1 Timoteo 4:15 - Tayta Diosninchi Isquirbichishan

¹⁵ Chay nishäcunata mana gongaypa ruray. Yachachishänölla alli cawashayquita ricashushpayquimi runacuna tantiyanga Tayta Diosninchi munashanno cawaycashayquita.

1 Timoteo 4:15 Referans Kwoze

Mateo 5:16

Runacuna ricananpaj achqui sindiraycashanno gamcunapis runacuna ricashunayquipaj allillata rurar goyay-llapa. Chayta ricacurmi runacuna alabanga syëlucho caycaj Diosninchïta.

Salmos 143:5

Unaycunapaj yarpärëmi. Milagrucunata rurashayquipäpis yarpärë.

Salmos 104:34

Noga yarpaycashäcunaga Tayta Diospaj alli caycuchun. Chayno captenga cushicushämi.

Hechos 6:4

Nogacunanami mana yamacaypa Tayta Diosta mañacuycäshaj, alli willacuynintapis willacuycäshaj.»

Tito 2:14

Jesucristoga llapan jucha ruraycunapita jorgamänanchïpämi noganchi-raycu wañuran. Chaynöpis perdunamashpanchïmi shuntamashcanchi cuyashan wamrancunana car pay munashanta rurar goyänanchïpaj.

Salmos 119:97

Nogapäga fiyupa allimi yachachicuyniquicuna. Imay örapis chaytaga yarparaycämi.

Josué 1:8

Yaparir-yaparir yachacuy cay lay isquirbichishätaga. Pagasta junajtapis yarpachacuy nishannölla cumlinayquipaj. Chauraga ima rurashayquipis allimi llojshipäshunquipaj.

1 Timoteo 4:6

Chay nishäcunata ermänucunata sumaj yachacherga Taytanchi Jesucristupa alli sirbejninmi canquipaj. Tayta Diosninchïpa alli willacuyninta yachacorga, y alli yachachicuycunata wiyacorga alli micuyta micushanömi canquipaj.

Salmos 119:148

Waray-waraymi ricchä aunishayquicunata yachacur.

Salmos 119:99

Yachachimajcunapitapis masmi tantiyä. Chaynöga tantiyä estatutuyquicunata yarpararmi.

Salmos 119:48

Nogaga cushishami mandamintuyquitapis chasquicö. Layniquicunatapis manami gongächu.

Salmos 119:15

Willapämashayquicunata cumlinäpämi yarpachacushaj. Caminuyquipa puriyta manami gongashächu.

2 Corintios 8:5

Churananpaj yarpashäpitapis mas achcatami churaran. Rimëruga quiquincunami bïdanta Tayta Jesucristupa maquinman churasha. Nircurna nogacunatapis nimaran imata nishätapis Tayta Dios munashanno cumlinanpaj.

Salmos 105:5

Fiyupa almiraypaj milagrucunata rurashanta yarparay. Mandamintuncunata yachachishantapis yarparay.

Salmos 49:3

Yarpachacuycurmi rimamushaj. Yarpachacunapaj cajcunatami parlamushaj.

Salmos 19:14

Tayta Dios gammi chapämanqui, imapitapis salbamanqui. Cay parlashätaga yarpashäcunataga chasquiycamay ari.

1 Corintios 16:15

Ermänucuna, gamcunaga musyanquimi ermänunchi Estéfanas famillyancunawan Acaya probinsyacho Jesucristuta rimëru chasquicushanta. Chaypita-pachami paycunaga Tayta Diosninchi munashanno goyarcaycan. Waquin ermänucunata imachöpis yanapaycan.

Salmos 119:23

Munayniyoj runacuna mana allita ruramayta yarpaptinpis nogaga layniquicunallatami yarparaycä.

Salmos 77:12

Unaycuna milagrucunata rurashallanpaj yarpachacushaj.

Salmos 63:6

Chacaypa cämächo weguraycashä örapis gamllapämi yarpä.

Salmos 1:2

Cushishami goyanga Tayta Diospa laynincunata cushisha cumlejcunaga, chacaypa junajpapis cumlinallanpaj yarparajcunaga.

2 Corintios 4:14

Musyanchïmi Taytanchi Jesucristuta cawarachimushanno Tayta Dios llapanchïtapis cawarachimänanchïta. Nircorga ñaupanmanmi llapanchïta pushacamäshun.

1 Timoteo 4:14

Chay llapan ruranayquipaj cajcunata ruranqui. Mayur ermänucuna umayquiman maquinta churaycur mañacuycaptinmi Tayta Dios niran munashanta ruranayquipaj cajcunata gamta musyachishunayquipaj.

1 Timoteo 4:16

Gamga allita rurar cawanquiman. Cuydä llutanta yachachinquiman. Rasun cajllata yachachir Tayta Diosninchi munashannölla caway. Chayno cawarga quiquiquipis y yachachishayquita chasquicojcunapis salbacongami.

Números 8:26

Chaypitaga waquin famillyancunata yanapayllana yanapanga Tincuna Tolducho imapis ruraycunata. Ichanga waran-waran manami aronganachu. Chaynömi camacächinqui Leví trïbu runacuna arunanpäga.»