Abdías 1:10 - Tayta Diosninchi Isquirbichishan

¹⁰ «Fiyupa pengaypämi ricacunquipaj. Nircurpis para-simrimi illganquipaj. Chaynöga canquipaj castayqui Israelcunata wañuchishayquipitami.

Abdías 1:10 Referans Kwoze

Amós 1:11

Tayta Diosga caynömi nin: «Edom nasyuncho tiyajcunaga aypallatanami mana allita rurasha. Paycunaga famillyan Israelcunatami mana cuyapaypa gaticacharan sablinta aptacarcärir. Fiyupa chiquishpanmi chayno ruraran. Chaypitami castigänillataga mana cachaycushächu.

Ezequiel 35:9

Para-simri chunyaj canayquipämi camacächishaj. Mananami pipis tiyanganachu siudäniquicunacho. Chaura gamcuna musyanquipaj noga Tayta Dios cashäta.

Salmos 89:45

Mösu cashan timpupis manami alliga cawachishcanquichu. Pasaypami pengacachishcanquipis. Selah

Génesis 27:41

Papänin bindisyunta goshan junajpita-pachami Esaüga Jacobta fiyupa chiquipacurcuran. Chaymi Esaú cayno yarparan: «Alläpaga papänë mananami cawanganachu. Papänë wañucuptinnaga wauguë Jacobta wañuycachishämi» nir.

Salmos 137:7

Tayta Dios Edom runacuna nishantaga ama gongaychu. Jerusalén mana alliman chayaptin paycunaga cushicuypita gayarparan: «¡Illgächiy! ¡Illgächiy! ¡Llapan simintuntinta illgächiy!» nir.

Miqueas 7:10

Chaytaga ricangami chiquimajcunapis. Chaura paycunaga fiyupa pengay-tucushami ricaconga. Paycunaga caynömi tapumaran: ‹¿Maychötaj caycan Tayta Diosniqui?› nir. Paycunataga ricashaj nogapita mas piyur ruracasha caycajtami. Paycunaga cangapäpis cällicho caycaj mituta lluchcar-ushashanömi.

Joel 3:19

Egiptoga pasaypa ushacashami quëdangapaj. Edomnami chunyajman ticrangapaj. Chaynöga cangapaj Judá runacunata magashanpitami, mana juchan caycaptin nasyunnincho Judá runacunata wañuchishanpitami.

Ezequiel 7:18

Llapanmi llaquicushpan gachga röpacunata jaticonga. Ajchancunatapis galaypa rutuconga. Intëru cuerpunmi sicsicyanga. Pasaypa pengacuycarmi purengapis.

Lamentaciones 4:21

Uz particho caj Edom nasyun runacuna mä cushicuy ari. Gamcuna cajmanpis castïgu chayamongapämi. Chauraga macharcur garapächulla cashannömi pengaypaj ricacunquipaj.

Jeremías 51:51

Gamcunaga niycanqui: ‹Gayapämaptinchïmi fiyupa pengacunchi. Tayta Diospa rispitädu Templunman juc-lä runacuna yaycushanpitami pengacuywan cäranchïcunatapis chapacusha caycanchi.›

Jeremías 49:13

Noga Tayta Diosmi jutëcho jurä: Bosra siudäga quëdangapaj pengaypaj, chunyaj ragällan, willapapaj, fiyupa llaquipaypaj castigashami. Waquin caj siudänincunapis imaycamapis juchusha ragällanmi caconga.

Jeremías 3:25

Cananga pengacuypita uysurpäshaj. Nogacunaga tacsha cashäpita-pachami mana allillata rurashcä. Nogacunapis, unay caj awilöcunapis gam mana munashayquita rurar juchatami rurashcä. Tayta Dios, gamtaga manami wiyacushcäcunachu.»

Salmos 132:18

Chiquejnincunataga fiyupami pengacachishaj. Raytami ichanga alliman churashaj.»

Salmos 109:29

Chiquimajcunaga llapan pengaycho cachun. Pengayga ushajpaj pitucurcuchun.

Salmos 69:7

Ashllir-ushamaptinpis gam-raycumi awantacushcä. Pengacuyllawanmi cäräpis pucayacäcusharaj.

Génesis 27:11

Chayno niptin Jacobga mamanta niran: «Ichanga wauguë Esaú pasaypa shaprasapami. Nogaga manami paynöchu cä.

Deuteronomio 23:7

«Edom runacunata ichanga ama chiquinquichu. Paycunaga yawar-masiquimi. Egipto runacunatapis ama chiquinquichu. Paycunapa nasyunninchömi tiyarayquipis.

2 Crónicas 28:17

Edom runacunaga Judäman yaycuycur waquinta wañuycachir waquinta prësu apacuran.

Proverbios 10:6

Alli runapäga bindisyun manami pishinchu. Fiyu runacunatami ichanga quiquin rurashallan mana alliman chayachin.

Deuteronomio 23:8

Gamcunacho tiyaj Edom runacunapa, Egipto runacunapa willcancunami ichanga Tayta Diosta adurananpaj shuntacashanman yaycongana.

Proverbios 17:5

Pobricunata manacajman churarga Tayta Diostapis manacajmanmi churaycan. Pipis mana alliman chayaptin cushipäga castigashami canga.

Jeremías 12:14

Tayta Dios caynömi nin: «Israelcunapa bisïnun nasyun runacunaga acrashä runacunatami pirdichisha. Chaypitami paycunataga noga gargushaj. Judá runacunatapis paycunapita gargushämi.

Lamentaciones 4:22

Sión, castïguyqui cumplishanami. Tayta Diosga mananami imaypis jitarishunquipänachu. Edom runacuna, gamcunatami ichanga mana allita rurashayquipita castigashunquipaj. Nircur juchayquicunata pï-maytapis musyachengami.