1 Samuel 3:9 - Tayta Diosninchi Isquirbichishan

⁹ Chaymi niran: «Ayway puñucoj. Yapay gayashuptiquega ‹¿Imata Tayta? Wiyaycämi› ninqui.» Niptin Samuel yapay cämanman cutiycur puñucuycuran.

1 Samuel 3:9 Referans Kwoze

Éxodo 20:19

Chaynöpami Moisesta niran: «Gamllana parlapämay ari. Chaura nogacunaga wiyacushämi. Dioswanga amana parlashäcunachu. Pay parlapämaptenga wañucäcömanmi.»

Isaías 6:8

Chaypitaga Tayta Diostana wiyarä cayno niycajta: «¿Pitaraj cachashaj? ¿Piraj canga nogacunapa willacoj cachä?» Chaura noga nirä: «Tayta, caycho noga caycä. Nogata cachamay ari.»

Salmos 85:8

Tayta Diosllatana wiyacushaj. Payga acrashan runacunata alli goyächinanpämi aunisha. Chaura acrashancunaga llutancunata mananami ruranganachu.

Hechos 9:6

Chaura manchariywan sicsicyaycar Saulo niran: «¿Imatataj rurashaj tayta?» Tayta Jesusna niran:] «Cananga jatarcur ayway Damascuman. Chaychönami imata ruranayquipäpis nishunquipaj.»

Daniel 10:19

Callpä yurircuptin nimaran: ‹Ama manchacuychu, ni llaquicuypischu. Diosmi amatar cuyashunqui. ¡Balurchay ari!› «Chayno parlapaycämaptillan mas allina ricacurä. Chaura nirä: ‹Allchacarcachimashcanquinami. Willamay ari tayta.›

1 Samuel 3:8

Quimsa cuti cajcho Tayta Diosga Samuelta yapay gayaran. Chaura Samuelga jatarcur aywaran Elí cajman. «Tayta caychönami caycä ¿imapätaj nistaycämanqui?» niran. Chaura Elïga tantiyacuriran Samuelta Tayta Dios gayaycashanta.

1 Samuel 3:10

Chayaycur Tayta Diosga rimëru gayashannölla yapay gayaran: «¡Samuel, Samuel!» nir. Samuelnami niran: «¿Imata Tayta? Nogalläga wiyaycällämi.»

Josué 5:14

Niptin chay runa niran: «Manami mayganiquipapis cächu. Nogaga Tayta Diospa suldäruncunapa mandajninmi caycä.» Chaura Josuëga gongurpacur umpuran urcunpis pampaman töpanancama. Nircur chay suldäruta tapuran: «¿Imallachöraj yanapäman tayta?» nir.

Salmos 85:9

Tayta Diosga jananchïchönami caycan rispitajcunata salbananpaj. Payga cay pachacho noganchïwanmi imaypis caycanga.