1 Timoteo 4:8 - Tayta Diosninchi Isquirbichishan

⁸ Tayta Diosninchi munashanno goyayga mas allimi caycan fïsicata rurashanchïpitapis. Fïsica rurayga cay pachacho cawashanchïcamallami alli caycan. Tayta Diosninchi munashanno goyaymi ichanga cay pachacho y syëluchöpis alli cawananchïpaj caycan.

1 Timoteo 4:8 Referans Kwoze

Mateo 6:33

Chaycunapaj yarpachacunayquipa ruquenga yarpachacunquiman Tayta Diospa maquincho cawanayquipaj. Pay munashanno cawaptiquega imata nistashayquitapis tarichishunquipämi.

1 Timoteo 6:6

Alli goyayga manami rïcu caychörächu caycan. Chaypa ruquenga rïcu carpis, pobri carpis Tayta Diosninchi munashanno goyaymi mas alliga.

Proverbios 22:4

Umildi cashpan, Tayta Diosta rispitaptenga Paymi camacächin chay runa ima-aycayojpis cananpaj, rispitasha cananpaj, alli cawananpaj.

Proverbios 19:23

Tayta Diosta rispitar manchacoj cäga alli cawaytami tarin. Chaynöpami alli goyan. Manami imamanpis chayanchu.

1 Juan 2:25

Jesucristoga quiquinmi aunimashcanchi imaycamapis cawananchïpaj.

Marcos 10:30

chay runaga chasquenga pachac cutipa mastami. Cay caway-bïdachönami charanga: wasincunata, wauguincunata, pañincunata, mamancunata, wamrancunata, chacracunatapis. Ñacasha carpis Tayta Diosninchïpa ñaupancho para-simri cawanga.

Salmos 37:29

Alli runacunami ichanga alli pachacho tiyanga. Chayllachömi imaycamapis goyäconga.

Salmos 37:11

Umildicunami ichanga alli pachacho tiyanga. Tayta Diosmi jauca goyächenga.

Hebreos 13:9

Chaymi llutan yachachicojcuna yachachishantaga ama chasquipaychu. «Tayta Dios munashanno alli cawanayquipaj rejsishallata micuy» nirpis manacajcunallata yachachishunqui. Tayta Diosninchëga alli ricashunqui manami imatapis rejsishacunallata micuptiquirächu. Man'chäga pay cuyapäcoj carmi imachöpis yanapäshunqui.

Isaías 3:10

Alli runacunatami ichanga ima rurashallanpis alli llojshipanga. Allita rurashanpitami alli cawanga.

Eclesiastés 8:12

Nogaga yarparä Tayta Diosta sirbir rispitajcunalla alli cawashantami. Yarparä Tayta Diosta mana manchacuptin fiyucunapäga imapis mana alli chayamunan cashanta; llantuy päsacojno rätulla cawashanta. Chaypis juchata ruraj cäga jinalla juchata ruraycarpis achca watami cawarcaycan.

Salmos 145:19

Payta rispitajcuna imatapis mañacushantaga llapantami camacächin. Mañacuptin imapitapis salbanmi.

Salmos 84:11

Tayta Dios gammi intita achicyächimunqui, ima mana allipitapis chapämanqui. Munashayquino goyajcunataga cuyanquimi, allimi ricanqui. Paycunataga llapantapis allitami tarichinqui.

Apocalipsis 3:21

«Imano ñacarpis imaycamapis noga nishäta wiyacojcunataga churashaj nogawan iwal mandananpämi. Tayta Dios munashanno cawashäpitami nogatapis churamasha imaycamapis mandaj canäpaj.

Tito 3:8

Chay nishäcunaga llapanpis rasun cajmi. Chaymi nishäcunataga mana guellanaypa ermänucunata yachachiy. Chauraga sumajmi yarpachaconga Diosninchi munashanno allillata rurananpaj. Cay yachachishäcunaga llapan wiyacunanpaj allimi.

Job 22:2

«Runaga ¿imapäräshi Tayta Diospäga alli canman? Fiyupa yachaj cashpanpis ¿imachöräshi Tayta Diostaga yanapanman?

1 Samuel 15:22

Chaura Samuel niran: «Wiyacushaga sacrifisyucunata rupachishanchïpitapis masmi Tayta Diosga cushicun. Uyshacunata pishtarcur wiranta rupachishanchïpita mas allimi Tayta Dios nishancunata wiyacuptinchi.

Apocalipsis 3:12

«Imano ñacarpis imaycamapis noga nishäta wiyacojcunaga templupa simintuncho rumicuna mana cuyucoj cashannömi canga. Paycunaga Tayta Diospa ñaupanchömi imaycamapis canga. Paycunamanmi isquirbishaj Tayta Diospa jutinta, janaj pachapita shamoj mushoj Jerusalenpa jutinta, quiquëpa mushoj jutëtapis.

1 Corintios 8:8

Micuy manami Tayta Diosninchi chasquimänanchïpächu ni mana chasquimänanchïpäpischu caycan. Micurpis manami juchayojyanquichu. Mana micushayquipis manami alliman churashunquichu.

Jeremías 6:20

Juc-lä nasyuncho caj alli asyaj jachacunatapis, Sabäpita insinsutapis ¿imapätaj apapämanqui? Nogaga melanäcömi uywacunata pishtar rupachishayquitapis. Ofrendacunata apamushayquitapis manami munächu.

Isaías 33:16

Chayno cawaj cajmi alli pachacho cawanga. Chay runaga goyanga gagacho rurasha caycaj pacacunachönömi. Chay runapaga micuyninpis yacupis manami pishengachu.

Salmos 37:9

Fiyucunataga Tayta Diosmi illgächenga. Tayta Diosman yäracojcunallanami alli pachacho cawanga.

Romanos 8:28

Musyanchïmi cuyashancunapäga Tayta Diosninchi imatapis allita rurashanta. Ichanga pay chayno ruran acrashan caj runacunallapämi.

1 Corintios 3:22

Pablupis, Apolospis, Cefaspis, cay pachapis, cawaypis, wañuypis, canan cajpis y shamoj cajpis llapan gamcunapämi caycan.

Mateo 19:29

Pimi noga-raycu cachaycun wasinta, wauguinta, pañinta, papäninta, mamanta, wamrancunata, chacrancunatapis; chay runaga Tayta Diospa ñaupanchömi imaycamapis cawangapaj. Chayno cachaycushanpitaga pachac (100) cuti mastami chasquenga.

Job 36:11

Diosta wiyacur cumlishpanga imaypis cawashanyäga cushisha allilla goyan.

Mateo 12:32

Destinädu Runapa contran rimaptinpis Tayta Diosga perdunangami. Espíritu Santupa contran cajtami ichanga mana perdunangachu cay bïdacho ni juc bïdachöpis.

1 Timoteo 4:7

Ama chasquipaychu runacuna llutanta yachachishancunataga. Chaypa ruquenga Tayta Diosninchi munashanno waran-waran goyay.

1 Timoteo 6:3

Taytanchi Jesucristupa alli willacuynenga Pay munashanno cawananchïpämi yachachimanchi. Llutan yachachicojcuna yachachishanmi ichanga mana tincunchu.

1 Timoteo 6:5

quiquin-pura rimanacun, pillyan. Paycunaga rasun cajta mana musyarmi jucha rurayllacho arun. Tayta Diospa jutintapis parlan rïcuyayta munallarmi. [Paycunawanga ama shuntacaypischu.]

2 Timoteo 3:5

Runacuna ricanallanpämi Tayta Diosninchïman yäracoj-tuconga. Imanöpis cawashanmi ichanga mana Tayta Diosninchi munashannöchu canga. Chayno runacunapitaga witicuy.

Lucas 5:38

Chaymi chayraj rurasha bïnutaga wiñanchi mushoj gara shutiman. Chauraga ishcanpis allimi llojshin.