1 Samuel 2:5 - Tayta Diosninchi Isquirbichishan

⁵ Ñaupata rïcu cajcuna, cananga yanapäcun juc tantallapaj. Muchuycho cajcunami ichanga manana muchunnachu. Mana wawata tarej warmina ganchis cuti gueshyacusha. Achca wamrayojcunataga japallanna ricacunanpämi wamrancunata ushacächin.

1 Samuel 2:5 Referans Kwoze

Lucas 1:53

Yargaycho caycajcunatami garachisha. Rïcucunatami ichanga jinayllata garguchisha.

Salmos 113:9

Mana wawa tarej warmita cushicachin wawayoj cananpaj, wasincho cushishana tiyananpaj. ¡Aleluya! ¡Tayta Diosga alabasha cachun!

Jeremías 15:9

Ganchis ollgu wamrayoj warmicunapis chiyacäconga. Jämayninta cachaytapis manami camäpaconganachu. Manaraj timpuncho wamrancuna wañushanpitami pengacur uysucarcärenga. Maygallanpis cawaycar quëdaptenga contrancunawan simrimi wañuchichishaj. Noga Tayta Diosmi chayno në.»

Salmos 34:10

Rïcucunapis pobriyar muchupacarga yarganmi. Tayta Diosman yäracojcunapaga manami ima-aycanpis pishengachu.

Lucas 16:25

«Chayno niptinshi Abraham niran: ‹Ïju, gamga yarpay rïcu cashpayqui alli cushisha goyashayquita. Lazaroga pobri cashpanmi fiyupa ñacaran. Chaypitami cananga caycho cushisha caycan. Gammi ichanga chaycho ñacaycanqui.

Isaías 54:1

«Imaypis wawata mana tarej warmi fiyupa cushicuy. Gam imaypis mana gueshyacoj warmi cushicuypita cantay. Runan cachaycusha wawata mana tarej warmimi runayoj warmipita mas achca wawata tarenga.» Tayta Diosmi chayno nisha.

1 Samuel 1:6

Chaypitami Peninaga Anata chiquej. Asipaj, manacajman churaj wawata mana tarinanpaj Tayta Dios camacächishanpita.

1 Samuel 1:20

Chaynöpami Anaga gueshyaj ricacuran. Quillan aypämuptin ollgu wamrata gueshyacuran. Tayta Diosta mañacusha carmi jutinta churaparan «Samuel» nir.

Gálatas 4:27

Tayta Diosninchïpa palabranpis nin: «Imaypis wawata mana tarej warmi fiyupa cushicuy. Gam imaypis mana gueshyacoj warmi cushicuypita cantay. Chaynöga cushicuy runan cachaycusha warmi runayoj warmipita mas wawata tarishanpita.»

Rut 4:15

Imachöpis ollgu willcayquega cushicachishunquipämi. Chacwanyaptiquipis ricashunquipämi. Fiyupa cuyashoj llumchuyniquipa wamranmi canpis. Llumchuyniquega ganchis wamrayquimanmi tincusha.»

Isaías 33:9

Allpaga fiyupami chaquicäcusha. Imatapis mana wayuchinnachu. Líbano muntipis wañuytacäcushami. Sarón guechwapis chunyaj chaqui jircanami ricacusha. Basán puntawan Carmelo puntapis garayashami caycan.