2 Samuel 2:18 - Tayta Diosninchi Isquirbichishan

¹⁸ Davidpa cajcho carcaycaran Sarviapa quimsan wamrancuna Joab, Abisai, Asael. Asaelga fiyupa cörrej lluychu jäcoj jircapa cörrejnöraj.

2 Samuel 2:18 Referans Kwoze

1 Crónicas 12:8

Gad famillyacunapis waquenga Davidman aywacuran chunyaj pacacunacho caycaptin. Chaycuna caran jinyu pillyay yachacasha suldärucuna. Chapacuna escüdunwan, tucsicuna lansanwan-cama caycaran. Liyuncunanöraj ollgoj caranpis. Jircacunapapis lluychunöraj cörriycoj.

Habacuc 3:19

Nogataga Tayta Diosmi imapitapis chapäman. Paymi camacächin chaquë lluychupa chaquinno cörrinanpaj. Nircurpis altu jircacunaman pushaman. Cay mañacushan caycan cuerdayoj instrumentucunata tucar cantananpämi.

Cantares 8:14

Cuyaynë, cörrimuy ari. Lluychuno cörrimuy. Lluychupa wawannöraj alli asyaycaj jircacuna jananpapis cörrimuy ari.

Cantares 2:17

Manaräpis pacha waraptin, manaraj llantuy illgashancama juclla cuticallämuy ari. Lluychu-mallwa chunyaj puntacunaman cutishanno juclla cuticallämuy ari.

Salmos 18:33

Paymi chaquïtapis bïbuyächin lluychupatanöraj. Paymi altu jircacunachöpis mana manchacuypa goyächiman.

Amós 2:14

May-jina cörrishpayquicunapis manami gueshpinquipächu. Fiyupa callpayoj captiquipis manami callpayqui canganachu. Ni jinyunnin cajpis manami salbacongapänachu.

Eclesiastés 9:11

Chayno juctapis cay pachachöga ricashcämi. Llallinacuychöpis manami mas cörrej cajchu llallin. Pillyachöpis manami jinyu cajchu binsin. Micunanpaj micuytapis manami yachajcunallachu charan. Manami yarpaysapacunallachu rïcupis. Manami yachajcunatapis alli jamachinchu. Pitapis öraga allimi llojshipan; öraga mana allimi llojshipan.

1 Crónicas 11:26

Jinyucunaga caran: Joabpa wauguin Asael, Belén runa Dodupa wamran Elhanán,

2 Samuel 1:23

«Saultawan Jonatantaga runacuna amatarmi cuyaran. Paycunaga manami raquicashachu cawarpis ni wañurpis. ¡Ancacunapitapis masmi cörrej! ¡Liyuncunapitapis mas sinchimi caj!

1 Samuel 26:6

Chaura Davidga parlaran Het runa Ahimelecwan, Sarviapa wamran Joabpa wauguin Abisaiwanpis. Paycunata tapuran: «¿Pitaj yan'gämayta munan Saúl caycashan cajcama?» nir. «Noga aywäshishayqui» niran Abisaiga.

2 Samuel 2:19

Paymi Abnerta mana cachaypa gaticurcur aywaran.

2 Samuel 22:34

Paymi chaquëtapis apurä japachin lluychupatanöraj. Paymi altu jircacunachöpis mana manchacuypa cachiman.

2 Samuel 23:24

Quimsa chunca (30) jinyucunaga caran: Joabpa wauguin Asael, Belén runa Dodupa wamran Elhanán,

1 Reyes 2:5

«Gamga musyanquimi Sarviapa wamran Joab imano ruramashantapis. Nerpa wamran Abnertawan, Jeterpa wamran Amasata wañuchiran. Paycunaga caran Israelcunapa mandajninmi. Wañuchiran pillya gasacasha caycaptin, wañuchinacushanta yarpärir. Paycunata wañuchishantami runacunaga nogata tumpaman.

2 Samuel 14:1

Wamran Absalonpaj David fiyupa llaquicurpis cutichimuyta mana munashantami Sarviapa wamran Joab tantiyaran.

1 Crónicas 12:9

Rimir-punta paycunachöga caran Ezer, guepanman Obadías, guepanman Eliab,

1 Crónicas 27:7

Chuscu quilla cajcho arunanpaj raquishan runacunapa mandajnin caran Joabpa wauguin Asael. Paypa ruquin mandaran wamran Zebadías. Pay mandaycaran ishcay chunca chuscun waranga (24,000) runacunata.