1 Samuel 28:4 - Tayta Diosninchi Isquirbichishan

⁴ Filistea runacunana shuntacarcärir pachacuran Sunem marcacho. Saulpis llapan Israelcunata shuntacurcur aywar Gilboa partiman chayaran.

1 Samuel 28:4 Referans Kwoze

1 Samuel 31:1

Filistea runacuna pillyananpaj yaycapaycäriran Israelcunata. Chaura Israelcunaga gueshpir aywacuran. Gilboa jircacho aypalla runacuna wañuran.

Josué 19:18

Paycunapa chacranchöga caycaran cay siudäcuna: Jezreel, Quesulot, Sunem,

2 Reyes 4:8

Juc junaj Eliseoga Sunem siudäpa päsaycaran. Chaycho tiyaran rispitädu warmi. Chay warmimi Eliseota fiyupa ruwaran wasincho micunanpaj. Eliseoga cada päsayllan chay warmimanga watucur chayaj.

2 Samuel 21:12

Chaura Davidga aywaran ganchis wañojcunapa cuerpunta y Saulpa Jonatanpa tulluncunata shuntaj. Pamparaycaran Galaadcho caycaj Jabeschömi. Chaycho tiyaj runacunami suwamusha caran Bet-sán läsapita, Filistea runacuna Gilboacho pillyar Saulta wañuycärachir warcushanta.

2 Samuel 1:21

«¡Gilboa jirca, cananpitaga amana gamman imaypis tamyamuchunnachu! ¡Ni shullaypis yurichunchu! Gamga canqui wañushacuna jitaränan pampami. Chaychömi pillyay yachajcuna charashan escüdunpis lluchcar-ushasha casha. Chaychömi Saulpa chapacuna escüdunpis asëtin pishiptin mana chillapyashanachu.

2 Samuel 1:6

Chay runa niran: «Nogaga puriycashächo mana yarpashapita camacarä Gilboa jircaman. Chaychömi ricashcä Saultaga lansanman tuncacuycajta. Filistea runacunaga carrëtanwan y cawallun muntasha cajcuna jananchöna caycaran.

1 Samuel 28:5

Filistea runacunata ricar Saulga fiyupa manchariran. Shongunpis tic-ticyaran.

1 Reyes 1:3

Chayno nir mas cuyayllapaj jipashta intëru Israel nasyunpa ashir tariran Abisag jutiyojta. Nircur pushaparan rayman. Abisag caran Sunem marcapita.

1 Samuel 31:8

Warannin junaj Filistea runacuna wañushacunapata imancunatapis apacunanpaj aywaran. Chaychöraj tariran Saulta quimsan wamrancunatawan Gilboa jircacho wañusha jitarpaycajta.