2 Samuel 16:16 - Tayta Diosninchi Isquirbichishan

¹⁶ Davidpa amïgun Arac runa Husainami Absalonta tariparan «¡Rayga alli cawachun, rayga alli cawachun!» nir.

2 Samuel 16:16 Referans Kwoze

2 Reyes 11:12

Chaura Joiadaga jorgamuran raypa wamranta. Nircur ray cananpaj churar corönata jatiparan, mandamintucunata entregaran, alli asyaj asëtita wiñaparan. Chaypitaga cushicur llapan macshushpan «¡Rayninchëga alli cawachun!» niran.

1 Samuel 10:24

Samuelnami runacunata niran: «Cananga ricashcanquinami-llapa rayniquipaj Tayta Dios acrashanta. ¡Manami pipis paymanga tincunchu!» Chaura llapan Israelcuna nipäcuran: «¡Bïba rayninchi!»

1 Reyes 1:25

Cananga pishtachisha törucunata, besëracunata, aypalla uyshata. Gayachisha wamrayquicunata, mandaj suldärucunata, Abiatar cürata. Llapan gayachishancunami micur upur ‹¡Adoniasmi ray!› nircaycan.

Mateo 21:9

Jesuspa guepanta ñaupanta aywajcunapis cushicuywan gaparpar niran: «¡Ray Davidpita miraj Cristo, alabasha caycullächun! ¡Tayta Diospita shamoj runaga alabasha caycullächun! Alabayculläshun syëlucho caycaj Tayta Diosninchïta.»

Daniel 6:21

Chaura uchcu ruripita Danielga nimuran: «¡Imaycamapis caway tayta ray!

Daniel 6:6

Chayno parlacarcärirmi mandajcunawan prefectucunaga aywaran ray Dariowan parlaj. Raypa ñaupanman chayaycärir niran: «¡Imaycamapis caway tayta ray!

Daniel 5:10

Chaura ray gaparajta wiyar, fistaman gayachimushan mandajcunatapis gaparaycajta wiyar raypa mamanga yaycuriycuran goturpaycashan jatun cuartuman. Nircur niran: «¡Tayta gamga imaycamapis caway! Ama manchariychu. ¿Imanirtaj pasaypa yur'gacäcushcanqui?

Daniel 2:4

Chayno niptin yachaj Caldea runacunaga arameo rimaycho rayta niran: «¡Imaycamapis caway tayta! Imano suyñushayquitapis nogacunata willapämay ari. Nogacunanami willashayqui suyñushayqui imapaj cashantapis.»

1 Reyes 1:34

Cüra Sadocwan profëta Natán Israelcunapa raynin cananpaj Salomonta asëtita wiñaparcuptin gamcuna uyshapa wagranta tucanqui. Sinchipa gaparpanqui ‹¡Salomonmi rayga!› nir.

2 Samuel 15:37

Chaypita Davidpa amïgun Husaiga chayaran Jerusalenman Absalón yaycuycashan öra.

2 Samuel 15:34

Jerusalenman cutirmi ichanga Ahitofel yarpashancunata pirdichiyta yanapämanqui. Absalonta ninqui: ‹Tayta mandaj canan nogaga munayniquichömi cashaj, ñaupata papäniquita sirbishäno›.

2 Samuel 15:32

Tayta Diosta adurana jircaman David chayaycuptin tariparan Arac runa Husai röpanpis rachir-ushasha, umanpis pasaypa allpalla.

1 Reyes 4:5

Prefectucunapa mandajnin caran Natanpa wamran Azarías. Rayta tantiyachej caran Natán cürapa wamran Zabud. Paywanga amïgumi caran ray.