2 Corintios 9:7 - Tayta Diosninchi Isquirbichishan

⁷ Gamcunapis ofrendata gonqui shonguyqui munashannölla. Mana munaycarga ofrendata ama gonquichu. Tayta Diosninchëga cuyan cushisha alli shongunwan goycojtami.

2 Corintios 9:7 Referans Kwoze

2 Corintios 8:12

Pipis llapan shongunpa goycoj cajtaga Tayta Dios chasquinmi puydishanpita aycallatapis churaptin. Mana charaj cajtaga Tayta Diosninchi manami «churay» nimanchïchu.

Hechos 20:35

Chayno cawarmi yachachishcä nogano arunayquipaj; pishëpacojcunatapis yanapänayquipaj. Tayta Jesuspis yachachimashcanchi ‹Chasquir cushicunanchïpitaga pitapis tarichiymi mas cushicuypäga› nir.»

1 Crónicas 29:17

Nogaga musyaycämi imano runa yarpaycashantapis gam musyaycashayquita. Allita ruraptin gamga cushicunquimi. Chaymi allita rurayta yarpar caycunataga gampaj goycushcä. Cananga ricashcä acrashayqui Israel runacuna cayman shuntacaycur gampaj goycushanta. Chayta ricarmi fiyupa cushicö.

Éxodo 25:2

«Israelcunata willay nogapaj ofrendata apamunanpaj. Ofrendata churayta munaj cäga llapan shongunpa churachun.

Proverbios 11:25

Millgaycoj macyaycoj cajcunaga cushishami goyanga. Pitapis goycorga quiquinpis allitami chasquin.

Proverbios 22:9

Cuyapäcoj runaga bindisyuntami chasquenga pobricunata tarichishanpita, millgashanpita.

Romanos 12:8

Shacyächinayquipaj churasha carga pitapis shacyächiy. Pitapis imallatapis gorga alli shonguyquiwan goycuy. Mandanayquipaj churasha carga alli manday. Cuyapäcoj canayquipaj churasha carga cushisha pitapis yanapay.

1 Pedro 4:9

Pipis wasiquiman chayamojtaga cushisha jamachiy. Nircorga washanta ama rimaychu.

Éxodo 35:5

Tayta Diospaj ofrendata goycärinayquipaj gamcuna shuntanqui. Shonguyqui shacyashanpita Tayta Diospaj ofrendata churayta munaj cäga gamcuna apamunqui: gorita, guellayta, runsita,

Isaías 32:8

Alli runami ichanga allillata ruran. Chaymi paytaga pipis rispitan.

Deuteronomio 15:14

Chaypa ruquenga Tayta Dios bindisyunta goshushayquipita uywatapis janchaparcunqui; micuytapis bïnutapis raquipaycunqui.

Santiago 5:9

Ermänucuna, Jesucristo cutimur runacunata jusgananpaj caycaptenga ama jamurpänacuychu. Jamurpänacuptiquega pay jusgashunquipämi.

Isaías 32:5

Fiyu runataga manami «alli runa» nenganachu. Engañacojcunatapis manami «rispitädu runa» nenganachu.

1 Crónicas 29:9

Llapan runacuna fiyupami cushicuran quiquincunapa buluntäninpita Tayta Diospa Templun ruracänanpaj goycärir. Quiquin ray Davidpis fiyupami cushicuran.

Filemón 1:14

Ichanga manami goyächicömanchu noga munashäno, chaypa ruquenga quiquiquirämi uywayniquitaga yanapämänanpaj u mana yanapämänanpäpis ninquiman.