1 Timoteo 5:6 - Tayta Diosninchi Isquirbichishan

⁶ Quiquin munashallanta ruraj biyüdacunami ichanga mana cawanchu Tayta Dios munashannöga. Tayta Diosman mana yarparmi wañusha-japuyna caycan.

1 Timoteo 5:6 Referans Kwoze

Santiago 5:5

Cay pachachöga gustullayquitami, munashallayquitami rurashcanqui. Pishtananpaj werayächisha uywanömi caycanqui. Örayqui chayaycämunnami.

Apocalipsis 18:7

Payga ima-aycayojpis car fiyupa alli-tucushpanmi cawaran. Chayno alli goyashanpita cananga payta ñacachiy, llaquicachiy. Payga shonguncho caynömi nej: ‹Nogaga raynanömi caycä. Manami biyüdachu cä. Manami imaypis ñacashächu› nir.

Apocalipsis 3:1

«Sardis marcacho caycaj ermänucunata ricaj anjilpaj cay nishäcunata isquirbiy: Nogami Tayta Diospa ganchis espirituncunata chararaycä. Nogami maquëcho ganchis goyllarcunatapis chararaycä. «Nogaga ricaycämi llapan rurashayquicunata. Tayta Dios munashanno cawaycashayquita runacuna yarpaptinpis gamcunaga wañushanömi caycanqui.

Lucas 15:24

Cay wamräga wañushanpita cawarimushanömi caycan. Illgasha cashanpitami yurimusha› nir. Chayno nishpanshi cushicur fista rurayta gallaycäriran.

Lucas 15:32

Imano captinpis shullcayqui yurimuyninta cushicur fistata ruranä camacashami. Payga wañushanpita cawarimushannömi caycan. Illgashanpitami yurimusha› nir.»

Efesios 5:14

Chaymi llutan rurajcuna tantiyacunanpaj rimaypis cayno nin: «Puñuycajcuna ricchay. Wañushacuna caycashanpita jatarimuy. Jesucristunami achquipäshunquipaj.»

Efesios 2:1

Unayga gamcuna juchata rurar wañushanömi caycarayqui.

Lucas 15:13

«Chaypita manapis aycällatanashi shullca cäga erensya chasquishanta ranticuycuran. Nircur chay guellaywan caru juc-lä nasyunman aywacuran. Chaychönashi munashanta rurashpan llapan guellayninta manacajcunacho usharan.

Mateo 8:22

Chaura Jesús niran: «Wañojcunataga wañoj-masincuna pampangami. Gamwanga aywashun.»

Colosenses 2:13

Ñaupataga jucha rurayllacho cawarmi wañushano caycarayqui. Chaypis Jesucristu-raycumi Tayta Diosninchi perdunasha-cashunqui. Chaymi Jesucristuta cawarachimushanno gamcunatapis mushoj cawaytana gosha-cashunqui.

Efesios 2:5

Chaymi Jesucristuta cawarachimuyninpa jucha rurayllanchïcho wañushano caycajta cawarishamannöna ticrachimashcanchi. (Tayta Diosninchëga cuyapäcoj cayninpami salbashurayqui.)

Lucas 12:19

Nircorga quiquë nicushaj: Cananga charä aypallatami ima-aycatapis achca watapaj. Cananga micushaj, upushaj, jamashaj, munashäta rurar cushicur goyäshaj› nir.

Lucas 7:25

Chaycunata ricaj mana aywashpayquega ¿ima ricajtaj aywarayqui? ¿Alli röpasha caycaj runata ricajchu aywarayqui? Gamcuna musyashayquinöpis alli röpan jatishata, pasaypa allicho goyaj rïcucunataga ricanqui ray tiyashan palasyucunallachömi.

Lamentaciones 4:5

Ñaupata achca micuyniyoj cajcuna cananga yargaypita cällicunacho wañurcaycan. Alli wasicho wiñajcuna cananga ganracuna goturaycashanchömi tiyarcaycan.

Jeremías 6:2

Cuyayllapaj Jerusalén siudäta illgächinäpänami caycä.

Isaías 47:1

Tayta Diosmi cayno nin: «Caldeacho caycaj Babilonia jipash allicho jamaraycashayquipita llojshiy. Allpamanna jamacuy. Japalla jipash sillunniquipita jatariy. Pampamanna jamacuy. Mananami pipis ‹pishi töpay cuyayllapaj jipash› nishunquipänachu.

Isaías 22:13

Chaypis gamcunaga munashayquicunata rurar cushicullarmi carcaycanqui. Wäcacunata, uyshacunata pishtar, aychata micur, bïnuta upullarmi carcaycanqui. Gamcunaga nircaycanqui: «Cawashanchïyaj micucushun, upucushun; waranachari wañucushunpis» nir.

Proverbios 29:21

Tacsha cashanpita-pacha uywayniquita munashanno goyäcunanpaj cachaycusha captiquega jatunyarga umayquita nanächir fiyupami llaquicachishunquipaj.

1 Samuel 25:6

Cachancunata niran: «Nabalta ninqui: ‹¡Gamtapis, famillyayquicunatapis, wasiquicho cajcunatapis fiyupami wamayä!

1 Samuel 15:32

Chaypitaga Samuel niran: «Apapämay Amalec runacunapa raynin Agagta.» Agagga Samuelpa ñaupanman aywaran mana manchacullarna «manami wañuchimanganachu» nir.

Deuteronomio 28:56

Amatar alli cuyacoj warmipis fiyupami chiquicurconga amatar cuyashan runanta wamrancunata.

Deuteronomio 28:54

Amatar alli runa cashpanpis fiyupami chiquicurconga wauguinta, amatar cuyashan warminta, manaraj micushan caj wamrancunatapis.

Lucas 16:19

Mastapis Jesús willaparan: «Juc rïcu runashi casha fiyupa cuestaj röpacunallata jaticoj. Payga waran-waranshi rejsinacushancunawan fistata rurashpan alli micuycunallata micur goyaj.

Génesis 2:17

Ichanga ama micunquichu allita mana allita musyachicoj yörapa wayuynillanta. Chayta micushpayquega wañunquipämi».

2 Timoteo 3:6

Chay runacuna waquenga pipa wasinmanpis yaycun warmicunata llutanta yachachinanpaj. Chay warmicunaga juchan atipashami; shongun munashancunallatami imatapis ruran.