2 Samuel 24:17 - Tayta Diosninchi Isquirbichishan

¹⁷ Wañuchicoj anjilta ricaycurmi Tayta Diosta David niran: «¡Nogami juchataga rurashcä! Runacunaga imatapis rurashatächu. ¡Castïguga nogata, famillyäcunata chayamächun ari!»

2 Samuel 24:17 Referans Kwoze

Salmos 74:1

Tayta Dios, ¿imanirtaj para-simriga nogacunata jitarimashcanqui? Nogacuna acrashayqui uyshayquino caycaptëga ¿imanirtaj fiyupa rabyacurcushcanqui?

2 Samuel 24:10

Llapan runata sinsuraycachir Davidga «juchatami rurashcä» niran. Chaymi Tayta Diosta mañacur niran: «Fiyupa juchatami rurashcä sinsucherga. Cananga perdunaycallämay ari Tayta Dios. Nogaga upa runanömi rurashcä.»

Job 42:6

Chaypitami cananga fiyupa pengacö. Chaymi arpinticö allpacho, uchpacho jamacushpä.»

Zacarías 13:7

Munayniyoj Tayta Diosga caynömi nin: «Sabli, uyshëröpawan yanapämajnëpa contran ricacuy. Uyshëruta wañuycachiy. Chaura uyshacunaga machiypa-machirmi aywaconga. Noganami uysha-mallwäcunapa contran ricacushaj.

Isaías 6:5

Chaymi nogaga gapachacur nirä: «¡Ay, cananga wañushächari! Nogaga juchayoj runa caycashpämi, juchasapa runacunawan tiyaycashpämi caway-ñawëpa ricashcä munayniyoj Tayta Diosta. Rayninchi Tayta Diostami ricashcä» nir.

Salmos 44:11

Nogacunataga gastupaj caj uyshano canäpänami cachaycamashcanqui. Machiypa machir gargaramashcanqui mana rispitashoj runacunaman.

Job 7:20

Juchata rurashpäga ¿ima mana allitataj ruraycä gam Tayta Dios runacunata cuydajpäga? ¿Imanirtaj lëchayquiwan apuntaraycämanqui? Manami ‹cayta wacta rurapämay› nëchu.

1 Reyes 22:17

Chaura Micaiasga niran: «Llapan Israelcunatami ricashcä intëru jircacho mashtacasha caycajta, uyshëruynaj uyshacunatano. Tayta Diosga nisha: ‹Paycunaga duyñuynajmi. Paycunaga cada ünun allilla cuticuchun wasinman-cama.› »

Génesis 44:33

Chaymi gamta ruwä tayta. Shullcäpa ruquin uywayniquega noga quëdashaj ari. Payga papänë cajman cuticuchun waquin caj wauguëwan.

Génesis 18:23

Ñaupanman witiycushpan Abrahamga niran: «Juchayojcunataga ¿juchaynajcunatawan iwalchuraj usharinquiman?

2 Samuel 7:8

«Chaymi sirbimajnë Davidta ninqui ima-aycapäpis munayniyoj Tayta Dios cayno nishäta: ‹Gamtaga nogami jorgushcä jircacho uyshata michiycajta. Nircurmi churashcä acrashä Israelcunapa raynin canayquipaj.

Jonás 1:12

Chaura Jonás niran: «Lamarman jitarpamay. Chaura lamar yacu pullchajyaynenga chawangami. Nogaga musyämi juchayoj cashäta. Chaymi Tayta Diosga wayratapis wayraycächimun.»

Éxodo 10:16

Chaymi faraonga Aarontawan Moisesta jinan öra gayaycachir niran: «Nogaga Tayta Diosniquipa contranmi, gamcunapa contrayquimi llutanta rurashcä.

Números 16:22

Chaura paycunaga gongurpacur urcunpis pampaman töpananyaj cumurcur niran: «Ay Tayta Dios, gammi llapan runatapis cawayta gonqui. ¿Juc runalla juchata rurashanpitachuraj llapan runacunapaj rabyacurcunqui?»

2 Samuel 12:13

Chaura Davidga jucha rurashanta tantiyacur Natanta niran: «Tayta Diospa contranmi juchata rurashcä.» Natán niran: «Gamtaga manami juchayquipita Tayta Dios castigashunquipächu. Manami wañunquipäpischu.

Salmos 32:5

Chaymi sumaj yarpachacurir «Juchätaga llapanta Tayta Diosta willapäshaj» nishcä. Nircurna mana alli rurashäcunataga mana pacaypa gamta willashcä Tayta Dios. Chauraga gamnami llapanta perdunamashcanqui. Selah

Salmos 78:71

Paytaga uyshata gatisha puriycajta jorgurcurmi churaran acrashan Israelcunata ricananpaj.