1 Timoteo 2:9 - Tayta Diosninchi Isquirbichishan

⁹ Chaynölla warmicunapis mayur warmicunano röpata jaticuchun. Tincushalla adurnacuchun. Ama alläpa ajchanta adurnacuchunchu. Goriwanpis ni perlascunawanpis ama alläpa adurnacuchunchu. Fiyupa chanin cuestaj röpacunatapis ama jaticuchunchu.

1 Timoteo 2:9 Referans Kwoze

Jeremías 4:30

Chayno captin ¿imataraj ruranqui Sión runacuna? ¿Imapätaj murädu röpatapis jaticunqui? ¿Imapätaj gori aläjacunatapis churacunqui? ¿Imapätaj ñawiquitapis yanawan pintacunqui? Cuyayllapaj cashayquipis yangami. Cuyashayquicunapis llapanmi melanäcushunqui. Paycuna cananga wañunayquitami munarcaycan.

Salmos 149:4

Tayta Diosga cushicunmi acrashan runacuna alabaptin. Umildicunatami yanapan allicho llojshinanpaj.

Isaías 3:16

Mastapis Tayta Diosga nin: «Sión warmicunaga fiyupami alli-tucun. Ñuquiycachaycar guepishtaycachar-raj purinpis. Chaquinman watacushancunata suynachinanpämi jinallanman jinallanmanraj japaycunpis.

Jeremías 2:32

¿Jipash cashan wichan camaränanpaj ima-aycantapis churacushanta, jaticushanta warmi gongaycunmanchuraj? Acrashä runacunami ichanga ñaupatana gongaycamasha.

2 Reyes 9:30

Chaypita Jehüga aywaran Jezreel siudäman. Chayman aywashanta musyaycur Jezabelga ñawinta pintacuran. Ajchancunatapis sumaj camaränanpaj allchacuran. Nircorga juc bentänaman aywarcur watgaran.

Proverbios 7:10

Mañösa warmiga illajpita llojshiriran tincunanpaj jipash tucur, milluycachaycar, guepishtaycachar.

Génesis 24:53

Nircur apashancunata jorguran achca castata goripita, guellaypita rurashata, chayno röpacunatapis. Chaycunata goycuran Rebecata. Jipashpa turintapis mamantapis bälej cösacunata goycuran.

Isaías 61:4

Unay juchuchishan ragäcunatapis yapaymi allchanga. Unayna juchuchishan jatusaj wasicunatapis yapaymi perganga. Juchusha caycaj ragällan siudäcunatapis jatarachengami.

Ester 5:1

Chaypita quimsa junajta Esterga jaticuran rayna cay röpanta. Nircur raypa palasyun puncuman chayar puncu derëchuncho ichicuycuran. Ichicuycuran sillunnincho ray jamaraycashan derëchuncho.

Proverbios 31:22

Quiquinmi gatancunatapis awacun. Alli röpacunallatami jaticunpis.

Mateo 11:8

U ¿imamantaj aywarayqui? ¿Alli röpasha runata ricajchu aywarayqui? Alli röpan jatisha runacunaga ray tiyashan palasyucunachömi caycan.

Proverbios 31:25

Waracuna imamanpis chayananpitaga manami manchacunchu. Ni imapitapis mana pengacunchu, ni llaquicunpischu.

1 Timoteo 2:10

Chaypa ruquenga Tayta Dios munashanno manchapacuypa cawaj warmicunano allicunata rurar cawachun.