2 Samuel 6:16 - Tayta Diosninchi Isquirbichishan

¹⁶ Tayta Diospa babulninta Davidpa siudäninman chayachiptin Saulpa wamran Micalga bentänapa watgarcuran. Ray Davidta ricaran cushicur Tayta Diospa babulninpa ñaupancho pinticachaycajta. Chaymi Davidtaga shongullancho jamurparan.

2 Samuel 6:16 Referans Kwoze

1 Corintios 2:14

Espíritu Santuta mana chasquicojcunaga Tayta Diosninchïpa Espíritu Santun yachachishancunata manami chasquinchu. Paycunapäga chaycuna caycan manacajllami. Espíritu Santuwan cajlla tantiyanapaj captinmi paycuna mana tantiyayta atipanchu.

1 Crónicas 15:29

Tayta Diospa babulninta Davidpa siudäninman chayachiptin Saulpa wamran Micalga bentänapa watgaran. Ray Davidtaga ricaran cushisha pinticachaycajta. Chaymi Davidtaga shongullancho fiyupa jamurparan.

Salmos 69:7

Ashllir-ushamaptinpis gam-raycumi awantacushcä. Pengacuyllawanmi cäräpis pucayacäcusharaj.

Hechos 2:13

Waquinnami asipashpan niran: «machashami caycan» nir.

2 Samuel 3:14

Is-bosetmanpis Davidga cachacuran «Warmï Micalta entregamay. Paytaga noga rucarä Filistea runacunapa pachac (100) pengayninpa punta garanwanmi.»

Isaías 53:3

Runacunaga manacajman churaj; fiyupa jamurpaj. Payga fiyupa nanaywanmi ñacasha. Pipis manami ricäriyta munajchu. Manacajmanmi churaranchi. Paytaga manami cäsojchu canchi.

2 Samuel 5:7

Niycaptinmi Davidga Sión siudäta guechuran. Cananga Siontami «Davidpa siudänin» nin.

2 Samuel 6:15

Davidpis, llapan Israelcunapis Tayta Diospa babulninta aparcaycaran fiyupa cushicuypita gaparpar, trompëtacunatapis tucashpan.

2 Samuel 6:20

Davidpis wasinman cutiran famillyancunata bindisyunta gonanpaj. Saulpa wamran Micalga tariparcur runan Davidta ashlliran: «Uyway warmicunapa ñaupancho galaypa-galar pinticachar ¿allichi ray rurasha?» nir.

1 Samuel 18:17

Saúl quiquin mana wañuchiyta munar «Filistea runacuna wañuchichun» nir yarparan. Chaymi juc junajcho Davidta Saúl niran: «Mayur caj wamrä Merabwan majachacay. Ichanga Tayta Diospa faburnin pillyay. Jinyu cay.»

1 Samuel 18:20

Saulpa jucaj wamran Micalna Davidta fiyupa munaparan. Munanacushanta willaycuptin Saúl cushicuran.

Salmos 123:3

Nogacunata cuyapaycamay ari Tayta Dios. Cuyapaycamay ari. Manami awantänachu gayapämashanta.