2 Samuel 19:7 - Tayta Diosninchi Isquirbichishan

⁷ Tayta, cananga llojshircur shacyächiy gatiräshojcunata. Man'chäga wara tutapaj manami ni jucnayllapis warämongapächu gamta gatiräshojcuna. Tayta Diospa jutinchömi jurä. Chaura gampäga cangapaj mas piyur llaquicuymi mösu cashayquipita-pacha canancama manaraj imaypis cashanno.»

2 Samuel 19:7 Referans Kwoze

Proverbios 14:28

Aypallata ray mandaptenga llapanpis allimi rican. Wallcallata ray mandaptenga manacajman churashami canga.

Génesis 34:3

Chaypitami Shequemga Dinata fiyupa cuyacurcuran. Chaymi payta Dina cuyananpaj alli parlapar ruwaran.

Oseas 2:14

«Chaypitarämi, nogaga yapay cuyacurcushaj. Chunyajman pushaycurmi alli shimëpa parlapäshaj yapay cuyacarcamänanpaj.

Isaías 40:1

Tayta Diosninchïmi nin: «Acrashä Jerusalén runacunataga shogaycuy shogaycullay ari.

Proverbios 19:15

Guellaga guellanaywanmi puñuyllacho cacun. Chaymi guella runaga imaypis yargayllacho canga.

2 Samuel 19:6

Cananmi ichanga musyäna mandaj suldäruyquicuna, capitanniquicuna imapäpis mana bälishäta. Chiquishoj cajtami cuyanqui. Cuyashoj cajtaga chiquinquimi. Cananga nogapis tantiyacushcä tayta. Gampäga mas allimi canman canan öra Absalón cawaycaptin, nogacuna llapanë wañusha captëpis.