10 Wañucherga Tayta Diosmi wañuchenga. Man'chäga pillyachömi wañonga.
Chaypitana Tayta Diosga Moisesta niran: «Gam wañunayquipaj wallcanami pishin. Chaymi Tincunanchi Tolduman Josuëta pushacurcur shamuy. Paytami willapäshaj imata rurananpaj cashantapis.» Chaura Josuëwan Moisesga Tayta Dioswan Tincunan Tolduman aywaran.
Wañunanpaj wallcana pishiycaptin wamran Josëta gayachiran. Nircur cayno niran: «Gam rasunpa cuyapämashpayquega maquiquita cay chancäman jatimuy. Nircur Diospa jutincho juray ruwacushäta cumlinayquipaj. Noga wañucuptëga cay Egiptuman ama pampamanquichu ari.
Ermänucuna, chiquishojniquicunata ama bingansata cutichiychu. Chaypa ruquenga Tayta Diosninchïpa maquinman churaycuy pay jusgananpaj. Tayta Diosninchïpa palabranchöpis caynömi niycan: «Rurashanman-tupu quiquëmi runacunataga jusgashaj.»
Tayta Diosmi ichanga paycunapaj asicun. Musyaycannami fiyucuna illgänanpaj cashanta.
Chaynömi Saulga quimsan wamrancunawan chay junajlla wañuran. Saulpa yanapajninpis wañuran llapan suldäruncunawan.
Atäqui charishanpita chunca junajta yapay Tayta Dios castigaran. Chaynöpami Nabal wañucuran.
Ichanga Tayta Diosmi mana munashachu gam aywaycamur runata wañuchinayquita. Quiquiqui pägacunayquitapis mana munashachu. Tayta Diosga llapan chiquinacushayquita castigachun. Gamta chiquishojcunataga Nabaltano imapis chayachun.
Llutanta rurashanman-tupu quiquëmi runacunataga jusgashaj. Juchan aypämuptenga manami jananpashächu. Ushacächinäpaj juchan aypaycämunnami. Öran chayaycämunnami paycunata jusganäpaj.›
Chayno cashanpitami juc junajllacho fiyupa ñacaycuna payman chayanga. Wañuypis, ñacaypis, yargaypis illajpitami chayanga. Nircurnami rupar fiyupa ushacanga. Paytaga llapanpaj munayniyoj Tayta Diosmi castigangapaj.»
Chayno juc cutillami pï-maypis wañun. Chaypitaga cawarimonga imano goyashanpitapis jusgasha canallanpänami.
Chacaypapis junajpapis acrashan runacuna gayacuypa mañacuycaptenga ¿manachuraj Tayta Diospis yanapanga? U ¿yanapänanpaj shuyarächengachuraj?
Canmi yurinan timpu; wañunan timpupis. Canmi lantanan timpu; achunan timpupis.
Fiyucunataga Tayta Diosmi castiganga mana allita rurashanpita. Tayta Diosninchïmi illgarachenga.
Manapis aycällatanami fiyucunaga illganga. May-jina ashirpis mananami tarinquipänachu.
Ichanga runa wañushpan ¿cawarimongachuraj? Cawarimunan captenga may-jina ñacashpäpis noga shuyarämanmi cawarimunäpaj.
Runa ayca wata cawananpäpis gammi camacächinqui. Imay junajcama cawananpäpis gammi señalapanqui.
«Cay pachacho runaga rätullami cawan. Arupacoj runa juc junaj arupacushannöllami goyan.
Chaymi Tayta Diosninchi ishcanchïtapis jusgamäshun. Mä mayganchïshi juchayoj canchi. ¡Wañuchimänayquipita pay salbamächun!»
Juchata rurajcunapäga Tayta Dios nisha: «Llutanta rurashanman-tupu quiquëmi runacunataga jusgashaj.» Caynöpis ninmi: «Acrashä runacunatapis jusgashämi.»
¡Tayta Diosninchïmi ishcanchïta jusgamäshun! Paymi nogataga alli ricamanga. Nogaga manami imaypis contrayqui jatarishächu.
Nabal wañushanta mayar David niran: «¡Alabasha cachun Tayta Diosga. Nabal ufindimashanpita allichömi Tayta Dios castigasha! ¡Nogatapis chapämashami mana allita ruranäpita. Nabal mana allita rurashantapis quiquinmanmi ticrachisha!» Chaypitana Davidga cachacuran Abigailman «majachacäshun» nir.
Chaymi pasaypa mancharir yanapajninta niran: «Sabliquita jorgurcur tucsiramay juclla. Manami munächu juchasapacuna wañuycachimar cushicunanta.» Yanapajnenga Saulta tucsiyta mana munaranchu. Fiyupa manchacuran. Chaura Saulga quiquin sablinta jawircur jananman tunipaycuran.