1 Samuel 19:17 - Tayta Diosninchi Isquirbichishan

¹⁷ Micalta Saúl niran: «¿Imanirtaj llullapämashcanqui? Chiquishätami gueshpichishcanqui.» Chaura Mical niran: « ‹Gueshpinäta mana munaptiquega wañuchishayqui› nimashami.»

1 Samuel 19:17 Referans Kwoze

2 Samuel 2:22

Chaura Abnerga yapay niran: «¡Ama gaticachämaychu! Wañuchinätachu munanquipis. Gamta wañurcacherga ¿ima nishätaj wauguiqui Joabtaga?»

Gálatas 4:16

Cananga ¿rasun cajta nishäpitachu nogapa conträ ricacushcanqui?

Mateo 2:16

Chay goyllar estudyajcuna Herodes cajpa manana cutiptin fiyupa rabyaran «engañamasha» nir. Chaymi yuparan goyllar imaypita yurishantapis willashanta. Nircur suldäruncunata cacharan Belencho cajta, altu jircancunacho cajtapis llapan ollgu wamracunata wañuchinanpaj. Ollgu cajtaga ushajpämi wañuchiran itipita ishcay watayojcama.

1 Reyes 21:20

Eliasta Acab niran: «Conträ, tariycamanqui ¿au?» Chaura Eliasga niran: «Au tarishcämi. Tayta Diosta mana wiyacur gamga fiyupa mana allicunallatami ruraycanqui.

2 Samuel 17:20

Absalonpa yanapajnincuna chayar warmita tapuran: «¿Maytaj Ahimaaswan Jonatán?» nir. Warmina niran: «Caypami päsacusha mayuman.» Chaura Absalonpa gatirajnincunaga ashej aywaran. Mana tariycärerga Jerusalenman cuticuran.

1 Samuel 28:12

Gayarcushpan warmiga illajpita ricäriran Samuelta. Ricärir gapachacuran. Nircur Saultana niran: «¿Imanirtaj llullapämashcanqui? ¡Saulchaj canqui!»

1 Samuel 22:17

Jinan öra rayga quiquinta täpaj suldäruta niran: «¡Tayta Diosta sirbej cürancunata wañurachiy! Paycunapis Davidpa faburninnami. Gueshpiycashanta musyaycar mana willamashachu.» Chaura rayta täpaj suldäruga cüracunata wañuchiyta mana munaranchu.

1 Samuel 19:14

Saúl runacunata cacharan Davidta prësu apamunanpaj. Chaura Micalga «gueshyaycanmi» niran.

1 Samuel 19:16

Saúl cachashan runacunaga Davidpa wasinman yaycur cämacho tariran jatun ïdulullata, cabra garacha jawanancho caycajta.