1 Samuel 28:15 - Tayta Diosninchi Isquirbichishan

¹⁵ Samuel niran: «¿Imapätaj gayachimashcanqui rabyachimashpayqui?» Niptin Saúl niran: «Fiyupami llaquicuycä. Filistea runacunami magayta munaycäman. Tayta Diospis cachaycamashami. Mananami ni imanillarpis willamannachu suyñuynëchöpis, profëtacunawanpis. Chaymi gayachishcä imano ruranäpäpis nimänayquipaj.»

1 Samuel 28:15 Referans Kwoze

1 Samuel 28:6

Chaymi Tayta Diosta tapucuran. Ichanga manana willarannachu suyñuyninchöpis ni Urim rumiwanpis ni profëtacunawanpis.

1 Samuel 18:12

Davidta Tayta Dios yanapaycashanta musyarmi Saulga manchacuranna. Quiquintaga manana Dios yanaparanchu.

Oseas 9:12

Yurejllan wamrancunata uywaptinpis nogaga ushajpämi guechurishaj. ¡Wawallau caycho caycaj runacuna! Noga witicuriptë mä imanöshi canga.

Proverbios 14:14

Mana tantiyacojcunaga imanöpis rurashanpita pägunta chasquenga. Alli runapis alli cajcunata rurashanpita pägunta chasquengami.

Mateo 25:41

«Chay ichoj caj-lädöcho caycajcunatanami nishaj: ‹¡Gamcunataga Satanaspaj y yanapajnincunapaj camarisha caycaj imaypis mana upej ninamanmi canan gaycurishayqui!

Salmos 51:11

Ama gargamaychu ñaupayquipitaga. Ama apacuychu nogacho caycaj santo espirituyquitaga.

1 Samuel 28:11

Chaura warmi niran: «¿Pitataj gayapäshayqui?» Saúl niran: «Samuelta gayapämay.»

1 Samuel 28:8

Chaymi Saulga juc röpata jaticurcur ishcay yanapajnincunawan chacaypa aywaran chay warmi cajman. Chayaycurmi ruwacuran: «Imano canäpaj cashantapis musyanäpaj wañusha runapa almanta yurichipämay mamïta» nir.

1 Samuel 23:2

Payna jinan öra Tayta Diosta mañacur tapuran: «¿Tayta Dios, Filistea runacunata magaj aywashächu manachu?» nir. Tayta Diosna niran: «Au, ayway magaj. Keila runacunata salbay.»

Jueces 16:20

Gayacuran «¡Sansón Filistea runacuna charishunqui!» nir. Sansonga riccharaycamur yarparan imaypis salbacushannölla salbacuyta. Ichanga mana musyaranchu Tayta Dios manana yanapashanta.

1 Samuel 23:4

Chaura Davidga yapay Tayta Diosta tapucuran. Tapucuptin Tayta Dios niran: «Juclla ayway Keilaman. Nogami maquiquiman churashaj Filistea runacunata.»

1 Samuel 28:16

Chaura Samuel niran: «¿Imanirtaj nogata tapumanqui? Tayta Diosga maynami cachaycushurayquina. Contrayquinami caycan.

1 Samuel 30:6

Chaura Davidga fiyupa yarpachacuycaran. Yan'guincunaga fiyupa rabyasha caycaran wamrancunata apacushanpita. Chaymi Davidta sajmayta munaycaran. Davidmi ichanga Tayta Diosman yäracuran.