2 Samuel 16:23 - Tayta Diosninchi Isquirbichishan

²³ Chay wichan Ahitofel willapashantaga Tayta Dios nishanta-yupaymi wiyacoj. Davidpis Absalonpis wiyacoj.

2 Samuel 16:23 Referans Kwoze

2 Samuel 15:12

Absalonga gayachiran Davidpa willapajnin Ahitofeltapis. Payga caran Gilo siudäpita. Gayachiran Tayta Diosta rispitar uywata pishtaptin yan'gänanpaj. Absalón rayta guechuyta yarpashanga rasunpaycaranna. Absalonpa faburnin cäga masna yapacarcaycaran.

2 Samuel 17:23

Ahitofelga yarpashan mana camacaptin bürrunta sillacurcur yurishan marcanman aywacuran. Incargacurir quiquin maticuriran. Chaynöpami wañuran. Papänin pampacushallanman pampaycäriran.

2 Samuel 17:14

Husai yarpashanga mas alli caran Ahitofel yarpashanpitaga. Chaymi Absalonpis llapan Israelcunapis alli chasquiran. (Ahitofel yarpashantaga Tayta Diosmi pirdichiran Absalón wañunanpaj.)

1 Pedro 4:11

¿Alli willacuyta willacunayquipächu yachayta goshurayqui? Chauraga Tayta Dios nishancunata willacuy. ¿Juccunata yanapänayquipächu yachayta goshurayqui? Chauraga Tayta Dios yanapäshushayquiman-tupu yanapay. Chaynöpami runacuna Jesucristuta chasquicur Tayta Diosninchïta cushisha alabanga. Payga imaycamapis munayniyojmi caycan. Y imaycamapis alabasha caycullächun. Amén.

Romanos 1:22

Paycunaga «yachajmi cä» nirpis imata rurashantapis manami musyanchu.

Lucas 16:8

«Chayno capural rurashanta musyaycur patronga alabar niran: ‹Chay runaga mana allita rurarpis sumaj yarpaysapami quiquin allicho cananpäga› nir. «Tayta Diosman mana yäracojcunaga yachanmi quiquin alli cawananpaj runa-masinwan amistä rurayta. Tayta Diosman yäracojcunapitaga masmi quiquinpaj imatapis ashiyta yachan.

Mateo 11:25

Chay öra Tayta Diosta alabar Jesús niran: «Syëluchöpis cay pachachöpis munayniyoj caycaj papä, gamta alabä yarpaycashayquita yachaj-tucojcunata mana musyachishayquipitami. Chaypa ruquenga wamrano cajcunallatami tantiyachishcanqui.

Jeremías 8:9

Chaypitami chay musyaj-yachajcunaga pengaycho cangapaj. Trampaman yaycusha animalnöpis mancharenga. Noga nishätaga manacajmanmi churasha. Chauraga ¿imanöpataj yachaj canga?

Jeremías 4:22

Chaura Tayta Dios niran: «Acrashä runacunaga upa, mana tantiyacojmi. Manami rejsimanchu. Mana tantiyacoj yarpayniynaj wamräcunami. Allita ruraytaga manami yachanchu. Mana allita ruraytami ichanga fiyupa yachan.»

Eclesiastés 10:1

Wañusha chinrasllapis asyarerga alli perfümita pirdichinmi. Chaynömi mana tantiyajpis yachaj rurashanta pirdichin. Rispitasha caycajtapis manacajman churan.

Salmos 28:2

Mañacamuptë yanapaycamay ari. Rispitädu tiyanayquiman maquëta jogarir mañacamuptë wiyaycamay ari.

Salmos 19:7

Tayta Diospa mandamintonga llapanpis allillami. Alli cawaytami tarichimanchi. Tayta Dios nishanga llapanpis cumlicanmi. Umildicunataga llapantami tantiyachimanchi.

Job 28:28

Nircur runacunata Tayta Dios niran: ‹Yachaj runaga Nogallatami rispitaman. Mana allita rurananpitaga manchapacuypami cawan.› »

Job 5:12

Sabïdu runacuna yarpashancunatapis Tayta Diosmi mana camacächinchu.

1 Samuel 30:8

Tayta Diosta tapucuran: «¿Suwacunata allipächu gatishaj? ¿Gatir taripashächu?» nir. Chaura Tayta Dios niran: «Ayway guepanta. Taripaycur prësu apashancunatapis cutichimunquipämi» nir.

Números 27:21

Josuëga tapucamayta munar aywanga cüra Eleazarman. Eleazarnami Josuëpa jutincho tapucamanga Urim rumiwan. Chaura imano rurananpäpis Josuënami Israelcunata mandanga.»

2 Samuel 15:31

«Ahitofelmi Absalonpa shimita gojnin» nejta mayar Davidga Tayta Diosta mañacuran Ahitofel yarpashan mana camacänanpaj.

2 Samuel 17:1

Chaypita Absalonta Ahitofel niran: «Noga acrashaj chunca ishcay waranga (12,000) runacunata mas allinllanta. Canan chacay Davidta gatir aywashaj.