2 Corintios 7:5 - Tayta Diosninchi Isquirbichishan

⁵ Macedoniaman chayashäpita-pacha manami jamaytapis tarishcächu. Chaypa ruquenga fiyupami ñacashcä. Runacuna conträ jatariptinmi llaquicushcä. Shongöpawan gamcunapaj fiyupami yarpachacushcä.

2 Corintios 7:5 Referans Kwoze

2 Corintios 2:13

Chaypis Tituta mana tarirmi llaquicushcä. Chaymi paycunapita dispidicurir Macedoniaman aywacurä.

Deuteronomio 32:25

Wamrancunatapis cällicunachömi tucsirgärenga. Wasincunachöpis fiyupa manchariymi canga. Wañongapämi mösupis jipashpis, auquinpis, itipis.

Hechos 20:1

Runacuna gaparpashan chawarcuptin llapan ermänucunata shuntaycur Pablo shacyächiran. Chaypitaga dispidicurir Macedoniamanna aywacuran.

1 Tesalonicenses 3:5

Chaymi noga gamcunapaj pasaypa yarparar Jesucristuman imano yäracuycashayquitapis musyanäpaj Timoteota cachamurä. Fiyupami llaquicurä «Satanasga capaschari imatapis chapata churapaycan manana yäracunanpaj. Chayno captenga llapan willapashäcunapis manacajllapächari canga» nir.

Gálatas 4:11

Chaymi llaquicuycä. ¿Manacajllapächuraj Jesucristupa willacuyninta gamcunata yachachishcä?

2 Corintios 2:9

Ñaupata gamcunapaj maynami cartacamurä chay runata arriglanayquipaj. Chaymi musyayta munarä wiyacamänayquipaj cashanta o mana wiyacamänayquipaj cashantapis.

2 Corintios 2:3

Chaymi shamunäpa ruquenga cartallata apachimurä. Nogaga manami munashcächu shamuptë llaquicachimänayquita. Chaypa ruquenga shamuptë llapanchïpis cushicunanchïtami munashcä.

1 Corintios 16:5

Gamcuna cajman shamur Macedonia probinsyaparämi tumamushaj. Chaypitarämi gamcuna cajman chayamushaj.

1 Corintios 15:31

Willacur puriptëmi waran-waran maypa aywaptëpis wañuchiyta munaman. Chayga rasunpami Tayta Jesucristuta gamcuna chasquicushayquipita cushicushäno caycan.

Jeremías 45:3

‹Gamga niycanqui: «¡Cuyapaypämi cä! ¡Tayta Diosga manami imatapis alli cajtaga tarichimanchu. Fiyupa llaquicuycaptëpis mastaraj ñacaycächiman! Nogaga wagar ñacashpä yamacashanami caycä. Manami jamaytapis tarishcächu» nir.

Jeremías 20:10

Runacunaga manacajman churamarmi shap-shapyayllapa rimar «¡Intërupami fiyupa manchariypaj caycan!» nin. Chaynöpis ninacun: «Llapanchi shuntacäshun calumyanapaj» nir. Amïgöcunapis munarcaycan imanöllapapis mana alliman chayanätami. Paycuna nin: «Imanöllaparaj riguichir rimaycachishwan. Chauraga binsishunmi, ayñita cutichishunmi» nir.

Jeremías 8:18

Llaquicuynëpäga manami ima jampipis canchu. Llaquicuyllawanmi shongöpis ushaycan.

Jeremías 6:25

Jircapaga ama llojshiynachu. Nänicunapapis ama puriychu. Contranchïcunaga wañuchicunanwanmi caycan. Intërupami pasaypa manchariypaj caycan.

Isaías 33:12

Juc-lä nasyun runacunaga rupar uchpayajnömi ushacangapaj. Cashata muturcur sindipaycusha nina ratarir ushacurcushannömi illgangapaj.»

Job 18:11

Wacpita caypitami mancharachin. Imay örapis mancharishami gueshpin.

Génesis 8:9

Ichanga paluma cutimuran büquiman maychöpis chaqui allpata ratananpaj mana tarir. Yacuga jinallaraj allpata ñitiraycaran. Noëga maquinta bentänapa macyarcur palumata büquiman cutichimuran.

Romanos 15:26

Macedonia probinsyacho y Acaya probinsyacho ermänucunami chay ofrendata shuntasha Jerusalencho caycaj muchupacaj ermänucunata yanapänanpaj.