2 Timoteo 3:11 - Tayta Diosninchi Isquirbichishan

¹¹ Antioquiacho, Iconiucho, Listracho runacuna chiquimar gaticachämashantapis musyanquimi. Imanöshi ñacarä. Tayta Diosninchïmi ichanga llapanpitapis salbamasha.

2 Timoteo 3:11 Referans Kwoze

Salmos 34:19

Allillata ruraj runacunataga imapis mana allicunarämi chayan. Chaycunapitaga llapanpitapis Tayta Diosmi salban.

Hechos 13:45

Achca runacunata ricar Israelcunaga rabyacurcuran. Pablo rimashanta manacajman churar ashlliran.

2 Pedro 2:9

Chaynöpami musyanchi yäracojcunataga Tayta Diosninchi salbashanta. Juchasapacunatami ichanga ñacaycächin. Y fisyu junajpis ñacayman gaycurenga.

2 Timoteo 4:7

Suldärunömi llapanta cumlishcä. Llallinacojnömi chayashcäna. Yäracushätaga manami cachaycushcächu.

Hechos 26:22

Tayta Dios yanapämasha captinmi canancamapis willapaycä tacshatapis jatuntapis Moisés nishannölla, waquin profëtacuna willacushannölla.

Hechos 26:17

Cananga gamta cachashayqui Israel runacunaman, mana Israel runacunamanpis. Maygan mana allita rurashunayquipitapis nogami chapäshayqui.

Hechos 23:10

Masta mastana rimanacuptin comandantiga manchariran «Pablutaga imatapis ruraycunmanchari» nir. Chaymi suldäruncunata gayachimuran Pabluta cuartilman cutichinanpaj.

Hechos 20:19

Mana alli-tucullarmi Tayta Jesucristuta sirbishcä. Ñacashpä wagarpis, Israelcuna chiquimaptinpis Pay munashallantami rurashcä.

Hechos 13:14

Perge marcapita aywar chayaran Pisidiacho caj Antioquía marcaman. Säbadu jamay junaj captin Israelcunapa sinagoganman yaycurcur jamacuran.

Hechos 9:16

Paytami noga musyachishaj noga-raycu fiyupa ñacananpaj cashanta.»

Daniel 6:27

Paymi salbacoj, imapitapis washäcöga. Janaj pachachöpis cay pachachöpis Paymi ruran fiyupa almiraypajcunata. Paymi Danieltapis salbasha liyuncunapa shiminpita.»

Jeremías 1:19

Paycunaga gamwan pillyangapaj. Ichanga manami binsishunquipächu. Nogami chapäshayquipaj. Noga Tayta Diosmi chayno në.»

Isaías 43:2

Mayucunata chimpaptiquipis nogaga gamcunawanmi caycäshäpaj. Mayu yacupis manami apashunquipächu manami shenganquipächu. Nina chaupinpa päsaptiquipis manami rupashunquipächu. Gamcunachöga ninapis manami ratangapächu.

Isaías 41:14

Jacobpita mirar aywaj Israelcuna, curunölla cashpayquipis ama manchacuychu. Nogami yanapäshayqui. Nogami gamcunapa Santo Tayta Diosniqui caycä. Nogami imapitapis jorgoj caycä.

Isaías 41:10

Ama manchacuychu. Nogaga gamcunawanmi caycä. Ama manchacuychu. Nogaga Diosniquimi cä. Nogami yanapar gamcunataga callpata gö. Maquëcho charararmi gamcunataga alli goyächishayqui.

Salmos 91:14

Tayta Diosmi nin: «Cuyamaj runataga nogapis salbashämi. Rejsimaj runataga nogapis pushashaj pipis mana chayananmanmi.

Salmos 37:40

Tayta Diosmi imanöpapis gueshpichin. Tayta Diosman yäracuptinmi fiyucunapitapis salban.

2 Samuel 22:49

Chiquimajcuna fiyupa rabyasha caycaptinpis, mana wiyacojcuna nogapa conträ jatariptinpis Paymi salbaman. ¡Tayta Dios gammi salbamanqui fiyu runacunapita!

2 Samuel 22:1

Davidtaga Tayta Dios salbaran Saúl wañuchinanpaj caycaptin, waquin chiquinacushancunapis wañuchinanpaj caycaptin.

Génesis 48:16

Nogata ima mana allipitapis salbamaj Anjil cay wamracunatapis yanapaycuchun. Paycunacho yarpaycuchun, nogapa jutëta chayno chachä Abrahampa jutintawan papänë Isaacpa jutintapis. Cay wamracunapitaga aypallaman mirachun. Intëru munduchöpis aypallanpa cachun paycuna castaga.»

Hechos 14:8

Listra marcaman chayaptin puriyta mana puydej runa jamaraycaran. Yuriyninpita-pacha mancu car imaypis mana puriranchu.

Romanos 15:31

Tayta Diosninchïta mañacuycuy ari Judea probinsyaman chayaptë Jesucristuman mana yäracoj Israel runacuna mana wañuchimänanpaj. Chaynöpis Tayta Diosta mañacuycuy apashä ofrendata Jerusalencho caj ermänucuna cushisha chasquicunanpaj.

2 Corintios 1:5

Imanömi Jesucristupis ñacaran, chaynömi noganchïpis ñacaycanchi. Chaynöpami juc ñacaycajcunatapis yanapanchi.

2 Corintios 1:7

Nogacunaga musyaycämi fiyupa ñacarpis mana yamacaypa yäracuycashayquita. Nogacunano ñacaptiquipis Tayta Diosninchi shacyächishushpayquimi yanapäshunquipaj.

2 Corintios 12:10

Chaymi mana llaquicöchu gueshyarpis, runacuna ashllimaptinpis, ima pishëmaptinpis, willacushäpita runacuna chiquimaptinpis, Jesucristuman yäracushä-janan imano ñacarpis. Quiquilläpitaga imata ruraytapis mana camäpacurmi tantiyacö Jesucristo munayninwan yanapämashanta.