Abdías 1:6 - Tayta Diosninchi Isquirbichishan

⁶ Gamcunataga ima-aycayquicunatapis ushajpämi guechushunquipaj. Llapan aläjayquicunatami apacongapaj.

Abdías 1:6 Referans Kwoze

Jeremías 49:10

Nogami ichanga Esaú runacunata ima-aycantapis ushajpaj guechushaj. Pacacunantapis ushajpämi alayri cachaycushaj. Mananami mayman pacacunanpäpis canganachu. Wamrancunapis, castancunapis, bisïnuncunapis ushajpämi ushacanga. Manami pipis canganachu

Salmos 139:1

Tayta Dios, gamga imano cashallätapis ricamashcanquimi. Imano cashallätapis musyanquimi.

Daniel 2:22

Paymi maycho pacaraycajtapis musyachicun pipis mana musyashanta. Chacaycho caycajtapis rican. Paypäga llapanpis achicyajmi caycan.

Jeremías 50:37

¡Guërracho cachun carrëtacunata garachasha apananpaj caycaj cawalluncunapis! Juc-lä nasyunpita guellaypaj pillyaj suldäruncunapis warmino ricacuchun. ¡Paycunapa ima-aycantapis apacuchun!

Isaías 45:3

Nogami goycushayquipaj pacaraycaj fiyupa cuestajcunata. Pipis mana tarinan pachacho pacaraycaj riquësacunatami goycushayqui. Chaymi musyanquipaj noga Tayta Dios cashäta, Israelcuna rispitar adurashan Dios gamta jutiquipa gayashäta.

Isaías 13:16

Taytan maman ricapaycaptinmi tacsha wamrancunataga pampaman pagshirgärengapaj. Wasincho caj ima-aycantapis apacongapaj. Warmintapis yaycoj fiyu runacunami charipacongapaj.