amós 1:7

Gaza siudäpa curral pergancunamanmi ninata sindipaycushaj. Chay ninami rupar ushacurcongapaj palasyuncunatapis.