2 Samuel 15:12 - Tayta Diosninchi Isquirbichishan

¹² Absalonga gayachiran Davidpa willapajnin Ahitofeltapis. Payga caran Gilo siudäpita. Gayachiran Tayta Diosta rispitar uywata pishtaptin yan'gänanpaj. Absalón rayta guechuyta yarpashanga rasunpaycaranna. Absalonpa faburnin cäga masna yapacarcaycaran.

2 Samuel 15:12 Referans Kwoze

Salmos 41:9

Fiyupa cuyanacushä, yäracushä runa, iwal micushäpis cananga conträmi ricacusha.

2 Samuel 15:31

«Ahitofelmi Absalonpa shimita gojnin» nejta mayar Davidga Tayta Diosta mañacuran Ahitofel yarpashan mana camacänanpaj.

Josué 15:51

Gosén, Holón, Gilo. Chay chunca juc (11) siudäcuna caran marcancunawan-camami.

2 Samuel 17:23

Ahitofelga yarpashan mana camacaptin bürrunta sillacurcur yurishan marcanman aywacuran. Incargacurir quiquin maticuriran. Chaynöpami wañuran. Papänin pampacushallanman pampaycäriran.

2 Samuel 17:14

Husai yarpashanga mas alli caran Ahitofel yarpashanpitaga. Chaymi Absalonpis llapan Israelcunapis alli chasquiran. (Ahitofel yarpashantaga Tayta Diosmi pirdichiran Absalón wañunanpaj.)

Tito 1:16

Llutan yachachicojcuna «Tayta Dios munashannömi goyä» niptinpis llutancunata rurar goyashanta ricarmi runacuna tantiyacun Diosninchïta mana wiyacushanta. Paycunaga Diosninchïta mana wiyacurmi runa-masinta chiquir imatapis alli cajtaga mana ruranchu.

Juan 13:18

«Caynöga niycä manami llapayquipächu. Noga musyaycämi pï-pïlla acrashä caycashantapis. Jucniquipäga Tayta Diospa palabran cumlinanpämi nin: ‹Iwal micur goyashämi conträ ricacusha› nir.

Proverbios 21:27

Tayta Diosga melanäcunmi fiyu runacuna garashan sacrifisyuta. Mas piyur-rämi melanäcunpis yanapänan cashalla sacrifisyuta apapaptenga.

1 Crónicas 27:33

Ahitofelpis caran rayta willapar tantiyachej. Arac runa Husaiga raywan alli car cuyanacoj.

1 Reyes 21:12

Shuntacaycärir ayunar goyaran. Nabot-tana llapan runacunapa ñaupanman jamachiran.

1 Reyes 21:9

Chay papilchöga cayno isquirbiraycaran: «Shuntacaycärir llapayqui ayunay. Llapan runacunapa ñaupanman churanqui Nabot-taga.

Números 23:30

Balaam chayno niptin Balacga llapanta ruraran. Nircorga cada altarcho rupachiran juc töru aychata, juc uysha aychata.

Números 23:14

Chaymi Balaamtaga Balac pusharan Pisga puntacho caycaj Zofim partiman. Chaychöna ganchis altarta rurarcur cada altarcho rupachiran juc wäca aychata, juc uysha aychata.

Números 23:1

Chaura Balaamga niran: «Caycho rurachipämay ganchis altarta chaycho ganchis wäcata, ganchis uyshata Tayta Diospaj rupachinäpaj.»

2 Samuel 16:15

Chaycama Absalonga llapan Israelcunawan Ahitofelwan Jerusalenman chayaran.

2 Samuel 23:34

Maaca runa Ahasbaipa wamran Elifelet, Gilo runa Ahitofelpa wamran Eliam,

Salmos 41:10

Gam ichanga Tayta Dios cuyapaycamay ari. Jitaraycashäpita jatarcachimay ayñita cutichinäpaj.

Proverbios 15:8

Fiyu runacunapataga imata goptinpis Tayta Dios manami chasquinchu. Quiquin Tayta Dios munashanno cawajcuna mañacuptinmi ichanga cushicun.

Jeremías 6:20

Juc-lä nasyuncho caj alli asyaj jachacunatapis, Sabäpita insinsutapis ¿imapätaj apapämanqui? Nogaga melanäcömi uywacunata pishtar rupachishayquitapis. Ofrendacunata apamushayquitapis manami munächu.